Iwe Ọhụhị Imosiisi ana aa hị́ Ọyịvatụrọda 8:8 - IWE ỌNỊNỊ

⁸ Ẹtẹ anaā mẹ̀ ihwiti, ibaari, ịvayịnị ọnịrị Ipomegiraneti, ọchị orivi ne beri ẹhụ.

Iwe Ọhụhị Imosiisi ana aa hị́ Ọyịvatụrọda 8:8 ပူးပေါင်းရင်းမြစ်များ

Oyinyima 49:11

Ọchị ịvayịnị awụ vaa rụrụ pooro, dị ahịka vị ụ kụkụ aa za ịkẹrịkẹtẹ ọnị waa tụra zụ tụ́ ịnị ọchị ịvayịnị ene zoza hu nị. Eche ịvayịnị awụ ọnọọ vaa rụrụ pooro dị ahịka eche waa sịị nyịna ịta nị.

2 Ịsamụwẹrị 4:6

Di Irekabi nịnị ngụ ịnị ịnẹ eehi na, dị ọ sị mẹẹ ka vị ẹ yaa naa ká akụ nị.

1 Ohinọyị 5:11

Di Isoromọnị kụ́ ihwiti ịgarụwa akawụ-akawụ oze ẹchẹhị tụra ohurẹẹwụ tụra ịhịmba rị ẹjịjị na yi Ihirami nị. Dị ọ rẹ kụ́ angwẹ ịgarụwa ozoza ịrẹka tụra ẹtarẹwụ achị ẹẹhị na yọ nị. Avọọ Isoromọnị mẹ̀ẹ kụ́ ịsa na yi Ihirami ịrayị-ịrayị nị.

2 Ohinọyị 18:32

Ọ vavọọ vaa navọ wụ nịnị pooro naa ngụ Ịjị ohinọyị ọ̀ọ raa kụ wụ nịnị ne hi ẹtẹ ana si mẹẹ anka ẹtẹ awụ nịnị. Ịzọọ aa nyị ụbazị ịvayịnị ọnị ụ vaa sị mẹ eche nịnị, ọnịrị ayị ọnị ụ vaa sị mẹ ịbụrẹdị nịnị. Ẹtẹ ọnọọ ộ nyị ọchị orivi, angwẹ orivi, ọnịrị ẹhụ. Wàa mẹ ịsị ọ kà nịnị, we yi vee su, ama ụ vaa yara nịnị. Àsị u zẹẹ ka Ihezekaya ọ̀ kụ wụ nịnị nyeeyi, di u wee ro ka Ẹnẹyịmavara vaa dọ wụ nịnịị ha.

Ahẹ Ụgama 147:14

Ọ yị zẹẹ ka aza ana kara wụ nịnị ẹ̀ kú ịrẹkụ re tù wu nịnị, di aa sị ịsọyịrị ana aā hị́ ihwiti ene zozaa wụ nịnị nị.

Ahẹ Ụgama 81:16

Ohomorihi ka ama ọnị vaa sị ịsọyịrị ene zoza hu anaaa hị́ ihwiti dị ọnị sị yị ẹwụ. Dị ahịka ẹhụ ịnị akakana ịda ọnị sị wụ ka wa rị ọ nị.

Ayịsaya 7:23

Ịnị ụmẹ ọnọọ ịzị ọchị ana aā hị́ ịvayịnị akahị vịdị hi, dị ẹkẹhị tụ̀ ẹkẹhị enyusẹ-enyusẹ ẹnya ịrẹsụ ẹvarẹwụ, ikeyi-ikeyi kẹnẹ e kuku vee hi ịzọọ nị.

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 5:17

Ịsa ọnị ụ mẹ tụ ịnị aarẹ ọnịrị ịsọyịrị awụ nịnị vị ọnị ẹnịnị vee duu ha. Ezi ọnọrụ awụ nịnị ọnịrị ezi anẹẹ awụ nịnị vị ẹnẹ vaa wụ̀ vàa ha. Ịsụpa awụ nịnị vị ọnị e vee vú ẹtẹ beri ọchị ịvayịnị ọnịrị ọchị ihwigi awụ nịnị. Ẹkụra awụ nịnị ana jị ọvọ kara ọnị ụ vavọọ aa tụra eyi nịnị avọọ vị ọnị isoja ẹnịnị vee vú ẹtẹ.

