Ẹsịta 4:3 - IWE ỌNỊNỊ

³ Di avaba ezi Anisirẹrị ene hi ịnị ẹtẹ ịzị ọda ọnọnị za và ẹngụ hi ẹtẹẹtẹrẹ nị. Di e yi ka ẹnị ẹ yị rị ịsa nị, dị ẹ yaa jị òrèrè ẹtẹẹtẹrẹ nị. Di aza ọrụrụ-ọrụrụ ẹnịnị kụ̀ ẹnya ana sị zụ ka ẹ yaa zị ẹngụ, dị ẹ hụtẹtẹ hi ini eteesu nị.

Ẹsịta 4:3 ပူးပေါင်းရင်းမြစ်များ

Ẹsịta 1:1

 nyị ụmẹ ọnya aanị ọnị ọnụra ana aā hị́ Ahasẹrọsị sị vị ohinọyị ẹtẹ Indiya huu na ngụ ẹtẹ Etiyopiya ana aa rẹ hị́ Ikusi. Ịrayị ẹchẹhịnọnyị tụra ịhịmba ọ mẹ ịjọva tụra ẹkụra ẹnịnị ịrẹsụ nị.

Ẹsịta 3:12

Ana tụ́ ọ ẹkụhị ẹwụrẹta ịnị ụhwẹ ịpaapa ịrayị ọnọọ, dị a hị́ ọchẹrịsa ohinọyị nịnị gụ nị. Dị ẹ chẹrẹ ọda ọnị Ịhamanị mẹ tụ́ ịnị ẹkụra irenyi-irenyi ene hi ịnị ẹtẹ ọnọọ nị. Dị ẹ sị ọda ọnọọ tụ́ hi avaba ọdọvịdị nịnị, Ịgọvọnọ nịnị, ọnịrị aza ọkọọka nịnị ene hi ịnị ẹtẹ ọnọọ nị. Ịrẹha ohinọyị asị chẹrẹ ọda ọnọọ, dị a sị ochirigege anị sị ụvọ tụ́ ọ nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ẹsịta 4:2

Imodekaya mẹ̀ tù oze ovwoovu ana ngụ idi ohinọyị, dị ọ jẹẹ ẹhẹ nị. Ọ yị ngụ eehi agụvị ka ọza ọ yị zẹẹ ka ọza ana vavọọ kụ́ ẹnya ọ̀ ngụ ịda ohinọyị.

Ẹsịta 4:4

Ezi ahụ Ẹsịta ana vị anẹẹ ọnịrị anọrụ mẹ̀ vavọọ re Imodekaya, dị ẹ na kà a yi Ẹsịta nị. Ẹsịta mẹ wụ́ ịrẹyị ọnọọ, ẹngụ anị ộ sụ ẹgahị. Dị ọ si awuru tụ́ nā yị Imodekaya nị. Dị ọ tụ́ ka à kà a yọ ka ọ̀ ngwa awuru ayodu ọnọọ tịtẹ nị. Ama di Imodekaya yi nị.

Ẹsịta 9:31

Ộ mẹ ọda ka aanị ẹnịrị ezi ẹnịnị mẹ̀ vanaā rị eche Ipurimi ọnọnị ịnị ụmẹ ana vọrọ nị. Avọọ Imodekaya ọnịrị Ẹsịta ose ohinọyị mẹ̀ kà a yị wa nị. Ẹnịnị ẹ sị ụvọ za ọda anị anka ọda ẹnẹ ẹẹ̄ sịị za awẹ ọnịrị ụmẹ ẹnẹ ẹẹ̄ sịị zị ẹngụ ịsa.

Ijoovu 2:8

Dị Ijoovu yaatẹ ịnị atịtọ dị aa sị urura hụ ẹngụ nị.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Ayịsaya 58:5

Ẹnẹyịmavara ộ kà, ẹnịnị wéé ro ka ayị ô hine tu ịsa ọnị ẹ yaa mẹ nị? Ẹnịnị àa za awẹ, dị sị ụya rị ẹngụ ẹnịnị; dị ẹ ka ịrẹsụ hi anka avị ana ma avọọ, dị ẹ kụ achị ana aā sịị zị ẹngụ hi ẹngụ, dị ẹ sị avaba ẹkụhị yaayịtẹ ịrẹsụ atịtọ. Aanị ka ọsọnị ẹ yaa hị́ awẹ nị?

Ezikẹẹrị 27:30

Avaba ẹnịnị vaa jị òrèrè ọngwọọngụ agụvị awụ nịnị, dị ẹ kụ ezi ku ịrẹsụ, dị eyee muna ẹtẹ ẹ maa jị òrèrè.

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Ijona 3:6

Ohinọyị Ininivẹ mẹ vavọọ wụ́ ịrẹyị ọnọọ kẹnẹ, ộ kwẹẹtẹ hụrẹ ịrẹsụ aga ohinọyị anị, dị ọ ngwa irikimba anị tịtẹ nị. Dị ọnị rẹ sị achị ana aā sị zị ẹngụ ku ẹngụ anị, dị ọ yaayịtẹ ịrẹsụ atịtọ nị.

Imatiwu 13:42

Dị ẹ kụ́ wa na và hi ịnị ịra ọbanyị. Dị ẹ yà ịzọọ, dị ẹyaa jị òrèrè, dị ẹ rẹ yaa rị anyị.

Imatiwu 22:13

Dị ohinọyị ọnọọ kà a yị ezi ahụ anị ka: ‘Sụ́ ọọ ahụ ọnịrị ụvọ nịnị, dị ụ wa sị ọọ ne ne ngụ ịnị ịrahụ ruma-ruma nịnị, ịzị aza yàā nowu, dị ẹyaa rị anyị.’

Imatiwu 25:30

Ozi ahụ kẹnẹ-kẹnẹ ọnọnị, tụ́ ọ ụvọ tụ́ ẹhẹ ịnị ịrahụ ruma-ruma nịnị, ịzọọ ázaā yàa nowu, dị aa rị anyị nị.”

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

1 Ịsamụwẹrị 11:4

Ịjị ọnụtụ ana a tụ́ va ngụ Igibiya Ịsọọrụ, dị ẹ maanị kà ịrẹyị ọnọọ yị aza ẹnẹẹ, dị avaba ẹnịnị ee nowu nyamaa kẹnẹ nị.