Emọsị 8:2 - IWE ỌNỊNỊ

² Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

Emọsị 8:2 ပူးပေါင်းရင်းမြစ်များ

Oyinyima 6:13

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Ayịsaya 28:4

Ụbanyị oni ohirẹsụ ẹtẹ ozoza ọnọọ aa sii mẹ eyi vị ana a vaa dọ ọ dị ọza o yi kuku re e. Vị ọ vaa sị mẹẹ anka ẹtụtụ ọchị ana aā hị́ ihwigi avọọ nị. Ọza ene èe vịdị re ene vi ịnị anị di ò ve tù ụmẹ ana a sị ha a, ọ wụsẹ vịdị aa ha a nị. Ọ̀ọ sị ọ ha kẹnẹ dị ọ wụsẹ mụnẹ ẹ.

Ijeremaya 40:10

Ọ kà ọnị ụvọta vaa yà Imizipa, dị ọnị ọ̀ vị odeyi ẹnịnị ụmẹ ọnị Anibabironi ẹẹ sị vẹ ịzọọ. Ama ẹnịnị ẹ̀ naa và eche, dị ẹẹ há ẹtụtụ. Ẹnịnị ẹ̀ rẹẹ mẹ angwẹ dị ẹẹ kụ ọ tẹ̀.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Arụwẹ 4:18

Agụvị ọnịvị ayị enee bè yi ahụ-ahụ, yẹ yị kụkụ nyayịnẹ va tụra oze. Dị ẹ kà, eyi ayị ọ sị nị ọ, a sị ẹkụhị ayị za ịrịka, ayị ộ ta o.

Ezikẹẹrị 12:23

Ọ kà ọnị ọ̀ kà a yị wa booro aanị ịsị ọnị Ohomorihi Ananyị ụkata hu kere-kere kà ịnị ụhịrẹyị ọnọọ: Ọnị vaa za ụhịrẹyị ọnọọ jẹẹ, dị ọza ẹ́ yi me vene che e ịnị ẹtẹ Isirẹrị. Ama ọnị ộ kà a yị wa ka, ụmẹ o si tu, ọnị avaba ịsị a kà sị nyima aa mẹ.

Ezikẹẹrị 29:8

Booro aanị, ọnị Ẹnẹyịmavara Ochẹtẹẹngụ aa kà a yị wụ ka ọnị vaa mẹ ka aza ẹ kụ́ ịrẹkụ tu wu, dị ẹ wụ̀ aza awụ ẹnịrị ịsụpa nịnị.

Ezikẹẹrị 3:10

Ohomorihi ộ varẹma kà a tụ ọ yị ọnị ọnị Ohomorihi aa kà a yị ọnị, dị ọnị ọ̀ sị tụ ịnị ayị o.

Ezikẹẹrị 3:7

Ama Anisirẹrị nịnị ẹ yị vaa wụ́ ịrẹyị anị, agụvị ka ẹnịnị ẹ́ yị hyakụ tenyi ẹngụ ọ̀ yị wụ́ ịrẹyị ọnị Ohomorihi. Ayị avaba Anisirẹrị nịnị vị ana katẹngụ ẹnịnị ẹ yị ma wụ́ ịrẹyị ọza.

Ezikẹẹrị 7:6

Re, eyi awụ nịnị ọ sị nị. Ẹzẹtẹ awụ nịnị o si tu. Aa wụ nịnị ộ ta o.

Ezikẹẹrị 8:12

Ohomorihi ộ họ̀ ọnị use ka, ozi-ọza, ọnị wee re ịsị ọdọvịdị Anisirẹrị nịnị aa mẹ ịnị ewere? Ẹnịnị ẹẹ kụ ẹngụ hi ịnị aku ana va uhwoto ịsị irenyi-irenyi hi, dị ẹyaa mẹ ori nị. Dị ẹ ka, Ẹnẹyịmavara ọ́ sị ẹkụra ẹnịnị hụrị ụvọ, é yi kuku re ẹnị.

Ezikẹẹrị 8:17

Dị Ẹnẹyịmavara kà a yị ọnị ka, ozi-ọza, ọnị wee ree re ọsọnị? Ọ kà, ịrẹyị oweyi ọ́ọ vị ka Anijuda nịnị ẹ̀ maanị mẹ avaba ịsị aa nyị ọnị ịhyẹrẹ aanị ẹkụra ọnọnị, dị ẹnịnị rẹ mẹ ka ebira odivi ọ̀ gara hi avaba ẹkụra nị. Ọnọọ ẹ́ yị hụ wa, dị ẹ rẹ kụkụ sị ọ aa vaa mẹ ịnị Irehi ọnị Ohomorihi, ka ẹnị ẹ̀ sị mẹ ayị kụ ọnị hu avọọ nị. Ọ kà ọnị ò re ẹnịnị mẹmẹ kụ̀ ọnị ụhụ zị oze anaa zị ọza ẹngụụ hu kere-kere.

Ezikẹẹrị 8:6

Ohomorihi ộ kà a yị ọnị ka, ozi-ọza, ọnị wee re ịsị Anisirẹrị nịnị aa mẹ? Ọ kà ọnị ò re ịsị aa nyị ọnị ịhyẹrẹ ọnị ẹyaa mẹ ịzẹnị, dị ẹyaa dụ ọnịị noze tara irehi anị. Ọ kà, ọnị vee re ịsị e divi hu ọsọnị ẹnẹ ẹyaa sịị mẹ̀ ụhị nyị ẹngụ ẹnịnị.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Emọsị 7:8

Dị Ẹnẹyịmavara họ̀ Emọsị use ka ịsị o re nị. Dị ọ tụ Ẹnẹyịmavara ohi ka ịngọ yọọ nị. Dị Ẹnẹyịmavara kà avọọ ọnị mẹ va zama ebira ọzọza re nị. Oni ẹ yị kụkụ vaa sị eyi kwooze hụụnị ebira odivi ẹnịnị.

Emọsị 8:1

Emọsị ka, Ẹnẹyịmavara Ohomorihi ộ re sị ịsa ọsa zụ ọnị. Ịsa ọnọọ ọ vị ẹtụtụ ịnị ọhahị ene vi ohihi uji nị.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Ịzakaraya 5:2

Dị anggẹẹrị họ̀ ọ ka sị o re? Dị Ịzakaraya tụ́ ohi ka ọnị ô re iwe ene ee hira ịnị ahị. Iwe ọnọọ ọ gọdọ ahụ ohurẹẹwụ, dị ọ gana ahụ ẹwụrẹhị nị.