Ẹsịta 4:1 - IWE ỌNỊNỊ

¹ Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị.

Ẹsịta 4:1 ပူးပေါင်းရင်းမြစ်များ

Oyinyima 27:34

Iisọ mẹ maanị wụ́ ịrẹyị ana ada anị kà, di o nowu zẹtẹ, di aa tụ orere booboro dị ọ ka, “Nda, aarịhịnị kwogwo, navọ ẹwa rẹ mẹ̀ aduwaa yị mị de!”

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

2 Ịsamụwẹrị 1:11

Di Idevidi ọnịrị aza ene hi ịzọọ pè e za awuru ẹnịnị dị ẹ na a, áyị màa kụ́ wa nị.

2 Ịsamụwẹrị 13:19

Di Ịtama ka ezi hi ịrẹsụ ana sị zụ̀ ka ayị anị ô du, dị ọ na awuru ọgọdọ anị ọnọọ oni o chire, dị ọ tụ̀ ụvọ kú ịrẹsụ dị aa tụ́ oreree na nị.

Ẹsịta 4:2

Imodekaya mẹ̀ tù oze ovwoovu ana ngụ idi ohinọyị, dị ọ jẹẹ ẹhẹ nị. Ọ yị ngụ eehi agụvị ka ọza ọ yị zẹẹ ka ọza ana vavọọ kụ́ ẹnya ọ̀ ngụ ịda ohinọyị.

Ẹsịta 4:3

Di avaba ezi Anisirẹrị ene hi ịnị ẹtẹ ịzị ọda ọnọnị za và ẹngụ hi ẹtẹẹtẹrẹ nị. Di e yi ka ẹnị ẹ yị rị ịsa nị, dị ẹ yaa jị òrèrè ẹtẹẹtẹrẹ nị. Di aza ọrụrụ-ọrụrụ ẹnịnị kụ̀ ẹnya ana sị zụ ka ẹ yaa zị ẹngụ, dị ẹ hụtẹtẹ hi ini eteesu nị.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ijoovu 2:8

Dị Ijoovu yaatẹ ịnị atịtọ dị aa sị urura hụ ẹngụ nị.

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ayịsaya 15:4

Ánihesiboni ọnịrị Anireyarehi mèe nowu, aza ene hi Ijahazi huu vị ana aa wụ́. Ezirẹkụ Imowabi ịnyẹmba vi ene ee nowu, dị ẹgahị kụ́ ngụ wa ẹngụ.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Ayịsaya 37:1

Ịjị Ihezekaya ohinọyị wụ́ enube ẹnịnị kẹnẹ, dị ộ na awuru anị, dị ọ sị achị anaā sịị zị ẹngụ chẹrẹ, dị ộ nọ irehi Ẹnẹyịmavara Ohomorihi nị.

Ayịsaya 37:2

Ịzọọ ọ ya dị ọ tụ́ Eriyakimi ene si eyi pe irehi ohinọyị ọnịrị Ịsẹbina ọchẹrịsa ikootu, ne beri ohirẹsụ ọbanyị irehi Ohomorihi ne tù Ayịsaya ozi Amozi nị.

Ayịsaya 58:5

Ẹnẹyịmavara ộ kà, ẹnịnị wéé ro ka ayị ô hine tu ịsa ọnị ẹ yaa mẹ nị? Ẹnịnị àa za awẹ, dị sị ụya rị ẹngụ ẹnịnị; dị ẹ ka ịrẹsụ hi anka avị ana ma avọọ, dị ẹ kụ achị ana aā sịị zị ẹngụ hi ẹngụ, dị ẹ sị avaba ẹkụhị yaayịtẹ ịrẹsụ atịtọ. Aanị ka ọsọnị ẹ yaa hị́ awẹ nị?

Ezikẹẹrị 21:11

Asị ụhwọ ne tịtẹ booro aanị, asị ịsa da sisi ọ. Asị ọ tenyi tịtẹ yị ọza ana vaa sị naa wụ̀ aza.

Ezikẹẹrị 21:6

Ẹnẹyịmavara kà, ozi ọza, ọnị oo rimanya anka vị ayị anị ee du agụvị ụyọrị nị. Ọ kà ọnị ọ̀ vavọọ rimanya ịzị avaba aza nyẹngụ re ọnị.

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Imika 1:8

Di Imika ka ọnị vaa hụ agụvị ịrẹyị ọnọnị dị ọnị aa tụ́ orere boro-boro. Ọ kà ọnị aa ngụ ọ zịịzị, dị ọnị ẹ yị sị adava tụ́ ahụ. Ọ kà ọnị ẹ yị hyakụ aa sị ịtaa kú ẹngụ. Ọ kà ọnị vee nowu anka irezi enyi, dị ọnị ee ti anka ogugu avọọ.

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Odeyi 14:14

Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka,

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).