Ẹsịta 2:7 - IWE ỌNỊNỊ

⁷ Imodekaya ọnịrị Ihadasa vị ezi-ẹyịnyara. Ịrẹha Ihadasa ọsa ọ vị Ẹsịta nị. Imodekaya ọ pa Ẹsịta agụvị ka ozi oku ọ vị nị. Dị Imodekaya sị ọ vị ozi ma nị. Ẹsịta vị ozi ene zoza ẹtẹẹtẹrẹ.

Ẹsịta 2:7 ပူးပေါင်းရင်းမြစ်များ

Oyinyima 48:5

Dị ọ ka éē re ezi ẹẹva ọnị ọ ma ịnị ẹtẹ Ijipiti dị ọnị vavẹ aanị, ọnị ọ nyị ẹnẹẹ nị. Ọ kà ọnị ọ nyị Ehwireemi ọnịrị Ịmanasẹ anka ọnị mẹ̀ rẹ nyị Irubẹnị ọnịrị Isimiyọnị nị.

Ẹsịta 1:11

Ohinọyị ộ mẹ̀ ọda yị wa ka ẹ sị ose anị Ivasiti ve tu ọnị. Dị ọ kà a yi wa ka ẹ̀ kà yị ose anị ka ò kú amu ohinọyị àaa vẹ. Ose anị ô zoza ẹtẹẹtẹrẹ. Ó si ka ọnị ọ sị ọ mẹ eyi hi ọdọvịdị nịnị ẹnịrị azọga ana gụ nị.

Ẹsịta 2:15

Ẹsịta vị ozi Abiheri. Ẹsịta ọnịrị Imodekaya vị ezi ẹyịnyara. Imodekaya vị ana sị ọ mẹ ozi anị. Ịjị ụmẹ tù Ẹsịta ka ọ̀ nọ ịda ohinọyị, Ẹsịta e yi họ̀ use ẹnya ọsa para ẹnya ọnị Ihegayi kà yọ ka ọ̀ kụ̀ hi ẹngụ. Avaba aza ene re Ẹsịta vị ọnị ọ ngụ eyi.

Ẹsịta 2:20

Ẹsịta ẹ yị zẹẹ ka à nyị ọza ana yẹ ovwoovu ọnịrị ẹkụra ọnị ọnị hụrẹ vẹ. Imodekaya ộ vịdị sị ọ kà ọ̀nọ̀ ka asị ọ kà a uruvo ẹngụ anị zụ̀ ọza. Dị Ẹsịta vavọọ wụ́ ịrẹyị chire Imodekaya anka ụmẹ ana a sịị pá a nị.

Ẹsịta 8:1

Ịhị ana a wụ Ịhamanị gẹdẹ-gẹdẹ di ohinọyị Ahasẹrọsị dọ irehi Ịhamanị ana vị ọnịvị Aniju, dị ọ sị yi Ẹsịta ose anị nị. Dị Ẹsịta kà a yị ohinọyị ọnịrị Imodekaya mẹmẹ gẹ nị. Hụrẹ ịhị ọnọọ Imodekaya kụkụ aa nọ ịda ohinọyị nị.

Ijoovu 31:17

Ẹmị ịnyara ẹ ma rị ịsa dị a sị mị da yị ezi-oku.

Ijoovu 31:18

A mẹ̀ hụrẹ ma mị, mịị̄ tẹsị ezi-oku, dị mịị̄ mẹ ọgụvọọ yị osoku nịnị nị.

2 Anịkọrịntị 6:18

Ọnị vaa vị Ada awụ nịnị, dị ẹwụ nịnị rẹ vị ezi anọrụ ọnịrị ezi anẹẹ anị. Avọọ Ananyị yị Ochẹtẹngụ mẹ̀ kà nị.

Anẹhwẹsọsị 6:4

Ẹwụ nịnị ada ozi, asị ụ mẹ̀ ka ezi ewu nịnị ẹ̀ kụ́ ayị! Ama waa pá waa tụ́ ini oze Ikirisiti nịnị, dị ụ waa sị ịrẹyị Ananyị yịị zụ̀ wa nịnị.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.