Ẹsịta 5:1 - IWE ỌNỊNỊ

¹ Ịhyẹgwẹta ọnị Ẹsịta vavọọ tụ́ ụtụ hi Imodekaya, dị ọ kụ́ ẹnya ose ohinọyị, dị ọ ngụ ohweje ohinọyị ana ya ịnị ịnẹ na jẹẹ ọvịdị ode ohinọyị nị. Ohinọyị vi ana yaatẹ và eyi kà oze ana aā zịị ngụ ini ohweje ọnọọ.

Ẹsịta 5:1 ပူးပေါင်းရင်းမြစ်များ

Ẹsịta 1:11

Ohinọyị ộ mẹ̀ ọda yị wa ka ẹ sị ose anị Ivasiti ve tu ọnị. Dị ọ kà a yi wa ka ẹ̀ kà yị ose anị ka ò kú amu ohinọyị àaa vẹ. Ose anị ô zoza ẹtẹẹtẹrẹ. Ó si ka ọnị ọ sị ọ mẹ eyi hi ọdọvịdị nịnị ẹnịrị azọga ana gụ nị.

Ẹsịta 2:5

Ụmẹ ọnọọ â nyị Aniju ọnyara ana ra ẹtẹ Isusa. Anịbẹnjamịnị ọ vị nị. Ịrẹha anị ọ rị Imodekaya nị. Ada anị ọ rị Ịjarị dị ada anị ọbanyị rị Isimeyi ana vị ozi Ikisi nị.

Ẹsịta 4:11

â nyị ọda ana a mẹ ka ọza tụra ọza ọnị Ohinọyị ẹ yị tụ hị́, dị ọ ngụ ohweje ana ya ịnị ịnẹ ne re ohinọyị, a wụ̀ ọ. Anajuwe Ohinọyị nịnị ọnịrị avaba aza ene hi ịnị ẹtẹ ọnọọ ẹẹ yẹ ọda ọnọnị. Oze ọnyara chọ̀chọ̀chọ̀ ọ ọza zụ zi ha hụụnị ọda ọnọnị nị. Oze ọnọọ ọ vị ka ohinọyị ọ̀ tana okutẹ Igooru anị hi ọza ana àa vavọọ ngụ ne tù ọ nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ẹsịta 4:17

Di Imodekaya hụụ ịzọọ na mẹ avaba ịsa ọnị Ẹsịta kà yọ nị.

Ẹsịta 6:4

Dị ohinọyị ka ẹnẹ yà ịnị Ikatamba? Ụmẹ ọnọọ gẹdẹ-gẹdẹ Ịhamanị hụụnị ajẹhẹ aa ngụ ịnị ohweje ohinọyịị vẹ nị. Ọnị vi ana vẹ ka ọnị ọ va kà a yị ohinọyị ka ọnị ee zù Imodekayaa gẹ ọchị ọnị ọnị hi jẹẹ.

Ẹsịta 8:15

Dị Imodekaya chire awuru ohinọyị ana a da achẹrẹ onuvuru, ọnịrị ọvwọọvụ beri anangẹrẹ hị́. Di o kù amu ọbanyị ohinọyị ana a si igooru mẹ nị. Dị Imodekaya jịnẹ hụrẹ ọvịdị ohinọyị aa na nị. Dị avaba ẹkụra Isusa aa jẹ, dị ẹ yaa mẹrị sadaa kẹnẹ nị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 11:8

Si u ne re nịnị, ọza ene chire irikimba wáá yọ? Wáa yẹ ka ọza ana àa vavọọ kụ́ ẹnya vị anaā yà eehi ohinọyị.

Imatiwu 27:64

Agụvị avọọ, mẹ ọda ka è ne sere ikuta ọnọọ ẹtẹẹtẹrẹ pooro dị ẹkụhị ẹẹta ọ̀ gụ, agụvị asị ezirẹma anị re oze ne yi ọọ, dị ẹ̀ẹ kà a yị aza ka vị ọ ha kwẹẹtẹ nị. Ireche ọnọọ o vee divii hu ị́ịyẹẹyẹ nị.

Iruuku 22:30

ka wa yaayịtẹ aha ịsọyịrị amị ịzị mị yà aa mẹ ịjọva nịnị, dị ụ waa rị, di u wee hú nịnị. Ẹwụ nịnị rẹ vaa vị ohinọyị, dị ụ waa mẹ̀ ọkarẹyị tụ́ ịrẹsụ ovwoovu ẹwụrẹva Anisirẹrị nịnị.”

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.