Emọsị 1:4 - IWE ỌNỊNỊ

⁴ Ẹnẹyịmavara kà ọnị vaa jị ịraa da irehi ohinọyị Ịhazayẹrị ọnịrị Idi ohinọyị Ịbẹnịhadadị.

Emọsị 1:4 ပူးပေါင်းရင်းမြစ်များ

1 Ohinọyị 19:15

Dị Ẹnẹyịmavara va kà a yọ dị ọ ka, “Rẹ varẹma waa nọ ịnị ọpaapara Ịdamasịkọsị ịzị ụ hụrẹ vẹ, Wèe tù ịzọọ dị ụ sị angwẹ nyị Ihazayẹrị, dị ọ̀ vị ohinọyị Aramị.

2 Ohinọyị 13:25

Ijehoyasi ohinọyị Ísirẹrị ộ nọ ịrẹkụ Ịbẹnịhadadị ụpẹ ẹẹta dị ọ nyị ẹbẹẹba anị nị. Ộ dọ ọ avaba ẹkụra ọnị Ịbẹnịhadadị vịdị dọ ịnị ụmẹ Ijehoyahazi, ada Ijehoyasi nị.

2 Ohinọyị 13:3

Avọọ, ộ mẹ̀ ka Ẹnẹyịmavara ọ̀ kụ ayị hi Anisirẹrị nịnị, dị ọ hụrẹ wa ụvọ yị Ihazayẹrị ohinọyị Isiriya ọnịrị ozi anị Ịbẹnịhadadị ụmẹ ọrụrụ-ọrụrụ nị.

2 Ohinọyị 6:24

 vana nyị ụmẹ ọnya, o sị ku, ịrẹma ịrẹyị ọnọnị, dị Ịbẹnịhadadị ohinọyị Isiriya kụ avaba isoja anị gụ nị. Ộ kụ wa nọ Ịsamarịya ka ẹ̀ kú ịrẹkụ ne tù wa, dị ẹ kara wa hi nị.

2 Ịtọpa 16:2

Avọọ dị Asa kụ́ isiriva ọnịrị igooru hụrẹ ịzị ogu hi ịnị irehi Ohomorihi ọnịrị ịnị irehi ohinọyị na yị Ịbẹnịdadị ohinọyị Isiriya ana ya Ịdamasịkọsị. Dị ọ tụ́ hị́ Ịbẹnịdadị ka;

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 49:27

Ẹnẹyịmavara Ochẹtẹẹngụ ka ọnị vaa jị ịra da avaba irehi ene hi Ịdamasịkọsị. Irehi ohinọyị Ịbẹnịhadadị ịzị isoja nịnị yaa sere ẹtẹ vị ọnị ọnị vaa rị ịra bẹẹ.

Ezikẹẹrị 30:8

Ẹnẹyịmavara kà ịjị ọnị ọọ́ ra jị ịra da Ijipiti, dị a raa wụ̀ avaba aza anaa kụ̀ ịrẹkụụ yị ọ nị, ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 39:6

Ọnị vaa jị ịraa da ẹtẹ Ịmagọgị, dị ọ vavọọ vatụra ẹkụra-ẹkụra ene hi utenyi ịzị aza rá hi ẹngwọọrọ. Avaba aza vaa yẹ́ ka ọnị ọ vị Ẹnẹyịmavara nị.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Emọsị 1:10

Ọ kà ọnị vaa rị ọvọ ẹkụra ọnịrị irehi ohinọyị ẹnịnị ịra.

Emọsị 1:12

Avọọ, Ẹnẹyịmavara kà ọnị aa sị ịra hụ́ ẹkụra ọbanyị ẹnịnị ana aa hị́ Itemani ọnịrị irehi Ibozira ohinọyị ẹnịnị.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Emọsị 1:7

Ẹnẹyịmavara kà ọnị vaa rị ọvọ ẹkụra Igaza ịra beri aha ọyịtẹ̀ ẹnịnị.

Emọsị 2:2

Agụvị avọọ ọnị vaa sị ịra du ẹtẹ Imowabi ha, dị ọnị rị avaba irehi ohinọyị ẹnịnị ana ya Ikeriyoti ịra va ha. Owu ịrẹkụ vị ana vaa dọ ẹtẹ, dị ọnịvị ẹnịnị ee hú ịkakanchị ẹ maa wụ́ Animowabi nịnị vaa ha.

Emọsị 2:5

Ẹnẹyịmavara kà ọnị vaa jị ịraa tụ́ Ijuda, dị ọ rị avaba irehi ohinọyị ẹnịnị ana ya Ijerusarẹmị ịra.

Ọdọvịdị 9:57

Avọọ gẹdẹ-gẹdẹ Ohomorihi mẹmẹ rẹ sị Anịsẹkẹmị nịnị atọ avaba ebira odivi ẹnị ẹ mẹ, dị ozirenu Ijotami ozi Ijerubaari za wa nị.