Emọsị 7:8 - IWE ỌNỊNỊ

⁸ Dị Ẹnẹyịmavara họ̀ Emọsị use ka ịsị o re nị. Dị ọ tụ Ẹnẹyịmavara ohi ka ịngọ yọọ nị. Dị Ẹnẹyịmavara kà avọọ ọnị mẹ va zama ebira ọzọza re nị. Oni ẹ yị kụkụ vaa sị eyi kwooze hụụnị ebira odivi ẹnịnị.

Emọsị 7:8 ပူးပေါင်းရင်းမြစ်များ

2 Ohinọyị 21:13

Ộ kà a ọnị vaa sị ụya rị aza ene hi Ijerusarẹmị anka ọnị mẹ mẹ̀ Ịsamarịya nịnị, a vị anka Ahabị ohinọyị Isirẹrị ọnịrị evere anị, ộ kà ọnị vee vu aza ene hi Ijerusarẹmị ẹtẹ anka ịchachọ̀rịsa ana a nyịna va ku avọọ.

Ayịsaya 28:17

Avaba ịsị waa mẹ nịnị vị ana sị mẹẹ ọza òo rere aa dà irehi avọọ. Ohomorihi ka ọnị vaa sị ịrẹyịzaa pè e anka a mẹ̀ẹ si obo pè irehi di è re ọ mẹmẹ vọrọ avọọ. Ireche ọnị ụ sị jị ọvọ gu ẹngụ hi vi oni orihi vaa zụ̀ụ hị́ di enyi hì ọ na và ha. Ịzị ụ ka wa na tẹ̀ tụ́ vi eni enyi vaa kụ́ naa vàa ha.

Ayịsaya 34:11

Inomi edivi irenyi-irenyi e venee hi ịzọọ nị. Ohomorihi vị ana vaa vara ẹtẹ Anedomi ẹtẹ ọpaapara ana ahịka ẹ yị nyị ịsị ọ zụ mẹ.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Arụwẹ 2:8

Ananyị yị ọ vịdị sị ọ mẹ̀ ka ẹ yị zụ nyị ka ọza e yi vee wu ọvọ. Ộ vịdị sị ọ tọ ịrẹwa ka e vú ẹtẹ saka-saka. A sị ohurohuro anị ọnịrị ugene anị wu va hi ẹtẹ booro aanị.

Ihoseya 1:6

Dị Igoma rẹ varẹma zyẹẹ dị ọ ma ozi ọnẹẹ nị. Dị Ẹnẹyịmavara kà yị Ihoseya ka ịrẹha ozi ọnọọ ọ rị Iro-ruhama ọnị iruvo anị ọ vị “Ẹ yị nyị ayamva”. Ẹnẹyịmavara kà ọnị ọ yị kụkụ vaa vayị Isirẹrị dị ọnị ọ hyakụ vaa vagu wa.

Emọsị 7:7

Ịrẹma ọnọọ Ẹnẹyịmavara sị etore ọsa rẹ zụ Emọsị nị. Emọsị ô re ka Ananyị yi ọ jẹẹ ịrẹsụ ọvọ obo ọnị a sị mọ ugene re ya ịnị ụvọ anị. Dị ô sị mọ ọvọ ọnọọ re nị

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

Ịzakaraya 4:2

Dị ọ họ̀ ọnị ka sị ọnị ee re aanị? Dị ọnị tụ ọ ohi ka ọnị ee re ọchị ozotupa igooru ọnịrị ẹnya angwẹ ana ya ịrẹsụ anị beri ozi ịrakotupa ịhịmba ene hi ịrẹsụ anị ịzị ịra aa za hụrẹ.

Ịzakaraya 5:2

Dị anggẹẹrị họ̀ ọ ka sị o re? Dị Ịzakaraya tụ́ ohi ka ọnị ô re iwe ene ee hira ịnị ahị. Iwe ọnọọ ọ gọdọ ahụ ohurẹẹwụ, dị ọ gana ahụ ẹwụrẹhị nị.