Emọsị 9:2 - IWE ỌNỊNỊ

² Ẹnẹyịmavara kà ẹnịnị ẹ daka chị ẹtẹ dị ẹ ngụ ọ na yaa nị, ọnị vaa tụ́ wa hị́ ẹhẹ. Ẹnịnị ẹ hịrẹ na ẹbẹẹba, ọnị vaa tura wa chi vẹ ẹtẹ.

Emọsị 9:2 ပူးပေါင်းရင်းမြစ်များ

Ijoovu 20:6

Ọ hyakụ na ka ihinẹba dị ọ sị ịrẹsụ ka eguhi nị,

Ijoovu 22:13

Ama dị ụ ka ẹ yị zụ yẹ ịsa anaa na, dị ọ̀ vaa mẹ̀ ọkarẹyị anị agụvị ka eguhi gu ọ hi tụ ẹbẹẹba nị.

Ijoovu 24:23

Ohomorihi ọ zụ sere wa ama ọ nyayịnẹ sị eyi pe wa ụmẹ tụra ụmẹ nị.

Ijoovu 26:6

Ịdị aneku ẹ yị tẹ yị Ohomorihi Ee re avaba ịsị e hi ịzọọ

Ijoovu 34:22

Ẹ yị nyị ịrahụ me hozi, ana nyẹngụ sị ọnịvị tẹ̀ yị Ohomorihi.

Ayịsaya 2:19

Ịhị Ẹnẹyịmavara ọ̀ọ vẹ, o vee henyi ẹhẹ. Aza vee re ụbanyị anị, di eyee zwe naa ngụ ịnị ụtẹha ọnịrị ụsị ini eteesu, ángwa òo mèe hí wa.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Ezikẹẹrị 26:20

Ẹnẹyịmavara kà ọnị vaa dụ wụ nịnị ngụ ụsị nee tu aza ene wusu hụrị ụmọrụmọ. Ọnị vaa mẹ ka ẹwụrị oku nịnị ẹ̀ kụkụ na ra hi iruvo ẹtẹ. Wẹ́ yị ma vana vavẹ ẹhẹ ọnọnị va ra nịnị.

Ezikẹẹrị 31:14

Avọọ, hụrị ọyaanị na, ẹ́ yị ma vana nyị ọchị ọnyọọnyị anaa vanaa maanị hụ, ọ̀ọ́ daka hú enyi pooro. Ọchị ọnyọọnyị ẹ́ yị ma vanaa vavọọ nẹba. Avaba ẹnịnị vị ene vee súu ha anka ọza ịrẹyị ịrẹsụ mẹẹ nọ iro avọọ.

Ọbadaya 1:4

Ẹnẹyịmavara kà Anedomi nịnị ẹ̀ẹ daka dà irehi ẹnịnị tụ́ aha ana nẹba anka ịzị ọkasịmẹẹ̄ mẹ ịrẹngwẹ anị tụ́, ẹ̀ẹ hyakụ na dà irehi ẹnịnị tụ́ ẹbẹẹba kere-kere ịnị akakana ụzọmị, ọnị vee tura wa chi vẹ ẹtẹ.

Iruuku 10:18

Dị Ijeesu ka, “Mê re, Échu mẹ̀ hụrẹ ẹbẹẹba anka ịnyanya avọọ.