Emọsị 5:3 - IWE ỌNỊNỊ

³ Ẹnẹyịmavara ana vị Ohomorihi ka, Anisirẹrị ẹ tụ aza ẹnị akahị jịnẹ nọ ịrẹkụ, aza ẹnị ẹchẹhị kẹnẹ aa vọ vaa vẹ eehi nị. Ẹ tụ́ aza ẹnị ẹchẹhị jịnẹ, aza ẹẹwụ aa vọ vaa vẹ eehi nị.

Emọsị 5:3 ပူးပေါင်းရင်းမြစ်များ

Ahẹ Ụgama 144:14

Navọ imaaru ayị ẹ̀ẹ ma ezii hi ẹtẹ kẹnẹ, di asị a nyị ana wọrọ ịrẹẹ. Asị a rẹ nyị ọnị ozi anị sụ́. Navọ asị a nyị ọza ẹnị ẹngụ anị kụkụ kata ịnị ẹkụra ayị.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 10:22

Anisirẹrị ana vọ vaa vaa vẹ ịda Ohomorihi ana nyị ụkata. Ịzẹyịza Anisirẹrị ệ rụrụ anka ààrẹ ụtọ ókụ̄, ama aza chee ana vọ ẹ vaa vaa vẹ nị. Ebira ẹnị ẹ mẹ vị ana a vọrọ ka à sị wụ̀ wa ha, ụya ọnọọ vị ana tịtẹ ee zi wa.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ezikẹẹrị 12:16

Ẹnẹyịmavara kà, ama, ọnị vaa navọ aza chee ka ẹ̀ vọ. Ịrẹkụ ẹ́ yị vaa rị wa, ụngwẹ ọnịrị ụkụ ẹ́ yị vaa wụ̀ wa, ẹkụra tụra ẹkụra ene ee ne hi, ẹnịnị ẹẹ dọ irenu ka ẹnị ệ mẹ ịsị anaa nyị ọnị ịhyẹrẹ; dị ẹnịnị ẹ̀ rẹ yẹ ka ọnị ọ vị Ẹnẹyịmavara nị.

Emọsị 6:9

Ọ daka vị aza ẹnị ẹẹwụ ẹ tẹ tụ ịnị irehi nị, avaba ẹnịnị vị ene e su.

Aniroomi 9:27

Ayịsaya o re vịdị nowu kà ịrẹyị ini oze Anisirẹrị ka, “Anisirẹrị ẹ̀ẹ daka rụrụ pooro anka ààrẹ ụtọ ókụ̄, chee ịnị ẹnịnị kẹnẹ Óhomorihi vaa dọ ọ há nị.

Iwe Ọhụhị Imosiisi ana aa hị́ Ọyịvatụrọda 28:62

Ọ̀ọ daka vị ka wâ vịdị rụrụ nịnị anka ụzọmị nịnị, aza chee ọ̀ vanaa vẹtẹ ịnị awụ nịnị nị, agụvị ka wẹ yị wụ́ chire Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 28:63

Ó mè hine Ẹnẹyịmavara dị ọ mẹ ka ò ze wụ nịnị, dị ụ wa rụrụ nịnị, avọọ gẹdẹ-gẹdẹ o mè re vee hine e ọyị vu wu nịnị ẹtẹ, dị ọ wụ̀ wụ nịnị va ha nị. Vị e vee hu wu nịnị hụrẹ ẹtẹ ọnị ụ waa naa ra ịnị anị nịnị aanị anka a meē hu ọchị ọnịrị ẹpaa hụrẹ ẹtẹ avọọ nị.

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.