Emọsị 2:9 - IWE ỌNỊNỊ

⁹ Ẹnẹyịmavara kà eyi Anisirẹrị nịnị ọnị wụ̀ Anamọnị ha nị. Aza ẹnẹẹ vị ana hụ anka ụchẹba, dị ẹ nyị ụkata anka ọbanjere. Ẹ yị nyị ọza ana vọ ẹtẹ ịnị ẹnịnị vụrụ-vụrụ.

Emọsị 2:9 ပူးပေါင်းရင်းမြစ်များ

Oyinyima 15:16

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.

1 Ịtọpa 1:14

Ikenani ọ rẹ vị ohiku Anijebusi nịnị, Anaamori nịnị Anigirigasi nịnị nị.

Ijoovu 18:16

Ẹ̀pa ẹnịnị ọnịrị avọ́ vị ana vaa wụ̀.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ọyịkụra 34:11

avọọ sị ụvọ za ịrẹyị ọnị maa kà a wụ ajịnị aanị. Anẹkụra ẹnẹnị vị ọnị mị vaa dụụ kwooze wụ nịnị. Anamọrị, Anikenaani, Anihiti, Aniperizi, Anihivi ọnịrị Anijebusi.

Ayịsaya 10:33

Ẹnẹyịmavara Ochẹtẹẹngụ vee ne wa naa nya ẹtẹ anka avọ́ ọchị ana a dà mẹ̀ naa nya ẹtẹ avọọ. Aza ana aa mẹ eyii hu ịnị ẹnịnị ọnịrị ohirẹsụ ẹnịnị vị oni Ohomorihi vee hú ẹtẹ dị ọ tẹ ẹ.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ezikẹẹrị 17:9

Ẹnẹyịmavara Ananyị ụkata hu ka, Ezikẹẹrị ọ̀ họ̀ use ka, ịvayịnị ọnọnị wáá vaa yàra, dị ọ̀ va hụ? Aanịka, ọkasịmẹ ịpaapa ọnọnị ẹ̀ yị vee hu ọnịrị ẹpaa hụrị ẹtẹ, dị o che avọ anị, dị avị anị ẹ̀ wọ̀rọ̀ và ha? Ẹ́ yị vaa nyị ka ẹ̀ yị vị aza nyị ụkata, à vị ka ẹ̀ rụrụ, dị è zụ hu ọ hụrị ẹtẹ.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịrịka 32:13

Ka Ẹnẹyịmavara ee du ayị hí Anisirẹrị nịnị, dị ọ mẹ̀ wa ka ee doodo ngụ ịnị ụnọmị zị ịrayị ẹbẹẹva pooro dị ana mẹ̀ ebira odivi hi ọnị aanị e su va ha.

Iwe Ọhụhị Imosiisi ana aa hị́ Ọyịvatụrọda 1:28

Ịzị Imosiisi ka ẹnị ẹ nọ daa! Aza ene re ẹtẹ ọnọọ ka ajịmasị anọrụ ana a hị́ Anakimi e hi ẹkụra ẹnẹẹ nị. Ẹkụra ẹnịnị vana jị ọvọ ana gọdọ na ka ihinẹba kara ẹkụra ẹnịnị.

Iwe Ọhụhị Imosiisi ana aa hị́ Ọyịvatụrọda 3:11

Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

Ijosuwa 10:12

Ịhị ọnọọ ọnị Ẹnẹyịmavara sị Anisirẹrị nyị ẹbẹẹba Anamọrị nịnị, Ijosuwa ọ̀ mẹ̀ aduwa eyi aza anị. Dị ọ ka Ẹnẹyịmavara ọ mẹ ka ọyị ọ jẹẹ ịrẹsụ ẹkụra Igibiyọnị dị ụhwẹ ọ jẹẹ ịnị osuusu Ayijaroni.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.