Emọsị 1:2 - IWE ỌNỊNỊ

² Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Emọsị 1:2 ပူးပေါင်းရင်းမြစ်များ

Ahẹ Ụgama 29:4

Aza mẹ̀ wụ Ẹnẹyịmavara màa kà ịrẹyị, ệ yẹ ka vị ọ nyayịnẹ nyị ụkata ọnịrị ụbanyị nị.

Ahẹ Ụgama 46:6

Anẹhẹ ee nowu angwa mèe hi wa, ẹkụra nịnị ẹ kụ́ hyẹdụ Ohomorihi mè nowu kú anẹhẹ, ayị ẹnịnị ẹ kụ́ sụ enyi ángwa mè hi wa.

Ụhịrẹyị 20:2

Hi angwa ohinọyị ana a kụ ayị anka ọza meē hí angwa idu avọọ, ọza ene e du ohinọyị ayị vi ene si ẹngụ anị usu.

Ayịsaya 33:9

Ẹtẹ ọnọọ kụkụ vi osusu tịtẹ kẹnẹ, ẹ yị kụkụ nyị ọza ịnị anị. Avaba ọchị ene hi ini iriku Ịrẹbanọnị ẹ kụ́ wọrọ. Ini ozi Ịsarọnị ana vịdị maanị zoza ọ kụkụ sị vara ọpaapara. Ọchị ene hi ịnị ataba Ịbasanị ọnịrị Ịkamẹrị ẹ kụ́ wọrọ avị.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

Ijeremaya 12:4

Ọ kà, ịzị ẹkụra ẹnịnị vaa maanị wụ naa za, dị avaba avị ịnị aarẹ kụ wụ? Ịsụpa ẹnịrị inomi nịnị ee su vaa ha agụvị ebira odivi ana aza ene hi ịnị ẹkụra aa mẹ. Aza anaa kà a ka Ohomorihi e yi re ịsị ẹnị aa mẹ.

Ijeremaya 14:2

Ọ kà, Anijuda nịnị ẹ sị ẹngụ và hí; anẹkụra ẹnịnị eè su; ẹnịnị hi ịnị eteesu ee sụ ùnè, Anijerusarẹmị nịnị aa jị òrèrè boro-boro ka a vaa gụ ẹnị ụvọ.

Ijeremaya 25:30

Ẹnẹyịmavara kà asị a nyị ka Ijeremaya ẹ́ yị kà avaba ịrẹyị ọnị ọnị kà yọ o. Ọ kà ọ̀ kà a yị avaba aza ẹnẹnị ka, Ẹnẹyịmavara vaa ya ẹbẹẹba dị ọ nowu dị ọ rị ịnyanya hụrị ẹbẹẹba kere-kere, o vee nowu ku aza, dị ọ nowu anka ọza anaa dụ uye avọọ. Avaba ọza vaa wụ̀ ọ ọngwẹ.

Ijeremaya 28:8

Ijeremaya ka, ọnịsẹ nịnị ana yà ọvịdị ọnịrị Ịhananịya ệ kà a da ka ịrẹkụ, ụngwẹ ọnịrị ụkụ vee tù anẹkụra ọrụrụ-ọrụrụ ọnịrị ohinọyị nịnị ana nyị ụkata ẹtẹẹtẹrẹ.

Ijeremaya 50:19

Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 13:8

Ọnị vaa nọ wa ịrẹvụ anka ọdụmị ọnị ozi anị vu avọọ nị. Ọnị aa gara wa chẹkẹ-chẹkẹ anka uye ịnị avị, dị ọnị rị wa anka idu avọọ nị.

Ijowẹrị 1:19

Dị Ijowẹrị na owu na za Ẹnẹyịmavara ka avaba avị ọnịrị ọchị ẹ sị wụ̀ za ẹtẹ anka ọrịra ò rere rị ịsa avọọ.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Emọsị 9:3

Ẹnịnị ẹ̀ẹ na tẹ̀ ịrẹsụ ataba Ịkamẹrị, ọnị vaa sị wa hụụ ịzọọ. Ẹnịnị ẹ̀ẹ hyakụ na tẹ̀ iruvo òkū, di ọnị ka yị ẹ́wụ́ ka ọ̀ mẹ wa.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

1 Ịsamụwẹrị 25:2

 nyị ọnọrụ ọnya aanị ana yà Imawoni. Ộ nyị ogu ẹtẹẹtẹrẹ tụ́ ịzị aā hị́ Ịkamẹrị. Opisa ọbanyị ọnọrụ ọnọọ vị nị. Ẹvụ ọnị ọ nyị vị akahị, dị ọ nyị atẹmẹ akawụ rị akahị nị. Atẹmẹ ọnọọ vị ọnị ọọ̄ yẹrẹ ẹyị anị Íkameri.