Ẹsịta 7:4 - IWE ỌNỊNỊ

⁴ A raà ná ọnịrị aza anị ka à wụ̀ ẹnị. A kà è vu ẹnị ẹtẹ. Àa vị kà a ná ẹnị ọrịhị kẹnẹ yọ nị, ọnị ẹ yị yaanị kụ́ ọ zigi wụ.”

Ẹsịta 7:4 ပူးပေါင်းရင်းမြစ်များ

Inehemaya 5:5

Ẹ kà ẹnịrị Aniju ana maanị aa mẹ ẹnị aanị vị ọnyọọnya. Ezi aza ẹnyị e yi huna ọsa. Ama dị ẹnị sị ụkata-ụkata za ezi anọrụ ọnịrị anẹẹ ẹnịnị ọrịhị yị wa nị. Ẹnị ẹ sị tụ ọkụmị tụ wa ụvọ agụvị ka ẹ raà dọ ẹnị aarẹ ọnịrị ụbazị ịvayịnị ẹnịnị.

Ẹsịta 3:13

Ệ kú iwe ẹnẹẹ tụ́ ọnụtụ ohinọyị nịnị ka ẹ̀ ga a zịịzị yị ọdọvịdị ẹkụra nịnị ịnị ẹtẹ ọnọọ nị. Dị a ka à wụ̀ avaba Aniju nịnị ịnị ẹkụhị ọnya nị. Ẹkụhị ọnọọ ọ vị ẹkụhị ẹwụrẹta ịnị ụhwẹ ẹwụrẹva ana aā hị́ Ada nị. Ọda ọnọọ vị ana a mẹ ka è vú Aniju nịnị ẹtẹ saka-saka. Asị a nyị aza ana vọ ẹtẹ ịnị ẹnịnị vụrụ-vụrụ.

Ẹsịta 3:9

Taarụ! Wàa dọ, mẹ ọda ka à wụ̀ aza ẹnịnị va ha. Mị vaa sị ẹkẹhị isiriva akawụ-akawụ oze ẹẹhị tụ́ ịzị aā sị ẹkẹhị ohinọyị tụ́, dị à sị mẹ̀ ụkọrọ ọnọọ.

Ẹsịta 7:5

Dị ohinọyị Ahasẹrọsị họ̀ Ẹsịta ose anị ka, “Ẹnị ọnị ọ vị? Ịzị ọza ọnọọ hụrẹ vẹ? Ẹnị ayị anị vavọọ divi ka ọnị ọ mẹ̀ ebira ọhịmị ọnọnị?”

Ẹsịta 7:6

Dị Ẹsịta ka, “Ịhamanị, ọza odivi ọnọnị ọ vavọọ vị ọnịvị ayị nị.” Dị ẹngụ Ịhamanị sụ ẹgahị ọvịdị ohinọyị ọnịrị ose anị nị.

Ẹsịta 8:11

Iwe ọda ọnọọ ộ sị ụkata yị Aniju nịnị ka ẹ̀ kụ́ ẹngụ gụ, di è tenyi ẹngụ ẹnịnị dị ẹ̀ dọ ẹngụ ẹnịnị ha hụụnị ụvọ ọnịvị ẹnịnị. Dị ẹ̀ va eyi kà aza ana àa kú ẹnya ịrẹkụ vẹ ini egidi ẹnịnị ịnị ẹtẹ ọnọọ. Ọda ộ sị oze yị wa ka ẹ̀ wụ́ ose ọnịrị ezi ọnịvị ẹnịnị. Dị ẹ̀ rẹ kụ́ ogu aza ẹnẹẹ.

Ẹsịta 8:6

M máá nyị ẹngụ ee re ka aza amị ee vú ẹtẹ, dị asị mị tụ́ ohi nị? A vị mị vaa jị ụvọ za ẹngụ dị mee re ka aa wụ̀ anda ayị ha nị?”

Ẹsịta 9:25

Ama ịjị Ẹsịta va ha ohinọyị eyi tu ebira odivi Ịhamanị, dị ohinọyị mẹ̀ ọda ana a chẹrẹ ka ịsị odivi oni o ro tụra Aniju ọ̀ vẹ ịrẹsụ anị nị. Di e zu Ịhamanị ọnịrị ezi anị gẹ ọchị nị.

Ịdanịyẹrị 6:2

Dị ọ rẹ nyị Ịdanịyẹrị ọnịrị aza ẹnị ẹẹva ọsa ka ẹnịnị è si eyi pe Ịgọvọnọ ẹnẹnị nị. Ọ kà ẹnịnị e re ka ụkọrọ aa na ẹtẹẹrẹ.

Ijowẹrị 3:6

Ẹnịnị ẹ raa ná Anịjuda ọnịrị Anijerusarẹmị yị Anigiriki nịnị, dị aa kụ wa hụrẹ ẹtẹ ẹnịnị nọ aha ẹnẹẹnẹ nị.

Emọsị 2:6

Ẹnẹyịmavara kà ọnị aa pịva yị Anisirẹrị nịnị agụvị ebira odivi ẹnị ẹ mẹ̀. Ẹnịnị ệ ná aza ọyịza dọ ẹkẹhị, dị ẹ ná onuruwa nịnị ẹhụ ẹkẹhị adava ụkụha nị. Ẹnịnị ẹ yi vaa mẹ̀ ẹ sịị rị.

Iruuku 12:45

Ama àa vị ozi ahụ ọnọọ kà a ịnị ayị anị ka: ‘Ọga amị ee kù ọyịvẹ’, di o nyima di ee tụ́ ozi ahụ anọrụ ẹnịrị anẹẹ ana vọ, dị aa rị, di ee hú, dị aa mẹrị eche nị,

Iwe Ọhụhị Imosiisi ana aa hị́ Ọyịvatụrọda 28:68

Ẹnẹyịmavara ộ vịdị kà a ka, a sị ụ kụkụ va nọ Ijipiti nịnị. Ama ọ vaa mẹ ka a sị ẹpa ọbanyị kụ́ wụ nịnị varẹma nọ Ijipiti. U vee si ka wa ná ẹngụ awụ ọrịhị yị aza ịzọọ, ama ẹ yị nyị ọza ana vaa dọ ka ọnị ọ̀ hị́ wụ nịnị.

Ijosuwa 9:23

Agụvị ka ẹnịnị ê vene Anisirẹrị nịnị, Ohomorihi ộ raà jị ịvị yị wa. Ọrịhị Anisirẹrị nịnị ẹ vaa vị pooro, dị ẹ yaa sì ọkụ, dị ẹ yaa da enyi tụ ịnị irehi Ohomorihi anị nị.

1 Ịsamụwẹrị 22:23

Yaayịtẹ pè mị, asị wu hí angwa. Ọza ana àa ka ọnị aa wụ̀ wụ ẹmị o ree sì ka ọnị ọ̀ wụ avọọ nị. Wàa yaayịtẹ pè mi ịzẹnị, ẹ yị nyị ịsị ẹ vaa mẹ wụ.”