Emọsị 5:4 - IWE ỌNỊNỊ

⁴ Ẹnẹyịmavara kà Anisirẹrị ẹ va ka ọnị vẹ dị ẹ zụ yara.

Emọsị 5:4 ပူးပေါင်းရင်းမြစ်များ

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

2 Ịtọpa 20:3

Ịjị ọ maanị wụ́ ọ kẹnẹ, dị angwa hi ọ, dị ọ aduwa ka Ẹnẹyịmavara ọ sị oze zụ ẹnị nị. Dị ọ kà avaba Anijuda ẹ za awẹ,

2 Ịtọpa 20:4

Ịzẹyịza dị avaba Anijuda nịnị hụrẹ ẹkụra irenyi-irenyi kụ́ ẹngụ gụ ka ẹnị aa pa ka Ẹnẹyịmavara ọ gụ ẹnị ụvọ nị.

2 Ịtọpa 34:3

Ịnị ịrayị ana tụ́ ọ ịhịnta ọnị Ijosaya rị ohinọyị, ọ mẹ yị vị ozweyi, ó nyima aa hẹkẹ Ohomorihi ohiku anị Idevidi. Ịnị ịrayị ọhụna ana vatụra a, o nyima aa chata irehi ori nịnị ọnịrị ọchị ana bẹ́ mẹ uyi ori ọnẹẹ ana a hị́ Asẹra ọnịrị ori ana vọ.

Ahẹ Ụgama 14:2

Ẹnẹyịmavara ộ yà ẹbẹẹba dị ọ kana eyi chi vẹ ve re aza nị Ộ kana eyi ka ọnị ò re, àa daba nyị ọza ana yẹ ịrẹyị ene ee ro ịrẹyị Ohomorihi.

Ahẹ Ụgama 22:26

Onosiye nịnị vaa rị ịsa dị ịnẹ ha wa; avaba aza ana àa ká Ẹnẹyịmavara vẹ, vị ana vaa gama a. Vi o vee zee yị wa pooro nị.

Ahẹ Ụgama 27:8

Ayị amị vị ana kà a mị ka maa hẹkẹ wụ. Ẹnẹyịmavara, ẹwụ mị vaa hẹkẹ ịzẹyịza nị.

Ahẹ Ụgama 69:32

Ịjị aza ana aa sị ụyaa rị ẹ̀ẹ maanị re e, ẹnịnị vaa jẹ. Ẹwụ nịnị ene ee sì Ohomorihi, navọ ayị awụ nịnị ọ̀ nẹtẹ.

Ahẹ Ụgama 69:33

Ẹnẹyịmavara a wụ́ aduwa oniruwa, Ọ mā si eyi wụ̀ aza anị ana a za hi ịnị ẹngwa.

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 38:20

Ijeremaya ka, dị ọnị kà a yị ọ ka, ọza ẹ́ yị vaa hụrẹ ụvọ yị wa nị. Ọnị aa dá ịpẹẹ yị ọ ka ọ̀ mẹ ịsị Ẹnẹyịmavara kà ọnị ọ̀ kà yị ọ aanị. Ịjọnọọ ọ́ vaa rọ̀ ọ ẹngụ, dị ọ ha nị.

Ezikẹẹrị 18:9

Ẹnẹyịmavara Ananyị ụkata hu ka ọza ọnọọ àa sị ịzẹyịza saasa ịrẹyị anị, dị aa mẹ ịsị ọnị ọda anị kà nị, ọza ọnọọ ọ vị ọnịrẹyịzẹyịza nị, avọọ, ọ vaa yara.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Emọsị 5:6

Ẹnẹyịmavara kà Isirẹrị ẹ varẹma ka ọnị vẹ. Agụvị avọọ ọnị vee hị́ wa hụrẹ ẹtẹ anka ịra mẹ rị ịsa avọọ nị. Ịbẹtẹrị ẹ yị vee re ọza ana vọrọ ka ọ dọ ọ tụ

Ịzẹhwanaya 2:3

Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Imatiwu 7:8

Agụvị ka avaba aza ene èe họ̀ use ịsa, aā sịị yị wa. Ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

Iwe Ọhụhị Imosiisi ana aa hị́ Ọyịvatụrọda 32:46

dị ọ kà yị wa ka ẹ tamayị avaba ịrẹyị ọnị ọnị ka yị wa ajịnị. Ẹẹ vatụra a yị ezi ẹnịnị agụvị dị ẹ saasa avaba ọda Ohomorihi ẹnẹnị hwịnị-hwịnị.

Iwe Ọhụhị Imosiisi ana aa hị́ Ọyịvatụrọda 32:47

Ọda ẹnịnị ẹ yị vị ịrẹyị aahị ọ vị. Ọnị ọ vị ụkata ẹnẹ ẹ vaa sị ra ẹhẹ ẹnịnị nị. Ọnị ọ zụ mẹ ka e ku orubo ịnị ẹtẹ ọnị ẹ vaa jịnẹ Okuha Ịjọdanị na dọ aanị nị.

Iwe Ọhụhị Imosiisi ana aa hị́ Ọyịvatụrọda 4:29

Ịnị ẹkụra ẹnẹẹ, ẹnịnị vee si Ẹnẹyịmavara Ohomorihi ẹnịnị, ẹ̀ ẹ sị avaba ayị ẹnịnị si ọ, e vee re e.