Emọsị 3:2 - IWE ỌNỊNỊ

² Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Emọsị 3:2 ပူးပေါင်းရင်းမြစ်များ

Oyinyima 10:32

Aza ẹnẹẹ ẹ vị ezi Inowa nị. Ịpa ọzọza ịnị ẹkụra ọzọza a hị́ aanị nị. Hụụnị ịpa ẹnịnị avaba ẹkụra chị hụrẹ dị ẹ gara hi ẹhẹ ịrẹma ọhaara enyi nị.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ahẹ Ụgama 147:19

Ộ sị ịrẹyị anị zụ̀ Ijekọvụ, mị ka avaba ọda anị vị ọnị ọ sị zụ̀ Isirẹrị.

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ayịsaya 63:19

Ụ mẹ̀ yi anka aza ọnị wẹ yị vị ọdọvịdị anị avọọ. Ọ sị mẹ anka ị yị vị aza awụ avọọ nị.

Ijeremaya 1:15

Ẹnẹyịmavara kà ọnị aa hị́ avaba anẹkụra ene hi eyi ẹbẹẹba ẹnịrị ohinọyị ẹnịnị. Ohinọyị ẹnịnị vaa vẹ dị ẹ yaatụ ịnị oze ovwoovu Ijerusarẹmị, dị ẹnịị ta kara ọvọ ana jị kara a. Dị ẹ rẹ vavọọ ta kara ẹkụra ana vọ hi Ijuda bemi-bemi.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ijeremaya 11:22

Ọnị vaa sị ụya rị wa. Ezwọọmụha ẹnịnị vị ana a vaa wụ̀ eyi ịrẹkụ. Ezi ẹnịnị vị ọnị ụngwẹ vaa wụ̀ vaa ha.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 9:25

Ẹnẹyịmavara kà, ụmẹ aa vẹ ọnị ọnị vaa sị ụyaa rị aza ana a jị ụvẹvẹnẹ ama dị ẹnịnị ẹ yị mẹ̀ ebira aza ana jị ụvẹvẹnẹ.

Ezikẹẹrị 5:9

Ka waa mẹ ịsị ana a nyị ọnị ịhyẹrẹ nịnị, ọnị vaa sị ụyaa rị ẹwụ nịnị Anijerusarẹmị ẹtẹẹtẹrẹ. Ọ kà ọnị é yị vịdị vavọọ sị ụya rị wụ nịnị da, ọnị ẹ́ yị ma vàna rẹ vavọọ sị ụya rị wụ nịnị.

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ihoseya 2:13

Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ihoseya 5:3

Ộ kà ọnị ọ yẹ ịsị Anisirẹrị nịnị vị. Ẹnịnị para ọnị hu anka ọsẹrẹka mẹẹ̄ hụrị ọva ụvọ avọọ nị. Ẹnịnị e si du ha.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Emọsị 3:3

Dị ọ họ̀ wa ka aza ẹnị ẹẹva ẹ́ẹ́ zụ rị vabẹ, dị asị ẹ dọ yị ẹngụ?

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Imika 2:3

Ẹnẹyịmavara kà oni o reè ro ịrẹyị ọnị ọnị va sị pa ịvaa yị wa. Ọ kà ẹnịnị ẹ yị va zụụ tụ̀ ịrẹsụ hụụnị ịrẹyị ọnọọ. Ọ kà ịrẹyị vee tù wa, dị ahịka vi e kụkụ aa tẹẹ zị nị.

Ịnahụmị 3:4

Ẹkụra Ininivẹ vị ana aa mẹ̀ ebira anka ọsẹrẹka avọọ nị. Uzoza anị ọnịrị ịrakwọ eē si vene anẹkụra ana vọ ngụ ụvọ nị.

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Aniroomi 2:9

Avaba aza ana àa mẹ odivi saka-saka vaa rị ụya, di eyi ẹnịnị ee ví. Aniju nịnị o vịdị vee tù nị, di ò re ve tù aza ana vọ ẹnẹ ẹ̀ yị vị Aniju.

1 Anịkọrịntị 8:3

Ama ọza ene èe sì ịrẹyị Ohomorihi, ọnị Óhomorihi yẹ nị

Iwe Ọhụhị Imosiisi ana aa hị́ Ọyịvatụrọda 10:15

Ọ nyayịnẹ sì ịrẹyị ohiku ẹnịnị, dị ọ nyị wa dị ọ navọ avaba Anẹkụra nịnị ana vọ nị. Avọọ ọ mẹ yị nyị wa pooro ve tu ajịnị nị.

Iwe Ọhụhị Imosiisi ana aa hị́ Ọyịvatụrọda 26:18

Ajịnị Ẹnẹyịmavara ọ raà dọ wụ nịnị ka ụ vị aza anị anka ọ me wo oto yị wụ nịnị. Ộ mẹ ọda ka wa saasa avaba ịrẹyị anị.

Iwe Ọhụhị Imosiisi ana aa hị́ Ọyịvatụrọda 32:9

Ama Ẹnẹyịmavara ụvọta anị ọ vị Ohomorihi aza anị Isirẹrị nị.

Iwe Ọhụhị Imosiisi ana aa hị́ Ọyịvatụrọda 4:32

Ọ kà e họ̀ use ịsa ana mẹ̀ ịyẹẹyẹ, dị a va yẹ ka â ma wa, e họ̀ use nee tu ụmẹ ọnị Ohomorihi sị tụ́ ọza vẹ ẹhẹ. Ẹ sị avaba ẹhẹ họ̀ use ka áá nyị ịsa ọbanyị ana vịdị maanị mẹ da? Áá nyị ọza ana vịdị wụ̀ ẹngụ ịrẹyị ọnọnị da?

Iwe Ọhụhị Imosiisi ana aa hị́ Ọyịvatụrọda 7:6

“Wa vavọọ mẹ̀ ẹ agụvị ka wa sị vị Ẹnẹyịmavara ana vị Ohomorihi awụ nịnị. Ọnị ọ nyị wụ nịnị ka wa vị anị hụụnị akakana aza ene hi ịnị ẹhẹ nị.

1Ipita 4:17

Ụmẹ ọkarẹyị o si tù, aza Ohomorihi Óhomorihi vaa vịdị aa mẹ̀ ọkarẹyị anị nị. Àa vị ịdị ẹyị aza Ohomorihi, ọkarẹyị nyima hụrẹ nị, si ụ ro ka ọ vaa vị ẹzẹtẹ aza ẹnẹ ẹ̀ yị dọ enube ọyịza Ohomorihi wụ́?