Emọsị 8:9 - IWE ỌNỊNỊ

⁹ Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ.

Emọsị 8:9 ပူးပေါင်းရင်းမြစ်များ

Ijoovu 5:14

Ọọdụ vị ana sị mẹ anka ịrahụ yị wa, dị ẹ yaa sị ụvọ si oze anka ogweyi avọọ nị.

Ayịsaya 13:10

Avaba ụzọmị ene hi ẹbẹẹba ẹ yị kụkụ vaa zẹtẹ. Ọ yị ana hụrẹ vi ene vee hozi, dị ụhwẹ ọ yị zẹtẹ.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 15:9

Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.

Ezikẹẹrị 32:7

Ẹnẹyịmavara kà ịjị ọnị èee vu ọ ẹtẹ, ọnị vaa sị ịsaa kú ihinẹba, dị ọnị kụ́ ụzọmị nịnị kwooze. Ọnị vaa dà eguhi kú ọyị, dị ụhwẹ ẹ́ yị kụkụ zẹtẹ.

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.

Emọsị 5:8

Ẹnẹyịmavara ọnị ọ mẹ̀ ụzọmị nịnị nị. Ọnị ọ mẹ oserụhwẹ ọnịrị ụhwaazị nị, ọnị ọọ̄ vara etohozi eyọnị, dị ẹtohweyi vara ịrahụ nị. Ọnị o tụra enyi hụụnị oku vaa hịrẹ, dị ọ zwọ ọ orihi chi vẹ hi ẹtẹ nị.

Imika 3:6

Ẹwụ nịnị ọnịsẹ we mē vene re ẹtẹ nịnị. Aawụ nịnị ộ ta ịnị ẹhẹ We yi mē vene re ẹtẹ dị wa va zụ kà ịsẹ nịnị agụvị ka waa kụ́ aza amịị nyee eyi.

Ịzakaraya 14:7

Ẹkụhị irenyi ọ vaa vị nị, ẹ yị nyị ọọdụ, nyị ịrahụ ẹtẹ vi ene ve hweyi pooro kẹnẹ, Ẹnẹyịmavara ọ yẹ ẹkụhị ọnọọ nị.

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Imatiwu 27:45

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Ịmaakị 15:33

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Iruuku 23:44

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.