Emọsị 7:2 - IWE ỌNỊNỊ

² Ịjị akụvarịva raa rị avaba avị za ọchị avaba aha, dị Emọsị da ịpẹ yị Ẹnẹyịmavara kà ọ vagu Anisirẹrị nị. Dị ọ ka asị ọ vu wa ẹtẹ ka ẹnịnị ẹ yị nyọya.

Emọsị 7:2 ပူးပေါင်းရင်းမြစ်များ

Ahẹ Ụgama 12:1

Ẹnẹyịmavara, navọ kwogwo wa gụ yị ụvọ kụkụ nyị ọza ana aa mẹ ịzẹyịza ọ! Ọnịzẹyịza ệ ta hụụ nị ẹhẹ.

Ọyịkụra 10:15

Di e kú eteesu pipipi, dị ẹtẹ kuku ee mine kẹnẹ nị. Dị ẹ za avaba ịsa ana ata orihi navọ tịtẹ, dị ẹ rị wa nị. Avaba ịsị ẹ chị hi ịnị aarẹ ọnịrị ẹtụtụ ene hi ịnị ọchị vị ẹnẹ rị za ẹtẹ, kụkụ nyị ịsị aa hị́ avị ohwoohu ikonya ịnị avaba ẹtẹ Ijipiti.

Ọyịkụra 34:9

Dị ọ ka, “Ananyị mị, aarịhịnị wèe nyị mi iyi navọ wa saasa yị na. Ịzẹyịza aza ẹnẹnị vị anakamawụ, ama navọ wa vagu yị ịnị avaba ebira odivi ọnị yaa mẹ̀ aanị. Navọ wa sị yị mẹ aza awụ.”

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ayịsaya 51:19

Ịrẹyị odivi oze ẹẹva ọ raà ngụ tu wu. Ịrẹkụ ọnịrị ụngwẹ o reè vu aza awụ ẹtẹ. Ẹ yị nyị ọza ana zụ sị wụ ayị nẹtẹ.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 42:2

dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ezikẹẹrị 11:13

Ezikẹẹrị ka, ịrẹyị ọnọnị maanị aa yịị ka, dị Iperatiya vị ana sẹ ẹdụ nyẹtẹ, di o sú nị. Kaayii, dị ọnị và eyi ku ẹtẹ, dị ọnị nowu zẹtẹ ka, kaaa! Ohomorihi Ananyị ụkata hu kere-kere, vị́ ụ waa maanị aa vaa wụ̀ avaba aza ana vẹtẹ hi ẹtẹ Isirẹrịị ha nị?

Ezikẹẹrị 9:8

Ezikẹẹrị ka, ịjị ẹ́ vavọọ aa wụ̀ azaa na, dị ọyịnyara anava jẹẹ ịzọọ nị. Ọnị ô va eyi ku ẹtẹ, dị ọnị nowu ka, tee! Ohomorihi Ananyị avaba ụkata, Ụ waa vaa maanị kụ́ ayịị hi Ijerusarẹmị, dị ụ sị avaba aza ana vọ hi ẹtẹ Isirẹrị wụ nị?

Ịdanịyẹrị 9:19

Ẹnẹyịmavara kwogwo, navọ wa wụ́ ọngwẹ ayị dị wa vagu yị. Ẹnẹyịmavara kwogwo, wụ́ ọngwẹ ayị dị wa hụvị ayị kwẹẹtẹ. Asị ụ kù ụvị dị aza ẹ̀ yẹ́ ka ẹwa vị Ohomorihi nị. Ẹwa nyị Ijerusarẹmị ọnịrị aza ene hi ịnị anị nị ọ.

Ijowẹrị 2:17

Ohirẹsụ irehi Ohomorihi nịnị ana vi ezi ahụ anị, ẹ jẹẹ ịnị akakana ụta ịsọvọ ọnịrị oze irehi Ohomorihi, dị ẹẹ jị òrèrè, dị ẹẹ mẹ̀ aduwa: Dị ẹ da ịpẹ ka Ẹnẹyịmavara ọ vayị aza anị. Asị ọ zẹ ka anẹkụra ọsa nịnị ẹ sị eyi wụ̀ wa, dị ẹẹ nyi wa unyi, di e yee họ̀ use ka ịzị Ohomorihi ẹnịnị ya.

Emọsị 4:9

Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Emọsị 7:5

Dị Emosi dá ịpẹ yị Ẹnẹyịmavara ọga isoja ka ọ navọ asị ọ vavọọ mẹ dee. E yị va ahụ vẹ ịrẹma, ẹnaa ha ịnị ẹnị ẹnẹ nyọya aanị.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

Ẹtore 9:4

A ka asị ẹ kanyị avị ene hi ẹhẹ, asị ẹ kanyị ịsa ohwoohu ọnyọọnyị, dị asị ẹ rẹ kanyị ọchị ọnyọọnyị! A ka ẹnịnị èe che aza ẹnẹ ẹ̀ yị nyị apọtẹrẹwa Ohomorihi tụ́ ini ibe ẹnịnị.