Emọsị 3:9 - IWE ỌNỊNỊ

⁹ Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Emọsị 3:9 ပူးပေါင်းရင်းမြစ်များ

2 Ịsamụwẹrị 1:20

Asị a zẹẹ ka à wụ ọ Igati Asị eyi ha ọza na kà a ịnị ubooro Asikeroni oo! Wàa kà a di ezi anẹẹ Anihwirisiti wụ́ nị vị ẹ vaa jẹ nị. Mị ka ezi anẹẹ anị ẹẹ mẹ kẹnẹ-kẹnẹ nị, ẹ̀ẹ wụ vị ẹ yaa jẹ nọ!

Ụhịrẹyị 1:13

Ẹ̀ẹ sị wa wụ̀, dị ẹ kụ ogu akàaka irenyi-irenyi aza ẹnẹẹ ne hí irehi ẹnịnị.

Ụhịrẹyị 11:16

Ọnyẹnẹẹ ana nyị ebira ọyịza vị anaā sịị ụbanyị yị ama ọnọrụ ana zụ mẹ̀ ụkọrọ vị anaā nyị ẹkẹhị.

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ijeremaya 31:5

Ọ kà, ụ vanaa da ụbazị ịvayịnị hi ịrẹsụ ataba Ịsamarịya nịnị. Anaarẹ nịnị vee chire ịvayịnị dị ẹyaa rị ẹtụtụ anị.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ezikẹẹrị 36:8

Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị.

Ezikẹẹrị 37:22

Ọnị vaa và waa bẹ, dị ẹ vị anẹkụra ọnya tụ ịnị ẹtẹ ẹnịnị, ịrẹsụ ataba Isirẹrị. Ẹnịnị vaa nyị ohinọyị ọnyara. Ẹnịnị ẹ́ yị ma vana ha hi ẹẹva, à vị ka ẹ̀ nyị ohinọyị ẹẹva.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Emọsị 1:8

Ẹnẹyịmavara kà ọnị e vú aza ana ra ẹtẹ Anasidodi. Dị ọnị rẹ wụ ohinọyị Anasikeroni. Ọ kà ọnị rẹ vaa va eyi ịrazị ka Anekironi nịnị, vaa nyị Anihwirisiti ana vaa vọ ẹtẹ.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Emọsị 6:3

Ayịchama ẹnịnị ẹ yị zẹ ka e tamayị ẹkụhị ọnị Ẹnẹyịmavara vaa sị sị ụya rị wa.

Emọsị 8:6

Azịịzẹ vị ẹnẹẹ̄ ka vahụra akụ na. Ẹ nyẹngụ sị ẹkẹhị adava ụkụha àvị eyipeni hị̀ onosiye ọnịrị onuruwa nịnị.

Imika 6:10

Ẹwụ nịnị aza edivi ene yi oyi dị ụ kụ́ ọ na na tẹ̀ Ẹwụ nịnị óó ro ka Ẹnẹyịmavara ọ yị tamayị? Wàa ná ịsa yị ọza ụ sị ọ mẹrị, o du wu kù.

1 Ịsamụwẹrị 5:1

Ánihuristi nịnị mẹ̀ sị apoti oto Ohomorihi ọnọọ dọ hụụnị ụvọ Anisirẹrị, dị ẹ sị ọ hụrẹ Ẹbẹnẹza na tụ́ Asidodi nị.