Iwe Ọhụhị Imosiisi ana aa hị́ Ọyịvatụrọda 9:5 - IWE ỌNỊNỊ

⁵ Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 9:5 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 15:16

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.

Oyinyima 15:7

Di Ohomorihi re kà a yị Abụramị dị ọ ka: Ọnị vị Ẹnẹyịmavara ana sị ọ hụrẹ ẹkụra Ọọrị ịnị ẹtẹ Anikaridi vẹ ka ọnị ọ̀ va sị ẹtẹ ọnọnị yị ọ dị ọ̀ kụkụ vị aanị nị.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 28:13

Di o re re ka Ẹnẹyịmavara ộ jẹẹ pè ọnị dị ọ ka: Ọnị ọ̀ vị Ẹnẹyịmavara ana vị Ohomorihi Abụrahamị ada anị ọnịrị Ayiziiki. Ọ kà ẹtẹ ọnị ọ hụtụ tụ́ aanị, ọnịrị ezi anị ọnị sịị yị nị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ezikẹẹrị 20:14

Ama ọnị ộ hụ agụvị ka a va sị ịrẹha anị sìsí ẹtẹ ọvịdị avaba anẹkụra ọnị ọnị kụ Anisirẹrị nịnị hụrị Ijipiti, ọnị ộ za avọ hi.

Ezikẹẹrị 36:22

Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị.

Ezikẹẹrị 36:32

Ẹnẹyịmavara kà, ọnị ee sì ka ẹwụ nịnị Anisirẹrị ọ̀ yẹ ka, ẹ́ yị vị agụvị awụ nịnị ọnị vaa mẹ avaba ịsa ẹnẹnị o. Ọnị ee sì ka ụhị ịsa ọnị waa mẹ ọ̀ nyị wụ nịnị.

Ireevi 18:24

À sị ẹ sị ịsị ẹnẹnị ọnyọọnyị du ẹngụ ẹnịnị ẹngụ, agụvị ka ịsị anẹkụra ọnị ọnị aa dụụ kwooze yị wa aanị aa mẹ ene si du ẹngụ ẹnịnị ẹngụ ọ vị ọnọọ nị.

Ireevi 18:25

Ịsị ẹnẹnị ẹnẹ yaa mẹ e sị du ẹtẹ ẹnịnị ẹngụ ana mẹ ka ọnị Ẹnẹyịmavara ọ̀ sị ụya rị ọ agụvị ebira odivi ọ nị aza ana ra hi ịzọọ aa mẹ nị. Dị ẹtẹ ẹnịnị dụ aza ana ra ịnị anị hi ẹhẹ anka ọza mẹẹ hẹ̀rẹ ịsọyịrị avọọ nị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Odeyi 3:25

Ozi ọnịsẹ nịnị ụ vị nịnị nị. Wâ nyị tụ́ ịnị oto oni Ohomorihi wo yi ohiku awụ nịnị. Oto ọnọọ ọ vị ka Ohomorihi ộ kà a yị Abụrahamị ka: ‘Ini oze ozi ewu mị vaa zịị mẹ ka ò zé yị avaba anẹhẹ nị.’

Aniroomi 11:28

Aniju nịnị ẹyị dọ enube ọyịza, agụvị avọọ ẹnịnị ẹ sị vara ọnịvị Ohomorihi, dị ọnọọ vị ọgụ yị ẹwụ nịnị nị. Ama agụvị ka Ohomorihi ọ sị wa nyị, ẹnịnị yị vị ọta Ohomorihi agụvị ịrẹyị ohiku ẹnịnị.

Aniroomi 15:8

Mâ kà a wụ nịnị ka Ikirisiti ọ va gụ Aniju nịnị ụvọ, agụvị dị ọ̀ zụ sị zụ̀ ka Ohomorihi vị ọnịzẹyịza. Ayị zụ nyị ka ọyị vaa mẹ̀ ịsa ọnọọ kà a yị ohiku Aniju nịnị ka ọnị vaa mẹ.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 12:31

A sị ụ hẹkẹ Ẹnẹyịmavara Ohomorihi awụ nịnị anka ẹ mẹẹ hẹkẹ ori ẹnịnị. Ẹ̀ẹ yaa hẹkẹ ori ẹnịnị, ịsa ọhịmị-ọhịmị anaā nyị Ẹnẹyịmavara ịhyẹrẹ ẹẹ mẹ nị. Ezi ọnọrụ ẹnịnị ọnịrị anẹẹ vị ẹnẹẹ rị ịraa yị ori ẹnịnị.

Iwe Ọhụhị Imosiisi ana aa hị́ Ọyịvatụrọda 18:12

Ẹnẹyịmavara Ohomorihi awụ nini e yi sì ịrẹyị aza anaa mẹ ẹngụ ịsa anaa nyị ọza ịhyẹrẹ aanị. Agụvị ẹngụ ịsa edivi ẹnẹnị ọyịmẹ̀, Ẹnẹyịmavara Ohomorihi awụ nịnị aa sịị dụ anẹkụra ẹnẹẹ kwooze ụ maa na nịnị aanị nị.

Iwe Ọhụhị Imosiisi ana aa hị́ Ọyịvatụrọda 18:9

Ịjị ụ waa va sị ngụ ịnị ẹtẹ ọnị Ẹnẹyịmavara Ohomorihi awụ nịnị aa vaa sịị wụ nịnị, a sị ụ hama anẹkụra ẹnẹẹ mẹ̀ ịsa ẹnẹ yaa mẹ anaa nyị ọza ịhyẹrẹ avọọ o.

Iwe Ọhụhị Imosiisi ana aa hị́ Ọyịvatụrọda 20:18

Imosiisi ka Anisirẹrị nịnị ẹ wụ̀ wa bemi-bemi agụvị asị ẹ zụ wa ịsa odivi ọnị ẹ ya mẹ hẹkẹ ori ana va mẹ̀ ka ẹnịnị ẹ rị ịvị Ẹnẹyịmavara.

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.