Ẹsịta 1:1 - IWE ỌNỊNỊ

¹ Â nyị ụmẹ ọnya aanị ọnị ọnụra ana aā hị́ Ahasẹrọsị sị vị ohinọyị ẹtẹ Indiya huu na ngụ ẹtẹ Etiyopiya ana aa rẹ hị́ Ikusi. Ịrayị ẹchẹhịnọnyị tụra ịhịmba ọ mẹ ịjọva tụra ẹkụra ẹnịnị ịrẹsụ nị.

Ẹsịta 1:1 ပူးပေါင်းရင်းမြစ်များ

Ẹzịra 4:6

Ahasẹrọsị mẹ̀ rị ohinọyị kẹnẹ, aza ẹnẹẹ rẹ chẹrẹ iwe ne du Anijuda ọnịrị Anijerusarẹmị yị ọ nị.

Ẹsịta 10:1

Ahasẹrọsị ohinọyị ộ dà ẹkẹhi irehi yị avaba aza ene hi ẹtẹ anị, beri anẹkụra nịnị ene hi utenyi.

Ẹsịta 2:3

Dị ẹ rẹ kà a yọ ka ọ̀ nyị ọza ịnị ẹtẹ ịjọva anị ọnya-ọnya di ọ̀ mẹ ọda yị wa ka ẹ̀ kụ́ ozwoorihi ene zoza ẹnẹ ẹ̀ yị yẹ ọnọrụ vẹ hi ịnị ọba anyẹnẹẹ anị ịnị ẹkụra Isusa ịzị ẹ vi ohyẹtẹ ịjọva anị. Â nyị ozi ahụ ohinọyị ana aā hi Ihegayi. Ihegayi ọnọọ ọ sị eyi pè anẹẹ ene hi ịnị ọba ohinọyị nị. Ọnị a ka ò si eyi pè anẹẹ ẹnẹẹ nị. Dị à sị ẹpara anaā sịị ọzaa nị yị wa.

Ẹsịta 8:9

Obooboro ọnọọ a hị́ ọchẹrịsa ohinọyị nịnị, dị ẹ chẹrẹ ịsị Imodekaya kà yị wa nị. Iwe ọda ọnọnị vị ana a sị ẹkụra ọzọza chẹrẹ. A rẹ chẹrẹ tụ́ hí Aniju nịnị anka ẹnị mẹ̀ rẹẹ̀ chẹrẹ ẹkụra ẹnịnị. Dị a kụ́ iwe ọnọọ tụ́ hí ọdọvịdị ẹkụra nịnị, Ịgọvọnọ nịnị, ọnịrị aza ọkọọka ene hi ịnị ẹtẹ ọnọọ hụrẹ Indiya na ngụ Etiyopiya nị. Ẹkụra ẹnẹẹ vi oze ẹchịhịnọnyị tụra ịhịmba. Ịsa ọnọnị vị ana na mẹ ịnị ẹkụhị ohurẹẹta ịnị ụhwẹ ọhụta ana aā hị́ Isivanị.

Ẹsịta 9:30

Di Imodekaya gà iwe tụ́ hi Aniju nịnị ene hi ịnị ẹkụra ẹchịhịnọnyị tụra ịhịmba ịnị ẹtẹ ohinọyị Ahasẹrọsị nị. Iwe ọnọnị vị ana sị kụ́ wa ka ẹ nyarị ẹngwọọrọ, ka ẹ yị nyị ịsị ẹ vaa mẹ wa.

Ayịsaya 18:1

 nyị ẹkụra ana yà akẹnẹ okuha Ikusi. Ịsa ene eē hira anka akụvarịva avọọ vi ana gụ ịzọọ. Anẹkụra ọnọọ ẹ̀ nyarị iruwa.

Ayịsaya 37:9

Anasiriya nịnị ệ wụ ọ ka Itirihaka, ohinọyị Etiyopiya ana raa hị́ Ikusi, ọ́ raà kụ isoja Anijipiti ee vee pe ẹnịị kụ̀ ịrẹkụ. Ịjị ohinọyị Asiriya maanị wụ, ộ sị iwe tụ hi Ihezekaya, ohinọyị Ijuda.

Ịdanịyẹrị 11:2

Booro aanị, ọnị aà va kà a yị Ịdanịyẹrị ịsa ana chẹrẹ tụ ịnị iwe ọnị ịrẹyị anị vị ịzẹyịza. Ộ ka, ohinọyị ẹẹta vaa rị ịnị ẹtẹ Ipesiya. Ana tụ ọ ọhụna ọ vaa nyị ogu huni ẹnịị ana vọ nị. Ịjị ọ̀ọ ta jẹẹ ịnị ụkata kẹnẹ agụvị ogu anị, ọ vaa tụ́ avaba aza ịrẹyị tu ohinọyị ẹtẹ Igiriisi.

Ịdanịyẹrị 6:1

Ẹkụhị ọnya, ohinọyị Ịdarịyọsị ộ nyị aza ẹnị ẹchẹhị tụra oohu ka ẹ̀ vị Ịgọvọnọ ene vee pe ọnị sị eyi pe avaba ẹtẹ ọnị ọnị aa mẹ ịjọva anị.

Ịdanịyẹrị 9:1

Ọnọrụ ana aā hị́ Ịdarịyọsị ana vị Animeedi, ộ rị ohinọyị Ibabironiya ụmẹ ọnya aanị. Ada anị aā hị́ Atakisesi nị.