Ẹsịta 3:1 - IWE ỌNỊNỊ

¹ Â nyị ụmẹ ọnyara aanị, ịrẹyị ose Ahasẹrọsị mẹ̀ sị para hu. Â nyị ọnọrụ ọnya aanị ana aā hụ́ Ịhamanị ana vị ozi Ihamedata. Anagagi ọ vị nị. Ịnị ụmẹ ọnọọ, ohinọyị Ahasẹrọsị ộ kà udi anị hịrẹ. Dị ahịka ọnị ọ kụkụ sị irenu tụra ohinọyị nị.

Ẹsịta 3:1 ပူးပေါင်းရင်းမြစ်များ

Oyinyima 41:40

Ọ kà ọnị ọ vaa sị eyi pè ẹkụra anị nị. Ọ kà ịsị ọọ ka aza anị ẹ̀ mẹ kẹnẹ avaba ẹnịnị vaa mẹ nị. Ọ kà ini oze ka ọnị vị ohinọyị nị kẹnẹ oni ve sii huna a nị.”

Oyinyima 41:55

Ịjị ụngwẹ aa kụ̀ avaba Anijipiti, di e nowu na za Ihwarawo ka ọ̀ sị ịsọyịrị yị ẹnị nị. Avaba Anijipiti ene ee ve tụ̀ Ihwarawo dị ọ rẹ kà a yị wa ka, “Ne tù Ijosẹẹhụ nịnị, ịsị ọ̀ọ ka wa mẹ dị ụ mẹ̀ ẹ nịnị.”

Ẹzịra 7:14

Ohinọyị ọnịrị anajuwe anị ịhịmba ka Ẹzịra ọ nọ Ijerusarẹmị ọnịrị Ijuda nee re aza ene hi ịzọọ àa saasa ọda Ohomorihi ana a sị chire ụvọ.

Ẹsịta 1:14

Aza ẹnị maa vaa hị́ aanị ẹ̀ gụrị ohinọyị. Aza ẹnẹẹ ẹ vị Ikasena, Iseta beri Adimata, ne chire Itasisi, Imeresi, ọnịrị Imarisena, navaka Imemukani. Aza ẹnị ịhịmba ẹnẹnị ẹ nyị udi ọbanyị huu ịnị ẹtẹ Ipesiya ọnịrị Imediyanị Ẹnị e ne tù ohinọyị nị.

Ẹsịta 3:10

Ịjị ohinọyị wụ́ ịrẹyị ọnọnị dị ọ tụ̀ ochirigege anị dị ọ sị yị Ịhamanị nị. Ịhamanị ọnọnị vị ozi Ihamedata ana vi Anagagi. Anagagi nịnị vị ọnịvị Aniju nịnị.

Ẹsịta 5:11

Ẹ mẹ̀ vẹ, ộ kà a yị wa ọnị mẹmẹ nyị ogu irenyi-irenyi, ọpa ezi ọnị ọnị ma, ohinọyị mẹmẹ sị ụbanyị yị ọnị dị ọ́ kà ọnị hịrẹ huna ezi ahụ ohinọyị ana vọ.

Ẹsịta 7:6

Dị Ẹsịta ka, “Ịhamanị, ọza odivi ọnọnị ọ vavọọ vị ọnịvị ayị nị.” Dị ẹngụ Ịhamanị sụ ẹgahị ọvịdị ohinọyị ọnịrị ose anị nị.

Ẹsịta 8:3

Ẹsẹnị mẹ̀ sị mẹ kwooze, dị Ẹsịta varẹma ne tù ohinọyị, dị ọ ne ẹngụ anị nya ẹtẹ agada ohinọyị, di ee su ùnèe hi ohinọyị ẹngụ nị. Dị a da ịpẹ, dị ọ ka aarịhịnị ọ̀ za ịsa odivi ọnị Ịhamanị, Anagagi ro ka ọnị aa mẹẹ hi Aniju aanị jẹẹ nị.

Ụhịrẹyị 29:2

Ọnịrẹyịzẹyịza ọ̀ọ ya udi, avaba azaā jẹ nị, ama ọza ọhịmị ọ̀ọ ya udi, ọzọza ee na owu nị.

Ịrẹyị Ọzwọzịsa 10:6

Ẹyaa kụ ọnụra nịnị hi udi obooro booro, dị ẹ navọ aza obooro hi ẹtẹ.

Ịdanịyẹrị 6:2

Dị ọ rẹ nyị Ịdanịyẹrị ọnịrị aza ẹnị ẹẹva ọsa ka ẹnịnị è si eyi pe Ịgọvọnọ ẹnẹnị nị. Ọ kà ẹnịnị e re ka ụkọrọ aa na ẹtẹẹrẹ.

Ịrịka 24:7

Isirẹrị ọnịrị evere anị vị ọnị o vee zee yị, dị ohinọyị ẹnịnị nyị ụkata dị ọ hụụnị Agagị ana vị ohinọyị Anamarẹkị.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.

1 Ịsamụwẹrị 15:8

Ịsọọrụ ộ za ohinọyị Anamarẹkị ana aā hị́ Agagị, ọ yị wụ ọ. Ama avaba aza ohinọyị ana vọ vị ọnị ọ sị ụ̀hwọ̀ wụ̀ va ha bemi-bemi.