Ezikẹẹrị 27:17

Anijuda ẹnịrị Anisirẹrị nịnị ee pe wu nịnị sẹ ohu. Ịsọyịrị, ẹhụ, angwẹ orivi, ọnịrị ahọ̀nọ ẹ sị vaa hị́ ịsa ịdị awụ nịnị nị.

Ihoseya 2:22

dị ẹtẹ mẹ̀ akụ, dị Igirepi ọnịrị orivi tụ́ hi ẹtẹ ịnozi Ijezirẹẹrị.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Imika 4:4

Ọzọza vaa ra ịnị ẹngwọọrọ. Dị ẹ yaa rị ịsa ịnị aarẹ ịvayịnị ọnịrị ihwigi ẹnịnị. Ẹ yị nyị ọza ene vee chẹrẹ wa angwa. Ẹnẹyịmavara Ochẹtẹẹngụ ọ vavọọ wo oto ọnọnị nị.

Ihabaku 3:17

Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Ịrịka 13:23

Ịjị ẹ va ngụ inozi Esikori, dị ẹ da avọ́ Igirepi. Dị aza ẹnị ẹẹva sị ọchị za tụra ịza nị. Dị ẹ rẹ sị Ipomegiraneti ọnịrị uhwigi vaka a vẹ nị.

Ịjọọnụ 6:13

Agụvị avọọ dị ẹ kụ́ ana vọ gụ nị. Ana vọ ịnị Ịbụrẹẹdị ẹẹhị ana aza ẹnẹẹ rị, vị ohihi uji ẹwụrẹva.

Ịjọọnụ 6:9

“Â nyị ozi ọnọrụ ọnya ịzẹnị ana nyị Ịbụrẹẹdị ẹẹhị beri ivovo ẹẹva. Ama ịzị ẹsẹnị daka tù ịnị ọkọnị aza ẹnẹnị?”

Iwe Ọhụhị Imosiisi ana aa hị́ Ọyịvatụrọda 32:13

Ọnị ộ mẹ̀ ka ẹnịnị ẹ vị ohinọyị tụra anẹkụra ene hi ịrẹsụ ataba. Dị ệ rị ịsa ịnị aarẹ anị nị. Dị ệ rị ẹhụ hụụnị ịnị akakana ịrẹka, dị ọchị angwẹ orivi nịnị aa hụ ịnị ịrẹta-ịrẹta akaha ataba nị.

Iwe Ọhụhị Imosiisi ana aa hị́ Ọyịvatụrọda 32:14

Dị Ẹnẹyịmavara ộ mẹ̀ ka ịrẹva Imaaru ọnịrị ẹvụ ẹnịnị ọ nyị enyi ẹtẹẹtẹrẹ. Dị ụ nyị atẹmẹ ọnịrị ẹvụ beri imaaru ene zoza hu nị. Avọọ ọ mẹ rẹ sị Ihwiti ozoza ọnịrị eche ene hu yị wụ nịnị nị.

Iwe Ọhụhị Imosiisi ana aa hị́ Ọyịvatụrọda 6:3

Batọ, wàa sị vụrị dị u saasa ọda ọnọọ nị, ẹhẹ awụ e zoza, dị wáa yara ịnị ẹtẹ ozoza ọnị Ẹnẹyịmavara ana vị Ohomorihi ohiku awụ nịnị hị́ eku anị yị wa.

Iwe Ọhụhị Imosiisi ana aa hị́ Ọyịvatụrọda 8:7

Ẹnẹyịmavara Ohomorihi awụ nịnị vaa sị wụ nịnị va ngụ ịnị ẹtẹ ozoza ịzị irehu, okuha ọnịrị orosi ne beri enyi iruvo ẹtẹ e si ịnị ịnozi ọnịrị ịnị ataba.

Iwe Ọhụhị Imosiisi ana aa hị́ Ọyịvatụrọda 8:9

Ịnị ẹtẹ ọnọọ, ẹ yị vaa nyị ụngwẹ, ịsa ẹ yị vaa zwọ́. Ịrẹta ene hi ịzọọ vị ịrẹta enyusẹ, dị otutu ẹnịnị vị ẹtẹ Enyusẹ Ịkọpa nị.