Iwe Ọhụhị Imosiisi ana aa hị́ Ọyịvatụrọda 9:9 - IWE ỌNỊNỊ

⁹ Imosiisi ka ọnị ộ hịrẹ nọ ịrẹsụ ataba ka ọnị na dọ ọparị ịrẹta ana a chẹrẹ oto ọnị Ẹnẹyịmavara wo yị ẹnịnị tụ ịnị anị. Ọnị ộ ya ịzọọ ọọdụ ọnịrị ịrahụ ẹbẹẹva, mẹ yị rị ịsa, me yi hú ịsa ọnyọọnyị.

Iwe Ọhụhị Imosiisi ana aa hị́ Ọyịvatụrọda 9:9 ပူးပေါင်းရင်းမြစ်များ

1 Ohinọyị 19:8

Ịzẹyịza di Erija kwẹẹtẹ dị ọ rẹ rị ịsa, di o re hú enyi nị. Ịsa ọnị ọ vavọọ rị avọọ ộ sị ụkata yọ ka ọ̀ zụ zị ụsẹ mẹ ẹkụhị ẹbẹẹva ọọdụ ọnịrị ịrahụ, pooro dọ ọ va na ngụ ịnị ataba Ohomorihi ana aā hị́ Ịhọrẹbị.

2 Ohinọyị 6:22

Dị Erisa ka, Heyiye! Ọza ẹ yị ma wụ̀ isoja ọnị ọ za eyi ịrẹkụ. Ọ kà, ọ̀ si ịsọyịrị ọnịrị enyi yị wa dị ẹ̀ rị ọ. Ẹ̀ẹ sị ịsa rị dị ẹẹ ka ọga ẹnịnịị na.

Ọyịkụra 24:12

Dị Ẹnẹyịmavara kà Imosiisi ọ̀ hịrẹ vẹ ịrẹsụ ataba dị ọ̀ va yà ịzọọ nị. Ọ kà ọnị aa sị ịrẹta ẹẹva ọnị ọnị chẹrẹ ọda ẹnẹẹ tụ́ yọ dị ọ̀ sị naa kọ aza ẹnẹẹ.

Ọyịkụra 24:15

Imosiisi mẹ̀ hịrẹ ataba na, di eguhi và kú ataba ọnọọ nị.

Ọyịkụra 24:18

Di Imosiisi ngụ eguhi ọnọọ ọ màa hịrẹ nọ ịnị ataba ọnọọ nị. Dị ọ vavọọ yà ịnị ataba ịzọọ ọọdụ ọnịrị ịrahụ ẹkụhị ẹbẹẹva nị.

Ọyịkụra 31:18

Ịjị Ẹnẹyịmavara raà kà avaba ịrẹyị anị yị Imosiisi ịrẹsụ ataba Ịsịnayị, dị ọ sị ịrẹta ẹẹva ẹnẹẹ ọnị ọ sị ụvọ anị chẹrẹ ọda ẹnẹẹ tụ́, dị ọ sị yị Imosiisi nị.

Ọyịkụra 32:1

Anisirẹrị ệ jẹẹ iruvo ataba zi Imosiisi pooro, ee kii ku Imosiisi o yi chi hụụnị ataba vẹ. Dị ẹ va kụ́ ẹngụ ne tù Eerọnị dị ẹ ka, “Kwẹẹtẹ wa mẹ ori yị vị ẹ̀ kụ́ yị ya na, agụvị ka yẹ yị yẹ ịsị ẹ mẹ Imosiisi ana vịdị kụ́ yị hụrẹ Ijipiti aa vẹ.”

