Emọsị 4:9 - IWE ỌNỊNỊ

⁹ Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Emọsị 4:9 ပူးပေါင်းရင်းမြစ်များ

1 Ohinọyị 8:37

“Ụngwẹ ọ zụ vẹ ịnị ẹtẹ ọnọnị, a rẹ zụ nyị ụkụ ana aā mẹ ka asị ọza re ẹtẹ ẹtẹẹrẹ, ịsa ịnị aarẹ ẹ zụ wụ̄, dị akụvarịva irenyi-irenyi vẹ. Ọnịvị ẹ rẹ zụ kụ́ ịrẹkụ ve tù aza awụ ịnị ẹkụra ẹnịnị. Ụkụ tụra ụkụ ọnịrị ịrẹyị tụra ịrẹyị ẹ zụ vẹ.

2 Ịtọpa 6:28

Àa nyị ụngwẹ ịnị ẹtẹ, a vị ụkụ, a vị ka ịsa ịnị aarẹ o du ha agụvị ka ahị ịrịịra ộ wara a ha, a vị ka okoni akụvarịva ệ rị ọ.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 50:11

Avaba aza ana mẹ eto odivi ka ẹnị ẹ wụ̀ ọnọhụva ẹnịnị vị ọnị eto odivi ẹnịnị vaa rị ịrẹsụ. Ẹnẹyịmavara va mẹ ka odivi ọnị ọza o si yị ọnọhụva anị ọ vị aanị.

Ayịsaya 9:12

Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ihoseya 11:5

Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ

Ijowẹrị 1:4

Ọkọnị akụvarịva tụra ẹngụ tụra ẹngụ vaa chaka hi wa aarẹ; Avị ọnị ọba ẹnyị rị vọ, dị ọba ọsa va rị avaba ana vọ za ẹtẹ.

Ijowẹrị 1:7

Ẹnịnị e reè du avaba aarẹ ịvayịnị ẹnịnị ha. Ẹ raà rị avaba ọchị ihwigi. Dị ẹ hụ̀ uguha ọchị ẹnẹẹ va haa nị, dị avọ́ ọchị ẹnẹẹ wụ̀, dị ẹ kụkụ aa vwẹtẹ nị.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Emọsị 4:6

Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ.

Emọsị 4:8

enyi ana zwọ, aza ee si enyi woowo hụrẹ ẹkụra ẹnyị na ngụ ọsa, di e yi re ana hụụ wa hu. Ama ẹnịnị ẹ yị va hụvị avọọ ro ịnẹ dị ẹ ka Ẹnẹyịmavara na.

Ihabaku 3:17

Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Ịhagayị 2:17

Dị Ẹnẹyịmavara kà, ọnị ộ tụ́ ahị ịrịịra, dị ọnị zụ ịrẹta hụrẹ ẹbẹẹba ka o du avaba ụkọrọ ọnị ẹ mẹ̀ ha, ama ẹnịnị ệ yị hụ agụvị avọọ ro ịnẹ varẹma.

Ịmarakayị 3:11

Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị.

Iwe Ọhụhị Imosiisi ana aa hị́ Ọyịvatụrọda 28:22

Ẹnẹyịmavara vaa sị ụyaa rị wụ nịnị, dị ọ mẹ ka ụkụ ọ̀ za wụ nịnị. Ẹngụ awụ nịnị vee wù, dị ọvanggoro za wụ nịnị. Ẹnẹyịmavara vaa mẹ ka ọyị ọ̀ jị, dị ahị ịrịịra aa tụ, dị o vu avaba ịsa ịnị aarẹ awụ nịnị ẹtẹ. Avọọ ẹngụkata odivi ọnọnị mẹ vaa yàrị ẹwụ nịnị pooro, di u sú va ha nịnị nị.

Iwe Ọhụhị Imosiisi ana aa hị́ Ọyịvatụrọda 28:42

Akụvarịva nịnị vị ana vaa rị avaba ọchị awụ nịnị ọnịrị ịsa ọnị ụ mẹ tụ ịnị aarẹ nịnị.