Iwe Ọhụhị Imosiisi ana aa hị́ Ọyịvatụrọda 9:12 - IWE ỌNỊNỊ

¹² Dị Ẹnẹyịmavara va ka ẹ yị Imosiisi ka ò chi hụrẹ ịrẹsụ ataba obobooro ọnọọ nee tu aza anị ọnị ọ kụ́ hụrẹ Ijipiti vẹ. Ẹnịnị ẹ raà mẹ̀ ebira odivi ene du wa ẹngụ. Ẹ sị va hụụnị ịsa ọnị ọnị mẹ ọda anị yị wa. Ẹ sị ori mẹ yị ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 9:12 ပူးပေါင်းရင်းမြစ်များ

Ahẹ Ụgama 78:57

Ẹnịnị ọnị ẹ yị rẹ sị ịnẹ yị Ohomorihi, ẹ yaa mẹ̀ ebira ohiku ẹnịnị Ẹnịnị vị ana sị mẹẹ anka ọpa ana rara avọ, ọza ọ yị zụ sị ayị tụra wa.

Ọyịkụra 13:3

Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù.

Ọyịkụra 32:1

Anisirẹrị ệ jẹẹ iruvo ataba zi Imosiisi pooro, ee kii ku Imosiisi o yi chi hụụnị ataba vẹ. Dị ẹ va kụ́ ẹngụ ne tù Eerọnị dị ẹ ka, “Kwẹẹtẹ wa mẹ ori yị vị ẹ̀ kụ́ yị ya na, agụvị ka yẹ yị yẹ ịsị ẹ mẹ Imosiisi ana vịdị kụ́ yị hụrẹ Ijipiti aa vẹ.”

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Anigaratiya 1:6

Ho! Ịrẹyị awụ nịnị ọ́ọ da hí mi irenu kẹnẹ! Wáa wụsẹ jịnẹ sị và hụrẹ ịrẹma Ohomorihi ana hị́ wụ nịnị ini oze ayamva Ikirisiti, ụ kụkụ aa dụ enube ọsa.

Iwe Ọhụhị Imosiisi ana aa hị́ Ọyịvatụrọda 31:29

Ọnị ọ yẹ ka ịrẹma ọnị ọnị wusu, ẹnịnị vee divi, di e yi avaba ịrẹyị ọnị ọnị ka yị wa tịtẹ. Ọ vavẹ ịrẹma ẹngụkata vee tù wa agụvị ka ệ mẹ̀ ịsa ana vị enyisi ana kụ́ Ẹnẹyịmavara ayị.

Iwe Ọhụhị Imosiisi ana aa hị́ Ọyịvatụrọda 32:5

Ama ẹwụ nịnị ọ raa rị ịvị Ẹnẹyịmavara nịnị, ebira odivi awụ nịnị wẹ yị kụkụ vị ezi anị nịnị. Ụ me divi avọọ ụ mẹ vị enevene nịnị nị.

Iwe Ọhụhị Imosiisi ana aa hị́ Ọyịvatụrọda 4:16

Asị ẹnịnị mẹ̀ ebira odivi na ku ịsa ẹnyẹnyị jẹẹ dị ọ vị ori ẹnịnị, dị ọ hyakụ ve vene ọnọrụ a vị ọnẹẹ,

Iwe Ọhụhị Imosiisi ana aa hị́ Ọyịvatụrọda 5:15

Tamayị ka ọrịhị ụ vịdị vị ịnị Ijipiti nịnị, dị Ẹnẹyịmavara Ohomorihi vaa sị ụkata anị tụ jịnẹ tụ́ ẹhẹ hụrị ịzọọ; avọọ Ẹnẹyịmavara mẹ ọda ka aa sị ẹkụhị ọnọọ hẹkẹ ọnị nị.

Iwe Ọhụhị Imosiisi ana aa hị́ Ọyịvatụrọda 9:16

Mê re ka wa raa jịnẹ ọda ọnị Ẹnẹyịmavara Ohomorihi awụ nịnị mẹ yị wụ nịnị. Mê re ka wa raa rị ịvị anị nịnị agụvị ka wa raa sị enyusẹ me ori yị ẹngụ awụ nịnị, ori ọnọọ vị ana sị mẹẹ anka ozi ụnọ avọọ.

Iwe Ọhụhị Imosiisi ana aa hị́ Ọyịvatụrọda 9:26

dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị.

Iwe Ọhụhị Imosiisi ana aa hị́ Ọyịvatụrọda 9:29

Ama aza anị ọnị ộ nyị ẹ vị nị. Ọnị ộ sị ụkata anị kụ wa jịnẹ hụrẹ Ijipiti nị.

Ijudi 1:10

Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị.

Ọdọvịdị 2:17

Ẹnẹyịmavara mẹ maanị ẹ̀ wa, ẹnịnị ẹ yị wụ́ chire ọdọvịdị ẹnịnị nị. Ẹnịnị vị ana yịị dụ ori zị, dị ẹ yaa hẹkẹ wa. Ẹ ra va hụrẹ ịrẹma ohiku ẹnịnị ana saasa ọda Ẹnẹyịmavara. Ẹnịnị ẹ yị hama wa vụrụ-vụrụ.