Ẹsịta 4:8 - IWE ỌNỊNỊ

⁸ Ọda ana a ka à sí wụ̀ Anisirẹrị aanị vị ana a chẹrẹ hi ịnị iwe ana sị nọ̀ ọ. Ọda ọnọọ vi ana a mẹ̀ ịnị ẹkụra Isusa. Di Imodekaya sị ọnya ini iwe ọnọọ yi Ihataki, ka ọ̀ sị na zụ̀ Ẹsịta, dị ọ kà a yị ọ ịrẹyị mẹmẹ yá nị. Dị ọ̀ kà a yi Ẹsịta ka ọ̀ navọ ọ̀ ngụ ne tù ohinọyị dị ọ̀ da ịpẹ yọ ka ọ̀ vayị aza anị nị.

Ẹsịta 4:8 ပူးပေါင်းရင်းမြစ်များ

Ẹsịta 2:20

Ẹsịta ẹ yị zẹẹ ka à nyị ọza ana yẹ ovwoovu ọnịrị ẹkụra ọnị ọnị hụrẹ vẹ. Imodekaya ộ vịdị sị ọ kà ọ̀nọ̀ ka asị ọ kà a uruvo ẹngụ anị zụ̀ ọza. Dị Ẹsịta vavọọ wụ́ ịrẹyị chire Imodekaya anka ụmẹ ana a sịị pá a nị.

Ẹsịta 4:9

Ịzẹyịza di Ihataki na kà ụtụ Imodekaya yị Ẹsịta nị.

Ẹsịta 8:6

M máá nyị ẹngụ ee re ka aza amị ee vú ẹtẹ, dị asị mị tụ́ ohi nị? A vị mị vaa jị ụvọ za ẹngụ dị mee re ka aa wụ̀ anda ayị ha nị?”

Ijoovu 9:15

Ọnị ọ daka rị ịhị, ọnị vana yịị da ịpẹ yị ọ ka ọ vayị anị.

Ahẹ Ụgama 122:6

Waā mẹ̀ aduwa ka ẹngwọọrọ ọ yà Ijerusarẹmị. Ohomorihi ọ̀ navọ ò zee yị aza ene sì ịrẹyị Ijerusarẹmị.

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ịrẹyị Ọzwọzịsa 10:4

Ohinọyị aa kụ ayị hi wụ, asị ụ hụrị ịzị ụ yà, wàa zaku hẹẹ, ọ zụ mẹ ka ọ̀ sị eyi hụụnị avaba akụvị ọnị ụ mẹ.

Odeyi 12:20

Ịhẹrọdị vị ana nyayịnẹ aa kụ́ ayịị hi Anitaya ọnịrị Anisidoni. Ẹnịnị ệ tụ́ aza ka è ve re Ịhẹrọdị, di e vịdị ne tù Ibirasitọsị ana vị ọnụkọrọ ohinọyị ana nyị ụbanyị ẹtẹẹtẹrẹ, dị ọnịrị wa si ze nị. Di e dudu va na dá ịpẹ yị ohinọyị ka ịrẹyị ọ̀ ta nị, agụvị ka ịnị ẹkụra ohinọyị ị́sọyịrị aa hụrẹẹ vẹ ana anẹkụra ẹnẹẹ aa rị nị.

1 Itimoti 6:13

Ọ́vịdị Ohomorihi anaā sịị Ụhwẹẹ yị avaba ịsa, ọnịrị Ijeesu Ikirisiti ana jẹẹ ọvịdị Ịpọntụsị Ipayireti, dị ọ sị sị ọtụtụrụma kà ịrẹyị, m mee hú wu ụvọ aanị nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.