Emọsị 4:7 - IWE ỌNỊNỊ

⁷ Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;

Emọsị 4:7 ပူးပေါင်းရင်းမြစ်များ

Ọyịkụra 10:22

Ịzẹyịza di Imosiisi tana ụvọ anị hi ẹbẹẹba nị. Dị ịrahụ ruma-ruma chaka kú avaba ẹtẹ Ijipiti mẹ ẹkụhị ẹẹta nị.

Ọyịkụra 10:23

Aza ẹnyị o yi zụ re ọsa, hyakụ nyị ọza ana zụ hụrẹ ịzị ọ yà dị ọ mẹ ẹkụhị ẹẹta. Ama avaba Anisirẹrị eni ee re ẹtẹ avaba aha ẹnị ẹ yà.

Ọyịkụra 8:22

Dị ọ ka ịhị òo si tù, ẹtẹ Igoseni ịzị aza anị hi vị ọnị ọnị vaa dàa tịtẹ vaa nyị ịsị ịzọọ. Ọ kà ọ̀ kà a ka ọ vaa yẹ ịhị ọnọọ ka ọnị Ẹnẹyịmavara yà ịnị ẹtẹ ọnọnị.

Ọyịkụra 9:26

Ini okokooro Igoseni ịzị Anisirẹrị nịnị hi kẹnẹ ata orihi ọ̀ yị rẹ vaa zụ̀ụ hi nị.

Ọyịkụra 9:4

Ama ọnị Ẹnẹyịmavara vaa tẹ ẹhwị tụ́ ịnị ịsụpa Anisirẹrị ọnịrị ịsụpa Anijipiti. Ẹ yị nyị ịsụpa Anisirẹrị ene vee sú.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 14:3

Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 14:4

Ka orihi ẹ yị zụ̀, ẹtẹ ọ sị wụ, ayị ọkụrẹkụ nịnị e si du; ẹnịnị kụkụ aa sị eyi tẹ.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijowẹrị 2:23

Aza ene hi Ịzayọnị ẹẹ jẹ ịrajẹ, Waa mẹrị sadaa ka ọnị Ẹnẹyịmavara Ohomorihi awụ nịnị vaa zụ́ orihi ịjịjọọ yị wụ nịnị. Dị ọnị zù orihi ịpaapa ọnịrị ọ́dịrẹma a mẹ vọrọ anka ọ mẹẹ̄ vịdịị zụ́.

Ịzakaraya 14:17

Àa nyị aza ịrẹsụ ẹtẹ ẹnẹ ẹ yị na hẹkẹ Ohinọyị, Ẹnẹyịmavara Ochẹtẹẹngụ, orihi ẹ yị vaa zụ́ yị wa.

Ịjọọnụ 4:35

Áa vị ẹwụ nịnị ọọ̄ kà a ka: ‘Ọ sị vọ ụhwẹ ẹẹna, dị à kụ́ ịsa ịnị aarẹ gụ?’ Jẹẹ ma kà ịsa ọnyaa wụ nịnị, oo! Kana eyi re aarẹ nịnị, ịsa ịnị anị ẹ sị mẹ, o si tù ka à kụ́ wa gụ.

1 Anịkọrịntị 4:7

Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?

Iwe Ọhụhị Imosiisi ana aa hị́ Ọyịvatụrọda 11:17

Ẹ̀ẹ vavọọ na mẹ, Ẹnẹyịmavara vaa kụ ayị hi wa dị ọ za orihi jẹẹ ka asị ọ zụ, dị ịsa ịnị aarẹ ẹnịnị ẹ yị mẹ, dị ẹnịnị su ịjịjọọ hụụnị ẹtẹ ozoza ọnị Ẹnẹyịmavara aa sị yị wa.

Ijemiisi 5:17

Wéé re Erija? Ọza anka ẹ́yị ọnị rẹ vị nị. Ộ sị ayị ọnya mẹ̀ aduwa ka asị orihi zụ̀. Ịzẹyịza, orihi ẹ yị zụ̀ pooro mẹ ịrayị ẹẹta tụra ụhwẹ ịhịnọnyị ịnị ẹtẹ ọnọọ.

Ẹtore 11:6

Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ.