Ẹsịta 1:3 - IWE ỌNỊNỊ

³ Ịnị ịrayị ọhụta ọnị ọ rị ohinọyị, ộ jẹrị ẹngụ anị, dị ọ mẹ̀ ịsa gwẹẹtẹ yi aza ọkọọka ọnịrị avaba ọdọvịdị ẹkụra irenyi-irenyi nịnị ene hi ini ẹtẹ anị nị. Ộ hị́ avaba ọgọọga ịrẹkụ Anipesiya ọnịrị Animediya nịnị ne beri ịgọvọnọ nịnị ẹnịrị aza ọkọọka nịnị vẹ ịnị anị.

Ẹsịta 1:3 ပူးပေါင်းရင်းမြစ်များ

Oyinyima 40:20

Ịzẹyịza ịhyẹgwẹta anị ana vị ẹkụhị oni ohinọyị aa rị eche ẹkụhị ana a sị ma a, dị ọ mẹ̀ ịsa yị avaba ezi ahụ anị nị. Dị ọ tụ́ na kụ́ ọza anaā ká echee yọ ọnịrị ọza anaā mẹ̀ ịsaa yọ hụụnị ẹngwa nị. Dị ọ kụ́ wa ve tù ezi ahụ anị nị.

1 Ohinọyị 3:15

Di Isoromọnị vana ha giri, dị ọ sị yẹ ka ụra ọnị aa ra nị. Dị ọ kwẹẹtẹ dị ọ vẹ Ijerusarẹmị, dị ọ va jẹẹ ọvịdị apoti Ịzẹzẹ Ananyị yị dị ọ mẹ̀ ịsọvọ ana aā rị ịra ọnịrị ịsọvọ ẹngwọọrọ, dị ọ mẹ̀ ịsọyịrị yị avaba ezi ahụ anị nị.

Ẹzịra 1:2

Ịzẹyịza, dị Ịsayịrọsị ka Ẹnẹyịmavara, Ohomorihi ana nyị ẹbẹẹba ọ raà sị ịjọva avaba ẹhẹ chire ọnị ụvọ. Dị ọ nyị ọnị ka ọnị ọ da irehi anị tụ Ijerusarẹmị ịnị ẹtẹ Ijuda nị.

Ẹsịta 1:14

Aza ẹnị maa vaa hị́ aanị ẹ̀ gụrị ohinọyị. Aza ẹnẹẹ ẹ vị Ikasena, Iseta beri Adimata, ne chire Itasisi, Imeresi, ọnịrị Imarisena, navaka Imemukani. Aza ẹnị ịhịmba ẹnẹnị ẹ nyị udi ọbanyị huu ịnị ẹtẹ Ipesiya ọnịrị Imediyanị Ẹnị e ne tù ohinọyị nị.

Ẹsịta 1:4

Ụhwẹ ịhịnọnyị ọ sị sị avaba ogu ene hi ẹtẹ anị ọnịrị ụbanyị ẹtẹ ịjọva anị ne beri ụkata anị zụ̀ wa.

Ẹsịta 2:18

Dị ohinọyị mẹ̀ ịsa hi ẹtẹ ana asị jẹ ịrajẹ agụvị Ẹsịta nị. Ộ tụ́ hị́ avaba ọdọvịdị ọnịrị avaba ezi ahụ anị ka ẹ̀ va rị ịsa ịda anị, dị ọ sị ụhwọtụ yi avaba aza ene hi ịnị ẹtẹ ọnị ọ vị ohinọyị anị nị. Dị ọ mẹ aza ẹyịza hyọvọ-hyọvọ anka ohinọyị nị.

Ẹsịta 3:7

Ịnị ụhwẹ ana aā hị́ Inisanị ana vị ụhwẹ ịpaapa ịrayị, Ahasẹrọsị gụ ịrayị ẹwụrẹva ọnị ọ rị ohinọyị nị. Ịnị ụhwẹ ọnọọ ẹ há ẹva ka ẹnị ẹ yẹ ẹkụhị ọnịrị ụhwẹ ana a vọrọ ka à sị wụ̀ Aniju nịnị nị. Eyi Ịhamanị a há ẹva ọnọọ nị. Dị ẹva ọnọọ za ụhwẹ ana aā hị́ Ada ana vị ụhwẹ ẹwụrẹva ịrayị nị.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ịdanịyẹrị 5:1

 nyị ohinọyị ọnyara, ana aā hị́ Iberisaza. Ẹkụhị ọnya dị ọ tụ́ hị́ ẹnị ọdọvịdị ẹkụra ka ẹ̀ va rị ịsa ịdị anị nị. Ẹnịnị ệ gụ ẹ̀hụ́ aza ẹnị akahị avọọ. Dị ohinọyị ọnịrị wa dudu ee hú eche nị.

Ịdanịyẹrị 5:28

ỊPẸRẸẸSỊ ọ vị ka Ohomorihi ọ sị ẹtẹ ọnị ohinọyị áa mẹ ịjọva anị gà yị Animeedi ọnịrị Anipesiya nịnị.

Ịdanịyẹrị 6:1

Ẹkụhị ọnya, ohinọyị Ịdarịyọsị ộ nyị aza ẹnị ẹchẹhị tụra oohu ka ẹ̀ vị Ịgọvọnọ ene vee pe ọnị sị eyi pe avaba ẹtẹ ọnị ọnị aa mẹ ịjọva anị.

Ịdanịyẹrị 8:20

Ọ kà ịdẹba ọnị ọnị re ene nyị ọpanyị ẹẹva aanị vị ẹnị ohinọyị Animediya ọnịrị Anipesiya ana vaa rị.

Ịmaakị 6:21

Ẹkụhị ọnya dị Iherodiya sị oze re nị. Ịhẹrọdị ộ rị eche ẹkụhị anaa sị ma a. Dị ọ hị́ ọgọọga ana yà ịnị ịjọva, ọnịrị ọga isoja nịnị beri azẹbanyị Anigariri nịnị nị.