Emọsị 7:9 - IWE ỌNỊNỊ

⁹ Ẹnẹyịmavara kà ọnị vee du avaba aha ori ẹnịnị hi ịrẹsụ ataba ọnịrị irehi anị vaaha. Avọọ ọnị mẹ rẹ vaa sị ịrẹkụ vu ovwoovu Ijerobowami ana vi ohinọyị Anisirẹrị ẹtẹ nị.

Emọsị 7:9 ပူးပေါင်းရင်းမြစ်များ

Oyinyima 46:1

Isirẹrị ô kụ́ avaba ẹnya anị di e nyima ụsẹ nị. Ệ vẹ, ẹ va sị ngụ Ịbẹẹsẹba. Dị ọ yà ịzọọ dị ọ mẹ̀ ịsọvọ yị Ohomorihi ana Ayiziiki ada anịị̄ hẹkẹ nị.

2 Ohinọyị 14:24

Ộ mẹ̀ ebira odivi hi Ẹnẹyịmavara. Ộ saasa ebira odivi Ijerobowami ozi Inebati ana vịdị mẹ ohinọyị tụ ọ. Ijerobowami ọ kụ Anisirẹrị nịnị na mẹ ịvị nị.

Ayịsaya 63:18

Ọnịvị ayị vị ana dụ ẹyị aza ọnịnị awụ ịnị ụmẹ chee: dị ẹ sị irehi ọnịnị awụ mẹ̀ ịyẹyẹ.

Ijeremaya 51:51

Ọ kà ẹwụ nịnị aza anị aa kà a ka, asị ụhị mẹ nyị wụ nịnị. Ụ ka wé yị re ọza gụ wụ nịnị ụvọ vụrụ-vụrụ agụvị ka anẹkụra ọsa ẹ́ raa ngụ ịzị ẹ́ vị aha Óhomorihi ọnị nya ịnị irehi anị.

Ezikẹẹrị 6:3

ẹwụ nịnị ataba ene hi Isirẹrị ọ̀ wụ́ ịrẹyị Ẹnẹyịmavara Ohomorihi. Ọ kà ọnị ọ̀ kà a yị ẹnị ataba ọnịrị inozi nịnị ka, ọnị Ẹnẹyịmavara vaa mẹ ka à kụ́ ịrẹkụ ve du ịzị aza vaa mẹ ori ịnị ẹnịnịị ha.

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Emọsị 3:14

Ọ kà ịhị ọnị aa sị ụya rị wa agụvị ebira odivi ẹnịnị aanị ye. Dị ọnị wú ụta ori ẹnị e hi tụ Ịbẹtẹrị. Dị ọnị da ọgọọgọ ụta ẹnẹẹ va hi eteesu.

Emọsị 5:5

Ọ kà asị ẹ nọ Ịbẹẹsẹba na mẹ ahẹkẹ. Asị e ne si ọnị Ịbẹtẹrị. Ịbẹtẹrị vị ene vee vu ẹtẹ. Asị ẹ nọ Igirigari agụvị ka aza ene hi Igirigari vị ana vaa za ọrịhị na ẹkụra ọsa.

Emọsị 7:11

Dị ọ ka Emọsị aa ka a ka a vaa wù Ijerobowami ana vị ohinọyị, di aa za aza anị ọrịhị nọ ịnị ẹtẹ Anikinami.

Emọsị 7:13

Dị ọ ka asị Emọsị vana ka ẹtẹ ọnị oo re ịnị ẹkụra Ịbẹtẹrị. Ịbẹtẹrị ọ vị ohyẹtẹ irehi Ohomorihi Anisirẹrị nịnị nị. Ịzọọ Ijerobowami ya nị.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.

Emọsị 9:1

Emọsị kà ọnị ô rẹ Ananyị yị ka ò jẹẹ akaha ụta ịsọvọ. Dị ọ ka yị Emọsị ka o va ịsa hi ịrẹsụ irehi Ohomorihi ẹnẹẹ ẹtẹẹtẹrẹ, di ohyẹtẹ ẹnịnị e ziizi. Dị ọọ chaka a, dị ọ wu za aza ene hi uruvo anị. Àa na nyị aza ana ha, dị ọnị wụ́ wa eyi ịrẹkụ, vaa nyị ọza ana va ha.

Imika 1:5

Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!