Iwe Ọhụhị Imosiisi ana aa hị́ Ọyịvatụrọda 9:3 - IWE ỌNỊNỊ

³ Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ.

Iwe Ọhụhị Imosiisi ana aa hị́ Ọyịvatụrọda 9:3 ပူးပေါင်းရင်းမြစ်များ

Ọyịkụra 23:23

Anggẹẹrị amị vaa tụ́ ọvịdị awụ nịnị dị ọ kụ́ wụ nịnị na ngụ ịnị ẹtẹ anị Anamọrị ọnịrị Anihiti ne beri Aniperizi ọnịrị Anikenaani na vaka Anihivi ọnịrị Anijebusi ra hi ịnị anị. Ẹnị vị ẹnị ẹmị vaa dụụ hụụ ịzọọ.

Ọyịkụra 24:17

Anisirẹrị nịnị vi ene ee re eguhi igirima Ẹnẹyịmavara ọnọọ anka ịra ana aa rị ịra ịrẹsụ ataba ọnọọ avọọ.

Ayịsaya 27:4

Ayị ụbazị amị ọ yị kụkụ kụ́ mị ama mèe re ikeyi ịnị anị ana vọrọ ka ẹmịrịị ọ̀ kụ̀ ịrẹkụ, dị mị rị ikeyi ẹnẹẹ ịra va ha.

Ayịsaya 30:27

Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.

Ayịsaya 30:30

Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Imatiwu 15:10

Ijeesu ộ hị́ ọkọnị aza gụ, dị ọ kà a yị wa ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị!

Ịmaakị 7:14

Ijeesu ộ hị́ avaba ọkọnị aza gụ, dị ọ ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị!

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Iwe Ọhụhị Imosiisi ana aa hị́ Ọyịvatụrọda 1:30

Ẹnẹyịmavara Ohomorihi ẹnịnị ya ọvịdị ẹnịnị aa na ịzọọ, ọ vaa vụ ịrẹvụ yị wa anka ẹnịnị me ree ịsị ọ mẹ ẹtẹ Ijipiti,

Iwe Ọhụhị Imosiisi ana aa hị́ Ọyịvatụrọda 20:1

Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.

Iwe Ọhụhị Imosiisi ana aa hị́ Ọyịvatụrọda 20:4

Ẹnẹyịmavara ana vị Ohomorihi awụ nịnị vaa saasa awụ nị kụ ịrẹkụ dị ụ nyị ẹbẹẹba ọnịvị awụ nịnị.

Iwe Ọhụhị Imosiisi ana aa hị́ Ọyịvatụrọda 4:24

agụvị ka Ẹnẹyịmavara Ohomorihi ẹnịnị sị mẹ anka ịra akịna avọọ. Ọọ kụ ụhị nị.

Iwe Ọhụhị Imosiisi ana aa hị́ Ọyịvatụrọda 7:16

“Re ka avaba anẹkụra ọnị Ẹnẹyịmavara Ohomorihi awụ nịnị ọ̀ọ sị ụkata wụ ka we vu ẹtẹ, wee vu wa ẹtẹ nịnị; à sị ụ vayị ẹnịnị. Àsị u hẹkẹ ori ẹnịnị, agụvị ka ọ va vị ẹngụkata odivi yị wụ nịnị.

Iwe Ọhụhị Imosiisi ana aa hị́ Ọyịvatụrọda 7:22

Ẹnẹyịmavara Ohomorihi awụ nịnị vaa dụ anẹkụra ẹnẹnị cheeche kwooze eyi awụ nịnị nị. Ọ yị vaa vu wa ụpẹ ọnya wumi agụvị ka uye ịnị avị vaa sị rụrụ kara wụ nịnị.

Iwe Ọhụhị Imosiisi ana aa hị́ Ọyịvatụrọda 9:6

Ẹnịnị ệ vavọọ yẹ ka Ẹnẹyịmavara ẹ yị sị ẹtẹ ozoza ọnọnị yị ẹnị agụvị ka ê mẹ̀ ẹtẹẹrẹ. Eyiyee, Anakamawụ ẹnịnị vị nịnị nị.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

Anihiburu 12:29

Ohomorihi ayị vị ana sị mẹẹ anka ịra anaā rị avaba ịsa ịra avọọ.

Ijosuwa 11:12

Avaba ẹkụra ẹbanyị-ẹbanyị ẹnịnị ẹnịrị ohinọyị ẹnịnị vị ọnị Ijosuwa vú ẹtẹ anka Imosiisi ọnụtụ Ẹnẹyịmavara mẹ vịdị ka tịtẹ. Ẹ yị nyị ịsa ana vọ ọnị Ijosuwa ẹ yị mẹ.

Ijosuwa 11:8

Ịzẹyịza, dị Ẹnẹyịmavara za isoja ẹnẹẹ chire Anisirẹrị ụvọ, Ẹnịnị e huuna wa, dị ẹ dụ wa na ngụ oze Ịsịdọnị ọbanyị ọnịrị oze Imisirehwoti-Imayimi, huu na ngụ inozi Imizipe; va nyị ọza ana ha ịnị ẹnịnị vụrụ-vụrụ.

Ijosuwa 14:12

Dị ọ ka Ijosuwa ọ sị ẹtẹ ịrẹsụ ataba ọnị Ẹnẹyịmavara kà ọ vị anị yị ọnị, Ẹnẹyịmavara vaa gụ ọnị ụvọ dị ọ dọ aza ene hi ịzọọ ẹtẹ anka o me wo oto yị ọnị. Dị ọ ka aa vị eyi Ijosuwa aza ana vọ e juwe ajịmasị ana ra hi ịnị ẹkụra ẹbanyị-ẹbanyị ana jị ọvọ kara.

Ijosuwa 3:11

Avọọ apoti oto Ananyị yị ana nyị avaba ẹhẹ vaa dọ ọvịdị ẹnịnị na gụ irehu Ijodani.

Ijosuwa 3:14

Ịzẹyịza, dị Anisirẹrị nịnị kwẹẹtẹ hụụ ịzị ẹ ya dị ohirẹsụ irehi Ohomorihi nịnị sị apoti oto tụ́ ọvịdị ẹnịnị aa na nị.

Ọdọvịdị 4:14

Ịjị Idebora re wa kẹnẹ, di o nowu ka Ịbarakị ọ kwẹẹtẹ ka ajịnị Ẹnẹyịmavara aa sị Isisera chire e ụvọ nị. Ẹnẹyịmavara ya ọvịdị ẹnịnị aa nọ ịrẹkụ. Agụvị avọọ dị Ịbarakị chi hụrị ịrẹsụ Ataba Ịtabọ, dị isoja akawụ-akawụ oze ẹẹhị saasa a nọ ịrẹkụ nị.