Emọsị 4:3 - IWE ỌNỊNỊ

³ E vee tura wa jịnẹ zị oze ịnị ọvọ ẹkụra ana chaka gụrị ọzọza nị. Di e ne wa tụ ẹhẹ na ngụ ataba Ihamọnị nị.

Emọsị 4:3 ပူးပေါင်းရင်းမြစ်များ

2 Ohinọyị 25:4

Dị a chaka ọvọ ana kara ẹkụra, dị isoja nịnị tụ́ jịnẹ hụụnị ịnị ẹkụra ịrahụ. Ẹnịnị vị ana zị oze ịnị ụbazị ohinọyị zị oze ọbanyị ana ya ịnị akakana ọvọ ẹẹva, zwe zi oze eyi Ijodani. Ụmẹ ọnọnị isoja Anibabironi nịnị vị ana yịị kara Ijerusarẹmị.

2 Ohinọyị 7:15

Aza ẹnẹnị ệ na huuu na ngụ Ijodani. Ẹ maa na oze, dị e re ịta ọnịrị ẹnya ọnị Anisiriya nịnị va ha ẹnịnị mee zwè nị. Dị ẹnịnị vavẹ, dị ẹ va kà ụtụ yị ohinọyị nị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ayịsaya 31:7

Ẹkụhị ọnya avaba awụ nịnị vee nē ori awụ nịnịị ta. Ebira odivi awụ ọ mẹ ka wa na sị igooru ọnịrị ẹkẹhị dị wa vavọọ sị mẹ ori nịnị nị.

Ijeremaya 52:7

Ẹnịnị ệ zị oze eyi ọnya dị ẹ chaka ọvọ ana a kara Ijerusarẹmị, dị avaba isoja ẹnịnị zị avọọ zwe tụ ẹhẹ ịrahụ nị. Isoja Anibabironi nịnị vị ana yị họ̀ kara Ijerusarẹmị ụmẹ ọnọọ. Isoja Anijerusarẹmị ệ zi oze ịnị ụbazị ohinọyị, dị ẹ zị oze ịnị oze ọbanyị ana yà ịnị akakana ọvọ ẹẹva jịnẹ tụ ẹhẹ nị. Ẹnịnị ee zwè, dị ẹ sị ịrẹsụ ka oze inozi Ijodani aa na nị.

Ezikẹẹrị 12:12

Ọdọvịdị ẹnị ene hi Ijerusarẹmị vaa kụ ẹnya anị tụra ịza, dị ọ zị oze ịnị uhwohwo ana a chị́ tụ ịnị ọvọ jịnẹ tụ ẹhẹ ịrahụ. Vị́ ọ́ vaa sị ụvọọ ku eyi anị, dị é yi re ịzị aa nọ nị.

Ezikẹẹrị 12:5

Ọ kà ọnị ọ̀ chị́ ugene eyi ẹnịnị, dị ọnị ọ̀ zị avọọ na jịnẹ.

Emọsị 6:7

Avọọ ẹnịnị aa vịdị vaa za ọrịhị nọ ẹkụra ọsa dị ẹngwọọmẹ ẹnịnị za ẹtẹ tụ ịzọọ nị.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Ọdọvịdị 5:17

Ịrẹsụ Igiriyadi vị ana ya eyi ịzị ọyịị̄ zị vẹ akẹnẹ Ijodani, Ịrẹsụ Ịdaanị vị ana jẹẹ pe ẹpa enyi nịnị. Ịrẹsụ Aseri vị ana ya ụtọ enyi. Dị ẹ jẹẹ ụtọ enyi ịzọọ.