Emọsị 8:4 - IWE ỌNỊNỊ

⁴ Dị ọ ka ẹ̀ tamayị ẹnịnị mẹmẹ aa mẹ̀ ẹvaya yị ọkụmị nịnị, dị ẹ yaa wụ́ onosiye ene hị́ ịnị ẹtẹ ọnọọ.

Emọsị 8:4 ပူးပေါင်းရင်းမြစ်များ

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Ụhịrẹyị 30:14

Aza ẹnyị vị ana aa ha ọhọha, dị ẹ yaa za onosiye ọnịrị anarịmanyị nịnị mẹ ụngwẹ.

Ahẹ Ụgama 14:4

Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

Ahẹ Ụgama 140:12

Ẹnẹyịmavara, mâ yẹ ka ụ vaa dọ ịrazị onosiye ọnịrị oniruwa nịnịị zị.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ijemiisi 5:6

Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

Emọsị 7:16

Amaziya mẹmẹ vaa ya ịzẹnị ka asị ọnị ka ụtụ ọnị aa tụ́ ọnị hị́ Anisirẹrị.

Ijeremaya 28:15

Ijeremaya ka, ọnị ộ maanị kà a yị Ịhananịya, dị ọnị rẹ ka a tụ ọ yọ ka, Ịhananịya wụ́ o! Ẹnẹyịmavara ẹ́ yị tụ ụ ụtụ, á vị dị waa mẹ ka aza ẹnẹnị ẹ̀ sị ayị tụra ireche ahẹ.

Ayịsaya 28:14

Ẹwụ nịnị ana aā mẹ̀ isiya, ana vị ọdọvịdị Anijerusarẹmị, batọ dị wa wụ́ ịrẹyị ẹnị Ẹnẹyịmavara aa kà.

Ayịsaya 1:10

Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị.

Ahẹ Ụgama 56:1

Ohomorihi, navọ wa vayị amị kwogwo, ka aza ẹ sị kwẹẹtẹ tụ́ mi, ẹ yaa dụ mị Avọọ ẹnịnị maa dụ mị pooro kẹnẹ nị.

Ijoovu 24:4

Ẹ yaa mẹ ẹvaya yị onosiye nịnị, dị ẹ dụ wa na tẹ̀.

Ezikẹẹrị 45:10

Waa sị ịzẹyịzaa mọ ịsa, dị wa rẹẹ sị ịzẹyịza ngọ̀ ịsaa yị aza nịnị.

Emọsị 5:12

Ẹnẹyịmavara kà ọnị ọ yẹ ebira odivi ọdẹngụ ọnị ẹ yaa mẹ̀. Ẹ yaa mẹ̀ ọnịzẹyịza rị, dị ẹ yaa dọ ochirerenu, dị ẹ yaa mẹ̀ ọkarẹyị irikiti yị onosiye nịnị nị.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Ahẹ Ụgama 10:7

Irenu ẹnịnị ọ mā kà ọyịza paa Ẹnịnị vi ene eē cheeche, dị ẹ yaa mẹ ehunaa yị aza.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Imika 3:3

Waa nọ wa ịtụmpaha, waa chaka wa ẹchụkụ waa vọ wa anka uye ana chịnẹ avọọ. Mị ka waa nọ aza anị ịtụmpaha anka uye ịnị avị avọọ di waa rị wa nị.

Ịzakaraya 5:6

Dị Ịzakaraya họ̀ ọ use ka ịsị ọ vị? Dị anggẹẹrị tụ́ ọ ohi ka uji ana a sị mọ̄ ịsa yọ nị. Uji ọnọọ ọ jẹ yị ịvị avaba anẹhẹ nị