Ẹsịta 1:4 - IWE ỌNỊNỊ

⁴ Ụhwẹ ịhịnọnyị ọ sị sị avaba ogu ene hi ẹtẹ anị ọnịrị ụbanyị ẹtẹ ịjọva anị ne beri ụkata anị zụ̀ wa.

Ẹsịta 1:4 ပူးပေါင်းရင်းမြစ်များ

1 Ịtọpa 29:25

Ẹnẹyịmavara ộ mẹ̀ ka avaba Anisirẹrị ẹ̀ sị ụbanyị Isoromọnị ẹtẹẹtẹrẹ. Dị ọ mẹ ka ọ̀ nyị ụbanyị huna ohinọyị ọnyọọnyị ana rị Ísirẹrị da nị.

Ẹsịta 1:3

Ịnị ịrayị ọhụta ọnị ọ rị ohinọyị, ộ jẹrị ẹngụ anị, dị ọ mẹ̀ ịsa gwẹẹtẹ yi aza ọkọọka ọnịrị avaba ọdọvịdị ẹkụra irenyi-irenyi nịnị ene hi ini ẹtẹ anị nị. Ộ hị́ avaba ọgọọga ịrẹkụ Anipesiya ọnịrị Animediya nịnị ne beri ịgọvọnọ nịnị ẹnịrị aza ọkọọka nịnị vẹ ịnị anị.

Ẹsịta 1:5

Ịjị ụhwẹ ịhịnọnyị ọnọọ sị gụ, dị ọ rẹ varẹma sị ẹkụhị ịhịmba tịtẹ ọnị ọ sị hị́ avaba aza ene hì Isusa ịzị ẹ vị ohyẹtẹ ịjọva ka ẹ̀ va rị ịsa nị. Ô hị́ opisa nịnị ẹnịrị onosiye nịnị. Dị ọ kụ́ avaba aza ẹnẹnị gụ ịnị ohweje ịda anị nị.

Ijoovu 40:10

Ijoovu ọ̀ọ vavọọ sị ya ọ kwẹẹtẹ dị ọ̀ sị ụbanyị ọnịrị ịzị ọ hụụ tu zụ kẹ.

Ahẹ Ụgama 145:5

Ẹnịnị vaa kà ịrẹkụkụ ụbanyị awụ, di e yee ro ịrẹyị ụkọrọ ẹbanyị-ẹbanyị ọnị ụ mẹ.

Ahẹ Ụgama 21:5

Ụ mẹ̀ gụ ọ ụvọ, dị ọ rẹ nyị ụbanyị hu avọọ nị. Wa raà mẹ ka ọ̀ ngụrẹyị, dị ọ̀ nyị ụbanyị.

Ahẹ Ụgama 45:3

Ohinọyị ana nyị ụkata, sị ụhwọ awụ hara kẹnẹ, ka ụbanyị ọ sị vị awụ da.

Ahẹ Ụgama 93:1

Ẹnẹyịmavara ọ vị ohinọyị, dị ọ sị ụbanyị mẹ awuru chire nị. Mị ka Ẹnẹyịmavara vị ana sị ụbanyị ọnịrị ụkata mẹ awuru chire. Ẹhẹ vị ọnị ụ sị jẹẹ nganganga, o yi zụ henyi.

Ayịsaya 39:2

Ihezekaya ộ sì ọnụtụ ẹnẹẹ ọzọga, dị ọ sị ogu ọnị ọ nyị zụ wa nị. Ộ sị igooru, isiriva, eturare, ohuru-ohuru ọnịrị enyinyi ne beri ẹnya ịrẹkụ isoja anị zụ wa. Ẹ yị rẹ va nyị ịsa anị ene hi ịnị aku anaā sịị ịsa tẹ̀ aha tụra aha ini ẹtẹ anị ọnị Ihezekaya ọ yị sị zụ́ wa.

Ezikẹẹrị 28:5

Waa sị ọbọọ sẹ ohu irenyi-irenyi, dị waa rị ọgụụ tụ ọ nị. Ogu awụ ẹnẹnị kụkụ aa daa mẹ ka waa sị ẹngụụ tụ ẹba kẹnẹ.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ịdanịyẹrị 4:36

Ọ kà ịjị ịrẹsụ anị vavọọ sị vavẹ eehi, dị Ohomorihi varẹma sị udi ohinọyị anị ọnịrị ụbanyị anị yị ọnị nị. Ẹnị ọdọvịdị ọnịrị aza ọkọọka ệ vaka ọnị vẹ, dị a varẹma sị ụkata ohinọyị anị ọnịrị ụbanyị yị ọnị huni ịyẹẹyẹ nị.

Ịdanịyẹrị 5:18

Ọ kà, ohinọyị ọ̀ taarụ! Ohomorihi ene hu kere-kere ọ̀ vịdị sị ada anị Inebukadineza mẹ ohinọyị, dị ọ mẹ ka ọ̀ nyị ụbanyị ẹtẹẹtẹrẹ nị.

Imatiwu 4:8

Dị Echu rẹ sị ọọ nọ ịrẹsụ ataba ana nẹba ẹtẹẹtẹrẹ nị, dị ọ sị avaba ẹkụra irenyi-irenyi ene hi ịnị ẹhẹ ọnọnị ọnịrị ụbanyị ẹnẹnị zụ̀ ọ nị.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Aniroomi 9:23

Ohomorihi o re sì ka ọnị ọ̀ sị zụ̀ aza ẹnyị ka ọnị ộ nyị ụbanyị ẹtẹẹtẹrẹ. Aza ẹnẹẹ ẹ vị aza ọnọọ raà vayị ẹnịnị nị. Dị ọ rẹ vịdị mẹ wa tịtẹ ka ẹ̀ nyị tụ́ ịnị ụbanyị anị.

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.

Anikorasi 1:27

Ô zé Ohomorihi eyi ka ọ̀ sị zụ̀ aza anị ị́rẹyị ọnọọ mẹmẹ nyị ụbanyị, dị ọ rẹ nyị ọgụ yị avaba anẹhẹ. Ịrẹyị ọnọọ oni iruvo anị nyịnẹ yị Ikirisiti yà ịnị ayị awụ nịnị, agụvị avọọ waa tụra eyi ka ụ vaa nyị tụ́ ini igirima anị nịnị.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.