Emọsị 1:9 - IWE ỌNỊNỊ

⁹ Ẹnẹyịmavara kà ọnị aa pa ịva yị Anitaya agụvị ebira odivi odivi ọnị ệ mẹ̀. Ẹnịnị ê va jịnẹ eku ọnị ẹnịrị aza anị hị́ yị ẹngụ dị ẹ za wa ọrịhị ne chire Anedomi nịnị ụvọ nị. Ẹnịnị ẹ yị mẹ e sị rị.

Emọsị 1:9 ပူးပေါင်းရင်းမြစ်များ

2 Ịsamụwẹrị 5:11

Ẹkụhị ọnya á nyị ohinọyị Ịtaya ọnya aanị ana aā hị́ Ihirami. Ộ tụ́ ezi ahụ anị dị ọ ka ẹ̀ kụ́ ọchị ẹbanyị, ẹbanyị ne beri ikahunta ọnịrị aza anaā sịị ịrẹtaa dà irehi nọ ịda Idevidi nị. E mè tù ịzọọ dị ẹ sị dà irehi ohinọyị yị Idevidi nị.

Ahẹ Ụgama 83:7

Anigebari, Anamọnị ọnịrị Anamarẹkị yà ịnị ẹnịnị. Ẹnị ana vọ ẹ vị Anihwirisiti ya, ne beri anẹkụra Ịtaya.

Ijeremaya 25:22

Avaba ohinọyị ẹtẹ Ịtaya, avaba ohinọyị ẹtẹ Ịsịdọnị ẹnịrị ohinọyị ẹkụra ene hi ụtọ oku nịnị;

Ijeremaya 47:4

ka, ụmẹ o si tu ka è vu Ihwirisitiya ẹtẹ. Dị aa wụ̀ avaba aza ana vẹtẹ ana yaanị aa mẹ ọgụvọọ yị ẹkụra Ịtaya ọnịrị Ịsịdọnị. Ẹnẹyịmavara kà ọnị vee vu Anihwirisitiya ẹtẹ dị ọnị vu avaba aza ana hụrị utenyi ẹtẹ Ikerete vẹ ẹtẹ.

Ezikẹẹrị 27:1

Ezikẹẹrị ka ẹkụhị ọnya, Ẹnẹyịmavara ộ ka ẹ yị ọnị ka,

Ezikẹẹrị 27:27

Ịjị ahị vavọọ gara ẹpa awụ nịnị ha, avaba ịsị ohu awụ nịnị ana vị ogu awụ nịnị, avaba aza ana ngụ ẹpa awụ nịnị aa jịnẹ, Ikahunta nịnị enee tenyi ẹpa awụ nịnị, ẹnịrị ẹnị osohu nịnị, beri avaba isoja ene hi ịnị ẹpa ọnọọ vị ene vú ẹtẹ.

Ezikẹẹrị 28:1

Ezikẹẹrị ka Ẹnẹyịmavara ộ kà a yị ọnị ka,

Ezikẹẹrị 28:18

Ẹnẹyịmavara kà wâ mẹ̀ ebira odivi ẹnẹmẹhị ịnị ohu ọnị waa sẹẹ zị, wa kụkụ sị ịzị ụ yaā mẹ ahẹkẹ du ha. Avọọ ọnị jị ịra da ẹkụra ọnọọ, dị ọnị rị ọ ịra na ka ẹtẹ nị. Avaba aza ê re ka wa sị su atịtọ va hi ẹtẹ.

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Emọsị 1:6

Ẹnẹyịmavara kà, ọnị aa pa ịvaa yị Anịgaza nịnị agụvị ebira odivi ẹnị ẹ mẹ̀ kú ẹngụ kú ẹngụ. Ẹnịnị ệ ná ẹkụra ọyịvụrụ ọrịhị yị Anedomi nịnị. Ẹnịnị ẹ yị mẹ̀ ẹ sị rị.

Ọbadaya 1:11

Ẹnịnị vị ana ha ẹtẹ tụ Anisirẹrị ịnị ụmẹ ana vọrọ ka ẹ sị gụ wa ụvọ. Dị anẹkụra ọsa ngụ tu Anisirẹrị nịnị dị ẹ kụ ogu ẹnịnị, dị ẹ̀ ga ẹtẹ ẹnịnị hi ẹngụ ụvọ nị. Anedomi nịnị vị ana sị zụ ka ẹnịrị ọnịvị Anisirẹrị nịnị ẹ ya tu wa nị.

Ịzakaraya 9:1

Ịrẹyị ọnị Ẹnẹyịmavara kà a kà yị anẹkụra Ihadiraki ọnịrị Ịdamasịkọsị yị. Ẹnẹyịmavara kà ọnị vaa tụhwọ Ịdamasịkọsị. Ọnị vaa sị eyi pè avaba anẹhẹ anka avaba ịrẹsụ ene hi Isirẹrị.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 11:22

Ama dị ma kà a wụ nịnị ka ọ vaa daahi yị Anịtaya ọnịrị Anisidoni nịnịị huna wụ nịnị ịnị ẹkụhị ọkarẹyị.

Iruuku 10:13

Di Ijeesu ka, “Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị ẹ yaayịtẹ ịnị atịtọ.

Iruuku 10:14

Ọ vaa daahi yị anẹkụra Ịtaya ọnịrị Ịsịdọnị huna wu nịnị ịnị ẹkụhị ọkarẹyị.