Iwe Ọhụhị Imosiisi ana aa hị́ Ọyịvatụrọda 9:7 - IWE ỌNỊNỊ

⁷ “Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị.

Iwe Ọhụhị Imosiisi ana aa hị́ Ọyịvatụrọda 9:7 ပူးပေါင်းရင်းမြစ်များ

Ọyịkụra 14:10

Ịjị Anisirẹrị nịnị re ka Ihwarawo ọnịrị Anijipiti aa dụ ẹnịị vẹ, dị angwa ee hí wa, di e nowu na za Ẹnẹyịmavara nị.

Ọyịkụra 14:11

Dị ẹ hị́ Imosiisi dị ẹ ka, “Aanị ka ẹ yị nyị ikuta hi Ijipiti? Sị ẹ vẹ dị ụ kụ́ yị vẹ ịnị ụnọmị ịzẹnị ka wa va wụ yị? Sị ụ mẹ dị ụ kụ́ yị hụrẹ Ijipiti aanị?

Ọyịkụra 16:2

Dị avaba Anisirẹrị yà ịnị ụnọmị ịzọọ dị ẹ yaa rị ihuhuu hi Imosiisi ọnịrị Eerọnị nị.

Ọyịkụra 17:2

Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?”

Ọyịkụra 23:21

Sị ụtọ pè e dị waa wụ́ ịrẹyị anị nịnị. Asị ụ na kụ̀ hịrẹ ẹ nịnị. Wàa na kụ̀ hịrẹ ẹ nịnị, ọ yị vaa vàa hụụnị anị, agụvị ka ẹma tụ̀ ọ nị.

Ayịsaya 48:8

Ẹnẹyịmavara kà ọnị ọ yẹ ka ẹnịnị ẹ yị wụra sị ayị tụra. Â yẹ wa ka anakamawụ ẹ vị hụrẹ ẹtẹẹtẹ nị. Agụvị avọọ ẹ yị wụ́ ịrẹyị ọnọnị vụrụ-vụrụ nị. Ẹnịnị ẹ sị ụtọ kụ ahị ịrẹyị anị.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 32:30

Ẹnẹyịmavara kà hụrị ụmẹ ọnị Anisirẹrị ọnịrị Anijuda sị nyima ẹhẹ ẹnịnị, ayị anị é yi hine tu wa. Avaba ịsị ẹnịnịị mẹ vị ẹnẹ ẹ sịị mẹ ayịị kụ ọnị pooro.

Ijeremaya 44:9

Ọ kà, vị́ ayị wee hí wu nịnị ịsa odivi ọnị ohiku awụ nịnị mẹ ẹkụra ene hi Ijuda ọnịrị oze ene hi Ijerusarẹmị nị? Vị́ ayị wee hí wu nịnị ịsa edivi ọnị ẹwụrị ohinọyị Ijuda nịnị beri ese wu nịnị mẹ ịzọọ nị.

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Ezikẹẹrị 20:43

Ụ vaa tamayị avaba ịsị ọnị ụ mẹ̀ ọnị ụ sị ngụ ẹngụ awụ nịnị agụ, dị ịhyẹrẹ ẹngụ awụ nịnị aa nyị wụ nịnị, agụvị avaba ịsị odivi ọnị ụ mẹ nịnị.

Ezikẹẹrị 20:8

Ẹnẹyịmavara kà, ama ẹnịnị ệ si eyi wụ ọnị, ẹ́ yị saasa ịrẹyị anị. Ẹnịnị ẹ́ yị và ori ẹnịnị ha; ẹnịnị ẹ́ yị sị ụvọ hụụnị ịrẹyị ori Anijipiti nịnị. Ọnị ô tenyi ẹngụ ka ọnị aa sị ọyịkụ anịị zụ̀ wa ẹtẹ Ijipiti ụmẹ avọọ.

Ezikẹẹrị 36:31

Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị.

Ịrịka 11:4

Anikinami nịnị ana saasa Anisirẹrị nịnị ẹ kwẹẹtẹ aa ha ọhọha ịsọyịrị, dị Anisirẹrị nịnị ẹnị ree sụ ùnè ka ẹnị e yi re uye rị.

Ịrịka 14:22

ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Ịrịka 17:10

Dị Ẹnẹyịmavara kà a yị Imosiisi ka ọ̀ sị okutẹ Eerọnị tụ́ ịnị ajẹngụ ọvịdị apoti oto. Ịsa ana mẹ̀ aanị vaa ka aza anaā rị uhuhu hi ọnị ọnọ ka ẹ za avọ hi agụvị asị ọnị vu wa ẹtẹ.

Ịrịka 21:5

Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ.

Ịrịka 25:2

Dị anẹẹ ẹnẹnị hị́ anọrụ ẹnẹẹ vẹ ịnị eche ọnị ẹẹ̄ mẹ̀ ịsọvọ yị ori ẹnịnị nị. Dị anọrụ Anisirẹrị ẹnẹẹ ne beri wa rị ịsa, dị ẹ hẹkẹ ori ẹnịnị nị.

1 Anịkọrịntị 15:9

Eme weyi hu keekere ịnị avaba ezirẹma Ijeesu nịnị nị. Mẹ yị hyakụ yà ọza anaa vọrọ ka àa hị́ ezirẹma Ijeesu, agụvị ka mâ sị ụya rị ịragụ Ohomorihi.

Anẹhwẹsọsị 2:11

Ẹwụ nịnị ana ahịka ayị vị Aniju ọ ma, tamayị ka wẹ yị vịdị vị aza Ohomorihi nịnị! Agụvị avọọ Aniju nịnị vị anaā hị́ ẹngụ ẹnịnị aza anaā jị ụvẹvẹnẹ; ama ẹwụ nịnị vị ẹnẹ ẹẹ̄ hị́ aza ẹnẹ ẹ̀ yị mā jị ụvẹvẹnẹ. Ụvẹvẹnẹ ọnọọ, ụvọ aza sị jị ọ tụ́ ịnị ẹngụ ẹnịnị nị.

Iwe Ọhụhị Imosiisi ana aa hị́ Ọyịvatụrọda 31:27

Imosiisi kà ọnị ọ̀ yẹ ayị ọkatẹngụ ẹnịnị. Ẹnịnị ệ mẹ̀ akamawụ hi Ẹnẹyịmavara eyi anị. Ọnị ọ yẹ ka ịrẹma ọnị ọnị wusu o ve divi huu nị.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Iwe Ọhụhị Imosiisi ana aa hị́ Ọyịvatụrọda 9:24

Imosiisi kà hụrị ụmẹ ọnị sị yẹ wa ẹ hụrẹ aa mẹ akamawụ hi Ẹnẹyịmavara nị.

Iwe Ọhụhị Imosiisi ana aa hị́ Ọyịvatụrọda 9:4

Ịjị Ẹnẹyịmavara ọ vavọọ ra dụ wa jịnẹ hụụnị ẹtẹ ọnọọ, asị ọza ọnyọọnyị rò o ka ọnị ọ vavọọ ya nị, Ẹnẹyịmavara vị ana dụ wa jịnẹ kwooze yị wụ nịnị agụvị ebira odivi ẹnịnị.