Ọyịkụra 34:28

Imosiisi ọnịrị Ẹnẹyịmavara ê hi ịrẹsụ ataba ịzọọ ọọdụ ọnịrị ịrahụ pooro mẹ ẹkụhị ẹbẹẹva. Imosiisi ọ yị rị ịsa, o yi hú enyi. Dị ọ sị ọparị ẹnẹẹ ana a sị ịrẹta bẹ, dị ọ chẹrẹ ịrẹyị oni Ohomorihi ọnịrị Anisirẹrị ka tịtẹ tụ́ ọ nị. Ịrẹyị ẹnẹẹ ọ vị ọda ẹẹwụ oni Ohomorihi mẹ yị wa nị.

Imatiwu 4:2

Ịjị Ijeesu sị awẹ ba ẹkụhị ẹbẹẹva ọọdụ ọnịrị ịrahụ, dị ụngwẹ aa kụ̀ ọ nị.

Anigaratiya 4:24

Avaba ẹsẹnị vị ene e si che ụhịrẹyị. Anẹẹ ẹyịva ẹnẹẹ vị ana jẹẹ yị oto ẹẹva oni Ohomorihi wo. Ihaga ana vị ọrịhị vị ana jẹẹ yị oto oni Ohomorihi wo ịrẹsụ ataba ana aā hị́ Ịsịnayị. Yẹ ka ezi ọrịhị ọnọọ vị ana a ma tụ́ ịnị ọrịhị.

Iwe Ọhụhị Imosiisi ana aa hị́ Ọyịvatụrọda 8:3

Ộ mẹ ka ụngwẹ ọ̀ kụ̀ wụ nịnị, dị ọ̀ rẹ sị ịsọyịrị ana a hị́ Imana yị wụ nịnị. Ohiku ẹnịnị ẹ yị vịdị rị ẹngụ ịsa ọnọọ daa Ẹnẹyịmavara vene si ka ẹ yẹ ka ịsọyịrị kẹnẹ ọ zụ sị ọza vị ọza ayị vị avaba ịrẹyị ọnị ọnị ka.

Iwe Ọhụhị Imosiisi ana aa hị́ Ọyịvatụrọda 9:11

Hịịn, ịrẹma ọọdụ ọnịrị ịrahụ ẹbẹẹva ọnọọ, Ẹnẹyịmavara ộ sị ọparị ịrẹta ẹẹva ẹnẹẹ ọnị ọ chẹrẹ oto ọnọọ tụ yị mị.

Iwe Ọhụhị Imosiisi ana aa hị́ Ọyịvatụrọda 9:15

Ịzẹyịza mâ varẹma, di mi chi hụụnị ataba aa vaachi nị. Mâ sị ọparị ịrẹta ẹẹva ana a chẹrẹ oto Ẹnẹyịmavara hi rị ụvọ. Ịra vị anaa dà wụụrụ ịnị ataba ọnọọ.

Iwe Ọhụhị Imosiisi ana aa hị́ Ọyịvatụrọda 9:18

Mâ rẹ vana vaku ẹtẹ ọvịdị Ẹnẹyịmavara ọọdụ ọnịrị ịrahụ ẹbẹẹva; mẹ yị rị ịsa ọnyọọnyị, mẹ yị re hú bẹẹ. Agụvị ka wa raa rị ịvị Ẹnẹyịmavara, wâ mẹ ayị kụ́ ọ nịnị mị maanị sị mẹ nị.

Anihiburu 9:4

Ịsị a rẹ kụ́ hi ịnị ọnọọ yị: ụta ana a sị igooru mẹ ịzị a yàā rị eturare ịraa yị Ohomorihi, ọnịrị apoti ana aā hị́ apoti oto Ohomorihi ana a sị igooru kú avaba ịrẹma anị. Ini apoti ọnọọ â nyị ụnọkọ ana a sị igooru mẹ, dị a sị ịsọyịrị ana aā hị́ ịmana tụ́ ịnị ụnọkọ ọnọọ nị. Okutẹ Eerọnị ene nyị avị beri ịrẹta ẹẹva oni Ohomorihi chẹrẹ ọda tụ́ ịnị anị, rẹ yà ini apoti ọnọọ.