Emọsị 2:4 - IWE ỌNỊNỊ

⁴ Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Emọsị 2:4 ပူးပေါင်းရင်းမြစ်များ

2 Ohinọyị 17:19

Anijuda nịnị nyẹmba ẹ yị saasa ọda Ẹnẹyịmavara Ohomorihi ẹnịnị, ama ẹnị vị ana rẹ saasa ịsa ọnị Anisirẹrị nịnị kụ vẹ.

2 Ịtọpa 25:14

Ịjị Amaziya raà nyị ẹbẹẹba isoja Anedomi ẹnẹẹ, dọ ọ kụ́ ori ẹnịnị ọnị ọ dọ wa jẹẹ dị aa hẹkẹ wa, dị aa rị eturare ịra yị wa nị.

2 Ịtọpa 30:7

Asị ẹ mẹ̀ ebira ohiku ẹnịnị ọnịrị avaba anda ẹnịnị Anisirẹrị ẹnẹ ẹ yị mẹ̀ ịzẹyịza ka Ẹnẹyịmavara Ohomorihi ẹnịnị na. Anka ụ me re wa, Ohomorihi vị ana nyayịnẹ sị ụya rị wa ẹtẹẹtẹrẹ.

Inehemaya 1:7

Ẹnị ẹ raà mẹ̀ ebira kẹnẹ-kẹnẹ hi Ohomorihi. Ẹnị ẹ yị saasa ọda ọnị ọ sị tụ Imosiisi ozi ahụ anị hi ẹnị.

Inehemaya 9:26

Ama ẹnịnị ệ mẹ akamawụ hi wu, ệ kụ̀ hịrẹ wụ, dị ẹ varẹma ka ọda awụ, dị ẹ wụ̀ avaba ọnịsẹ ana ka wa ọnọ ka ẹ̀ va ka wụ vẹ nị. Ụmẹ tụra ụmẹ ẹ yaa kàa chire wụ nị.

Ayịsaya 28:15

A vi wee wo oto nịnị ka ewuri iswọọza ọ sị eku hị́ yị ẹngụ nịnịị? Ụ ka ịrẹyị ọnịrị ikuta ọ sị jẹẹ nịnị. Wee ro o ka ịrẹyị odivi ọ̀ọ vẹ, o yi kuku vee tù wu nịnị agụvị ka wa raà si ireche jị ọvọ gu ẹngụ hi nịnị. Ireche ụ sị mẹ ịzị ụ na tẹ̀ tụ́ nị.

Ayịsaya 44:20

Vị́ ọ kụkụ sị mẹẹ anka ọza anaa rị atịtọ avọọ nị. Ịrẹyị ụrụụra ẹnẹẹ ro ọ́ raa mẹ̀ ẹ nyeeyi. Ẹ yị zụ dọ ẹngụ anị tụ. Ẹ yị zụ họ̀ ẹngụ anị ka, “ẹ yị vị evene kẹnẹ ori ọnị mị sị rị ụvọ ụvọrị aanị vị?”

Ijeremaya 16:11

Ịjọnọọ dị Ijeremaya ọ̀ kà a yị wa ka, Ẹnẹyịmavara kà, ohiku ẹnịnị ệ va ịrẹma anị naa hẹkẹ ori nịnị, dị ẹyaa kụ ụ yị wa nị. Ẹnịnị ệ và ịrẹma anị saka-saka ẹ́ yị saasa ọda nị.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Ezikẹẹrị 20:16

Ọnị ộ vavọọ kà a, agụvị ka ẹnịnị ê yi ịrẹyị anị tịtẹ, ẹnịnị ẹ́ yị saasa ọda anị. Dị ẹnịnị ệ yị sị ụbanyị yị ẹkụhị ụhwọtụ anị nị. Ori kẹnẹ ayị ẹnịnị yà ịnị anị nị.

Ezikẹẹrị 20:18

Ọnị ộ kà a yị ezi ẹnịnị ịnị ụnọmị ka, a sị ẹ saasa ọda ada ẹnịnị, dị asị ẹ mẹ ịsị ada ẹnịnị aa mẹ o. Asị ẹ na mẹ ori dị è ve si du ẹngụ ẹnịnị ẹngụ o.

