Ẹsịta 2:5 - IWE ỌNỊNỊ

⁵ Ụmẹ ọnọọ â nyị Aniju ọnyara ana ra ẹtẹ Isusa. Anịbẹnjamịnị ọ vị nị. Ịrẹha anị ọ rị Imodekaya nị. Ada anị ọ rị Ịjarị dị ada anị ọbanyị rị Isimeyi ana vị ozi Ikisi nị.

Ẹsịta 2:5 ပူးပေါင်းရင်းမြစ်များ

2 Ịsamụwẹrị 16:5

Ẹkụhị ọnya Idevidi ohinọyị aa va naa ngụ ẹkụra ana aā hí Ibahurimi, dị a nyị ọnọrụ ọnya ịzọọ ana jịnẹ vẹ nị. Ịpa ịrẹsụ Ịsọọrụ ọnọrụ ọnọọ vị nị. Ịrẹha anị ọ rị Isimeyi nị. Ozi ọza ana aā hị́ Igera ọ vị nị. Ọ́ mẹ̀ jịnẹ aa vẹ, dị aa kụ̀ Idevidi ụhụ nị.

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

2 Ohinọyị 24:15

Inebukadineza ộ za ohinọyị Ijehoyakini ọrịhị nọ Ịbabịrọnị. Ộ kụ́ ọnyị anị, ese anị, ọdọvịdị ẹkụra ọnịrị aza ọkọọka hụrẹ Ijerusarẹmị saasa a.

Ẹsịta 1:2

Ụmẹ ọnọọ ohyẹtẹ ịjọva anị vị ana yà Isusa ịzị ọ yà mẹ ịjọva tụra ẹkụra ana vọ ịrẹsụ nị.

Ẹsịta 10:3

Imodekaya ana vị Aniju ọ si irenu tụra Ahasẹrọsị ohinọyị nị. Anda ẹnịnị Aniju ệ sị ụbanyị yọ, dị ẹ sì ịrẹyị anị ẹtẹẹtẹrẹ nị. Ộ dụ ka ò zoza yị Aniju aza anị, dị ẹngwọọrọ ọ vị avaba ezi ịrẹma ẹnịnị nị.

Ẹsịta 2:3

Dị ẹ rẹ kà a yọ ka ọ̀ nyị ọza ịnị ẹtẹ ịjọva anị ọnya-ọnya di ọ̀ mẹ ọda yị wa ka ẹ̀ kụ́ ozwoorihi ene zoza ẹnẹ ẹ̀ yị yẹ ọnọrụ vẹ hi ịnị ọba anyẹnẹẹ anị ịnị ẹkụra Isusa ịzị ẹ vi ohyẹtẹ ịjọva anị. Â nyị ozi ahụ ohinọyị ana aā hi Ihegayi. Ihegayi ọnọọ ọ sị eyi pè anẹẹ ene hi ịnị ọba ohinọyị nị. Ọnị a ka ò si eyi pè anẹẹ ẹnẹẹ nị. Dị à sị ẹpara anaā sịị ọzaa nị yị wa.

Ẹsịta 2:4

Taarụ, ozwoorihi ana àa ngụ wụ eyi hu, dị ụ sị ọ tụ́ udi Ivasiti. Ịrẹyị ẹnẹ ẹ kà aanị ô hine ohinọyị, dị ọ saasa a nị.

Ẹsịta 5:1

Ịhyẹgwẹta ọnị Ẹsịta vavọọ tụ́ ụtụ hi Imodekaya, dị ọ kụ́ ẹnya ose ohinọyị, dị ọ ngụ ohweje ohinọyị ana ya ịnị ịnẹ na jẹẹ ọvịdị ode ohinọyị nị. Ohinọyị vi ana yaatẹ và eyi kà oze ana aā zịị ngụ ini ohweje ọnọọ.

1 Ịsamụwẹrị 9:1

Ụmẹ ọnya yà ịzọọ â nyị ọza ọbanyị ọnya aanị, Anịbẹnjamịnị ọ vị nị, di eyi yẹ ẹ ẹtẹẹtẹrẹ nị. Ịrẹha ọnọrụ ọnọọ ọ rị Ikisi nị. Ikisi ọnọọ vị ozi Abiyẹrị. Abiyẹrị ọnị rẹ vị ozi Izerọ. Ada Izerọ ọ rị Ibekora nị. Ibekora ọnị rẹ vị ozi Apiya.