Ẹsịta 7:7 - IWE ỌNỊNỊ

⁷ Ohinọyị mẹ wụ́ ịrẹyị ọnọnị kẹnẹ, dị ayị anị sị tụ́ nị. Dị ọ jị ayị kwẹẹtẹ para eche anị hu nị. Dị ọ nọ ịnị ụbazị ana yà ịzọọ nị. Ịhamanị ọ sị yẹ ka ịrẹyị odivi ô tù ọnị ịrẹsụ, dị ọ kwẹẹtẹ dị aa da ịpẹẹ yi Ẹsịta, ose ohinọyị nị.

Ẹsịta 7:7 ပူးပေါင်းရင်းမြစ်များ

Ẹsịta 1:12

Ịjị ezi ahụ ohinọyị na kà ụtụ yị Ivasiti, dị ọ ka ọnị ọ yị nọ nị. Ebira ọnị ọ mẹ aanị vị ana nyayịnẹ du ohinọyị ayị ẹnẹmẹhị.

Ẹsịta 1:5

Ịjị ụhwẹ ịhịnọnyị ọnọọ sị gụ, dị ọ rẹ varẹma sị ẹkụhị ịhịmba tịtẹ ọnị ọ sị hị́ avaba aza ene hì Isusa ịzị ẹ vị ohyẹtẹ ịjọva ka ẹ̀ va rị ịsa nị. Ô hị́ opisa nịnị ẹnịrị onosiye nịnị. Dị ọ kụ́ avaba aza ẹnẹnị gụ ịnị ohweje ịda anị nị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ahẹ Ụgama 112:10

Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.

Ụhịrẹyị 14:19

Aza ọhịmị vị ene vee hi ụvọ zi aza ọyịza. Ẹ vaa ya enoze aza ọyịza pa ịsa nị.

Ụhịrẹyị 14:35

Ayị ohinọyị vị ene hine tu ọza anaa mẹ ẹtẹẹrẹ, ama vị ọọ sị ụya rị ọza anaa mẹ̀ẹ ụhị nyị ọ nị.

Ụhịrẹyị 16:14

Ọza ana yẹ ịrẹyị vị ana sị ayị ohinọyị nẹtẹ agụvị ka ọ nyayịnẹ wụ̀ ọza ayị ọ̀ọ kụ ọ.

Ụhịrẹyị 19:12

Ọyịkụ ohinọyị vị eneē chire ẹtẹ angwa, ama ebira ọyịza anị vị anaa sị ẹtẹ rọ̀.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ịdanịyẹrị 3:19

Ọsọnị ọ mẹ ka ayị Inebukadineza ọọ dọva hụtụ-hụtụ dị eyi anị e vi ọ maa kụ́ ayị hi Isediraki, Imesaki ọnịrị Abedinego nị. Dị ọ mẹ ọda ka, è tenyi ịra ana a kà tụ ịnị ọba ịra aanị kà ẹtẹẹtẹrẹ nị.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.

1 Ịsamụwẹrị 20:7

Ọ̀ọ kà ka ooho, dị ụ yẹ ka mẹ yị kụkụ nyị ịrẹyị anị. Ana àa vị aa kụ́ ayịị hi wu nị, dị wa yẹ ka ọ sị ẹngụ tenyi ka ọnị ọ̀ sị ịsa odivi mẹ mị.”

1 Ịsamụwẹrị 20:9

Di Ijonatani ka, “Navọ asị ụ rẹ maanị kà. Màa sị ụtọ kụ́ ịpa anị ka ada amị ee sì ka ọnị ọ̀ wụ̀ wụ, m maa kà a wụ nị.”

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”