Ẹsịta 2:9 - IWE ỌNỊNỊ

⁹ Ebira Ẹsịta ô ze e eyi. Dị aa ngụ ayị anị nị. Dị Ihegayi wụsẹ kụ́ ẹnya ọvị ana aā sị yi ọza yọ nị. Dị ọ rẹ sị ịsọyịrị ọba irenyi yọ nị. Dị ọ nyị ezi anyẹnẹẹ ịhịmba hụụ ịda ohinọyị yọ nị. Dị ọ sị aha ene hu kere-kere yọ ọnịrị ezi anẹẹ ene hi ịnị ọba anyẹnẹẹ nị.

Ẹsịta 2:9 ပူးပေါင်းရင်းမြစ်များ

Oyinyima 39:21

Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

Oyinyima 39:4

Ebira Ijosẹẹhụ o reè zee Ipotihwa eyi, dị ọ kụkụ mẹ̀ ẹ ozi ahụ anị ụvọta nị. Dị ahịka Ijosẹẹhụ Ipotihwa kụkụ si irehi anị chire ụvọ, dị Ijosẹẹhụ kụkụ sị eyi pè avaba ogu Ipotihwa nị.

1 Ohinọyị 8:50

dị wa va gu wa ini ebira odivi irenyi-irenyi ẹnị ẹ mẹ hi wu. Dị wa navọ wa vayị ẹnịnị éyi ọza ana za wa ọrịhị agụvị dị ẹnị ẹ̀ rẹ zụ vayị ẹnịnị.

Ẹzịra 7:6

Ẹzịra vị ọka ana zụ ọza ọda ọnị Ẹnẹyịmavara Ohomorihi Anisirẹrị sị yị Imosiisi. Ẹnẹyịmavara ọ mẹ ka ohinọyị o sì ịrẹyị Ẹzịra, dị ọ sị ịsa tụra ịsa ọnị Ẹzịra họ̀ use anị yị ọ nị.

Inehemaya 2:8

Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ.

Ẹsịta 2:12

Ụhwẹ ẹwụrẹva a sị tịtẹ ka ezwoorihi ẹnẹẹ è si tenyi ẹngụ ẹnịnị dị ẹ̀ vaa vẹ ọvịdị ohinọyị nị. Ẹ vaa sị angwẹ ana aā hí Imayaa sisi ẹngụ ụhwẹ ịhịnọnyị, dị ẹ rẹ va sị̀ ẹpara anaā mẹ ọza nị sisi ẹngụ ịnị ụhwẹ ịhịnọnyị ana vọ. Ẹ̀ẹ vavọọ sị ọ mẹ ta, dị ẹ va nọ ọvịdị ohinọyị Ahasẹrọsị.

Ẹsịta 2:3

Dị ẹ rẹ kà a yọ ka ọ̀ nyị ọza ịnị ẹtẹ ịjọva anị ọnya-ọnya di ọ̀ mẹ ọda yị wa ka ẹ̀ kụ́ ozwoorihi ene zoza ẹnẹ ẹ̀ yị yẹ ọnọrụ vẹ hi ịnị ọba anyẹnẹẹ anị ịnị ẹkụra Isusa ịzị ẹ vi ohyẹtẹ ịjọva anị. Â nyị ozi ahụ ohinọyị ana aā hi Ihegayi. Ihegayi ọnọọ ọ sị eyi pè anẹẹ ene hi ịnị ọba ohinọyị nị. Ọnị a ka ò si eyi pè anẹẹ ẹnẹẹ nị. Dị à sị ẹpara anaā sịị ọzaa nị yị wa.

Ẹsịta 5:2

Ịjị ohinọyị re ka Ẹsịta ose anị ộ jẹẹ ịnị akakana ohweje, ayị anị o hine tù ọ, dị ọ tana okutẹ igooru anị hi ọ nị. Di Ẹsịta kà pè e, dị ọ sị ụvọ kanyị ịrẹsụ okutẹ ọnọọ nị.

Ahẹ Ụgama 106:46

Dị ọ mẹ ka avaba aza ana za wa ọrịhị ẹ̀ vayị ẹnịnị nị.

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Ịdanịyẹrị 1:9

Ohomorihi ộ mẹ̀ ka Asipenazi ọ ngụ ayị ịdanịyẹrị ẹtẹẹtẹrẹ.

Odeyi 7:10

dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.