Emọsị 8:3 - IWE ỌNỊNỊ

³ Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.

Emọsị 8:3 ပူးပေါင်းရင်းမြစ်များ

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ijeremaya 22:18

Avọọ, Ẹnẹyịmavara kà, Ijehoyakimi, ozi Ijosaya, ana vị ohinọyị Ijuda aanị: Aza e yi vee sụ ùnè anị ịhị oo su ka, kwaa-kwaa; ọta amị o! Ọza ẹ yị vaa hụvị anịị jị òrèrè ka, Inda o! ohinọyị amị o!

Arụwẹ 2:10

Azọkụ-azọkụ Ijerusarẹmị vana chaka chire eteesu hẹẹ-hẹẹ, dị ẹ kụ edudu kụ ịrẹsụ nị. Ịta kẹnẹ-kẹnẹ ẹ rẹ và ku ẹngụ nị. Ezwoorihi ẹnịnị vana kụkụ ka ịrẹsụ hi kọhọ̀-kọhọ̀ hi ẹtẹ.

Ijowẹrị 1:11

Va ẹngụ hi ẹwụ nịnị ọgẹrẹva; Waa jị òrèrè ẹwụ nịnị eneē tenyi ụbazị ịvayịnị, agụvị ka ịhwịtị ọnịrị ibaari ne beri avaba ịsa ọyịna ana sị wara.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 1:5

Kwẹẹtẹ waa jị òrèrè booro-booro ẹwụ nịnị ohweche: Wee na owu ẹwụ nịnị ene hu eche agụvị ka akụvarịva ê reè du igirepi anaā sị mẹ̀ eche ha.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Emọsị 4:10

Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ.

Emọsị 5:16

Ananyị yi Ẹnẹyịmavara ọ ka yị wa, ẹ vaa wụ́ owu ọnịrị ùnè ịnị avaba ụpatẹsị ọnịrị inorere ẹnịnị. Avaba ọgẹrẹva ẹnịnị ẹ sụ ùnè, dị ẹ dọ aza ene beri wa jị òrèrè

Emọsị 5:23

Ọ kà a sị ahẹ ụya ẹnịnị kana kwooze ka ịrẹka kẹnẹ-kẹnẹ ọ vị ịnị ụtọ anị. Ọnị ẹ yị vee batọ aahẹ ẹnịnị, ọkangga ẹnịnị ọ daka hine huu ịsọnyịsọnyị.

Emọsị 6:4

Aza ẹbanyị ẹnịnị vị ana mẹ ẹhẹ, dị ẹ hụụtụ hị́ ịrẹsụ ịvẹẹdị ana sị anyị ọdọba mẹ̀ ochị anị. Ẹnịnị vị ana a rị uye atẹmẹ ọnịrị uye ẹvụ ne beri uye imaaru.

Emọsị 6:5

Dị ẹ yaa hama Idevidi jị ahẹ irenyi-irenyi nị. Dị ẹnị re mẹ̀ isohu ẹnịnị anka Idevidi nị.

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Ịnahụmị 3:3

Isoja ọnịrị umaata ẹnịnị ee ne vẹ, dị ẹ yaa mi ụhwọ ọnịrị ọha ẹnịnị nyanga-nyanga kẹnẹ nị. Oku ene su hi ẹtẹ ẹẹ nẹba gụma-gụma, ọza ẹ yị zụ yẹ ịrịka aza ene su. Oku vị ọnị aza aa hyẹdụ vanga jịnẹ ẹ kẹnẹ.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.