Ẹsịta 7:8 - IWE ỌNỊNỊ

⁸ Ohinọyị mẹ̀ và hụụnị ụbazị na ngụ ịzị ẹ yà ee hu eche, di o ve tù ka Ịhamanị ọ tana tụra aha ọyị yaatụ Ẹsịta nị. Dị ohinọyị ka, “oo! eyi amị ụ wa ngụ tù ose mi ịnị eehi amị bẹẹ nị!” Di ohinọyị wụsẹ mẹ̀ ọkarẹyị yọ, dị a wụsẹ sị ịsa ku Ịhamanị eyi nị.

Ẹsịta 7:8 ပူးပေါင်းရင်းမြစ်များ

Ẹsịta 1:5

Ịjị ụhwẹ ịhịnọnyị ọnọọ sị gụ, dị ọ rẹ varẹma sị ẹkụhị ịhịmba tịtẹ ọnị ọ sị hị́ avaba aza ene hì Isusa ịzị ẹ vị ohyẹtẹ ịjọva ka ẹ̀ va rị ịsa nị. Ô hị́ opisa nịnị ẹnịrị onosiye nịnị. Dị ọ kụ́ avaba aza ẹnẹnị gụ ịnị ohweje ịda anị nị.

Ẹsịta 1:6

Ohweje ọnọọ vị ana a nyayịnẹ mẹ ọvị ẹtẹẹtẹrẹ. Â sị ịta onivuru ọnịrị ọvwọọvụ mẹ avahị gẹ ọhẹ ene hi ịzọọ. Ịta ọvụ ọnịrị anangẹrẹ ana a sị mẹ obo anị vị ana a kụ ochirigege enyusẹ isiriva hi gẹ ịrẹsụ ọhẹ ana a sị ịrẹta ọvwọọvụ mẹ. Aha ọyị yaatẹ ene hi ịzọọ vị ana a sị Igooru ọnịrị enyusẹ isiriva mẹ. Ohweje ọnọọ vi ana a sị ịrẹta hị́ ịmabụrụ ọnịrị ịrẹta ẹkẹhị-ẹkẹhị irenyi-irenyi mẹ eteesu anị dị aa za nyoonyo.

Ẹsịta 6:12

Ịjị ẹ sị mẹ ta, dị Imodekaya và na yaatẹ oze ovwoovu ịdị ohinọyị nị. Dị Ịhamanị ọnị zwe na ngụ eehi, dị ọ na và ụvọ kú eyi di aa jị òrèrè nị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ijoovu 9:24

Ohomorihi ọ́ raa sị ẹhẹ chire aza edivi ụvọ, dị o gu ọmọkarẹyị nịnị eyi ka asị ẹ mẹ ịzẹyịza nị. Ẹ̀ yị vị Ohomorihi ọ vavọọ mẹ̀ ẹ, ẹnị ọ vị ọsa.

Ayịsaya 22:17

Ẹnẹyịmavara kà ma kà a yọ ka ô ro ka â nyị ịsị ọnị vị. Ama Ohomorihi vaa za a, dị ọ sị ọ, dị ọ tụ̀ ọ òkòkó nọ aha ene noze huu.

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Emọsị 3:12

Ẹnẹyịmavara kà anka oseratẹmẹ mẹẹ̄ sịị vụrị dọ ẹpẹẹpẹrẹ uye ahụ ọnịrị ụtọ atẹmẹ ana vọ hụụnị irenu idu avọọ, avọọ ọnị mẹ vaa dọ Anisirẹrị nịnị chee ene hi Ịsamarịya ha hụụnị ụvọ ọnịvị ẹnịnị nị. Dị a tụ̀ wa avosusu, dị ahịka ọkansẹsẹ ụvẹnẹ ẹnịnị ọnịrị operẹsụ ana ku hẹ̀ kẹnẹ ọ vọ tụ wa ụvọ nị.

Ịmaakị 14:65

Dị aza ẹnyị aa jị atẹẹ kú ọọ, dị ẹ sị ịsa kú ọọ eyi, di eyee hú ọ ọsẹ nị. Dị ẹ ka, “Kà ẹ yị di a re, ene ee tụ́ wu aanị!” Dị ezi ahụ aa nya a arụhwọtọ nị.