Ezikẹẹrị 20:24

Ka ẹnịnị ẹ́ yị saasa ọda anị. Ẹnịnị ê yị ọda anị tịtẹ; ẹ́ yị sị ụbanyị yị ẹkụhị ụhwọtụ anị. Eyi ẹnịnị vị ana yà ịnị ori ohiku ẹnịnị.

Ezikẹẹrị 20:30

Avọ ọnị Ezikẹẹrị ọ̀ kà a yị Anisirẹrị nịnị ka ọnị Ẹnẹyịmavara Ananyị ụkata hu ka, sị ẹ vẹ dị waa mẹ̀ ebira odivi ọnyọọnya ọnị ohiku awụ nịnị mẹ, dị waa dụ ori ẹnịnịị zịịzị nịnị?

Ezikẹẹrị 22:28

Ọnịsẹ ẹnịnị ệ jị avị ku ebira edivi ẹnẹnị, ẹ́ yị kà a. Vị́ ẹnịnị sị mẹẹ anka aza enee ku ugene ọda ọvwọọvụ avọọ nị. Ẹtẹ ene eyee re, ọnịrị ịsẹ ẹnẹ ẹyaa ka vị apẹ osusu. Ẹ ka Ẹnẹyịmavara Ananyị ụkata hu ọ tụ́ ẹnị ụtụ nị, ama ọnị Ẹnẹyịmavara ẹ́ yị tụ wa ụtụ.

Ezikẹẹrị 22:8

Wẹ́ yị sị ụbanyị yị aha ọnịnị Ohomorihi nịnị, dị wẹ̀ yị rẹ sị ụbanyị yị ẹkụhị ụhwọtụ anị nịnị nị.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 12:3

Dị a va ma ada ẹnịnị Ijekọvụ, ô sị vụrị ka ọnị ọ mẹ ẹnẹbẹnị anị Iisọ rị ịnị ịrẹka ọnyị anị. Avọọ ọ mẹ rẹ beri Ohomorihi vụ ịrẹvụ ọ mẹ vị ọmụha nị.

Ihoseya 6:11

A vị ẹnịnị Anijuda yọ, ụmẹ ọnị ẹ vaa sị rị ụya tịtẹ ee zi wa. Ama Ẹnẹyịmavara kà ọnị e si ka ọnị ọ sị Anisirẹrị nịnị aza anị kwẹẹtẹ da.

Emọsị 1:3

Ẹnẹyịmavara kà, “Anịdamasịkọsị ẹ raà mẹ̀ ebira odivi tụra-tụra, agụvị avọọ ọnị vaa sị ụya rị wa. Ẹnịnị ẹ raà chamayị yị Anigiriyadi ẹnẹmẹhị. Ẹnịnị ẹ yị mẹ̀ ẹ sị rị.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Ihabaku 2:18

Sị ọza aa sị ori mẹ? Ọza mẹ nyẹngụ sị ayị tụra ọnyọọnọkụmị ọnị ọ sị ụvọta anị mẹ̀. Evene kẹnẹ ọ vị nị. Ọ́ tịtẹ kẹnẹ nị, ẹ yị zụ ka ịrẹyị. Ẹnyị vị ọchị ana a bẹ, dị ẹnyị vị enyusẹ ene tu nị.

Aniroomi 1:25

Ẹ raà sị ireche dọ ịzẹyịza Ohomorihi ịrẹsụ. Ẹyaa hẹkẹ ịsa ọnị Ohomorihi mẹ, ama ẹ yị hẹkẹ Ohomorihi ana mẹ avaba ịsa ẹnẹẹ. Ohomorihi ọnọọ a vọrọ ka àa ga pooro nị. Aamị.

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

1Ipita 1:18

Wâ yẹ nịnị ka Ijeesu Ikirisiti ọ sị wụ nịnị hị́ varẹma hụụnị oze osusu oni ohiku awụ nịnị vịdị aa zị. Ẹ́ yị vị igooru ọnịrị ọmọ eneē du, ọ sị hị́ wụ nịnị varẹma,

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.