Emọsị 2:5 - IWE ỌNỊNỊ

⁵ Ẹnẹyịmavara kà ọnị vaa jị ịraa tụ́ Ijuda, dị ọ rị avaba irehi ohinọyị ẹnịnị ana ya Ijerusarẹmị ịra.

Emọsị 2:5 ပူးပေါင်းရင်းမြစ်များ

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ijeremaya 52:13

Dị ọ rị irehi Ohomorihi ịra nị. Ộ rẹ rị irehi ohinọyị ọnịrị irehi aza ọkọọka ene hi Ijerusarẹmị ịra.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Emọsị 1:4

Ẹnẹyịmavara kà ọnị vaa jị ịraa da irehi ohinọyị Ịhazayẹrị ọnịrị Idi ohinọyị Ịbẹnịhadadị.

Emọsị 3:11

Agụvị avọọ Ẹnẹyịmavara Ohomorihi kà ọnị a hụrẹ wa ụvọ yị ọnịvị ẹnịnị. Di ọnịvị ẹnịnị kara wa hi, dị ẹ tụ wa ọkụmị, dị ẹ dọ wa ogu ẹnịnị.

Emọsị 3:15

Ẹnẹyịmavara kà ọnị re vee wu irehi ẹbanyị-ẹbanyị ẹnẹ ẹ dà hi aha ụhwọtụ ịnị ụmẹ ahị ọnịrị ẹhị. Avaba ọpanyị ọdọba ẹnị ẹ sị mẹ̀ ọvị hị́ ịnị irehi ẹnịnị vị ọnị vaa chaka ha.

Emọsị 7:4

Ẹnẹyịmavara Ochẹtẹẹngụ ọ rẹ sị etore ọsa zụ Emọsị. O ka ọnị aa sị ịra ọbanyị sị ụya rị aza anị. Ịra ọnọọ vaa wara oku, dị ọ rị avaba ẹtẹ ọnọọ ịra hụyẹ-hụyẹ