Iwe Ọhụhị Imosiisi ana aa hị́ Ọyịvatụrọda 8:3 - IWE ỌNỊNỊ

³ Ộ mẹ ka ụngwẹ ọ̀ kụ̀ wụ nịnị, dị ọ̀ rẹ sị ịsọyịrị ana a hị́ Imana yị wụ nịnị. Ohiku ẹnịnị ẹ yị vịdị rị ẹngụ ịsa ọnọọ daa Ẹnẹyịmavara vene si ka ẹ yẹ ka ịsọyịrị kẹnẹ ọ zụ sị ọza vị ọza ayị vị avaba ịrẹyị ọnị ọnị ka.

Iwe Ọhụhị Imosiisi ana aa hị́ Ọyịvatụrọda 8:3 ပူးပေါင်းရင်းမြစ်များ

Ahẹ Ụgama 105:40

Anisirẹrị ka ẹnị aa rị uye, di Ohomorihi kụ́ irekwose va yị wa nị. Ộ sị ịsọyịrị ihinẹba va yị wa ệ rị, ịnẹ ộ há wa.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Imatiwu 4:4

Ama dị Ijeesu tụ́ ohi, dị ọ ka, “Â chẹrẹ ẹ ka, ‘A yị vị ịsọyịrị kẹnẹ ọ zụ sị ọza yàra, ẹ̀ yị vị avaba ịrẹyị oni Ohomorihi kà.’ ”

Iruuku 4:4

Ama dị Ijeesu tụ́ ohi, dị ọ kà a yọ ka, “Â chẹrẹ ẹ ka: ‘Ẹ yị vị ịsọyịrị kẹnẹ, ọ zụ sị ọza vị ọza, ẹ̀ yị vị avaba ịrẹyị oni Ohomorihi kà!’ ”

1 Anịkọrịntị 10:3

Avaba ẹnịnị vị ana rị ịsọyịrị oni Ohomorihi sị yị wa ini oze ohyozirenu,

Iwe Ọhụhị Imosiisi ana aa hị́ Ọyịvatụrọda 29:5

Ịrayị ẹbẹẹva Ẹnẹyịmavara zụ ẹnịnị oze ịnị ụnọmị nị. Ịnị avaba ụmẹ ọnọọ achị ẹnịnị ọnịrị adava ẹnịnị e yi re vee bó za wa ẹngụ.

Iwe Ọhụhị Imosiisi ana aa hị́ Ọyịvatụrọda 29:6

Ẹnịnị ẹ yị nyị ịbụrẹdị ana vọrọ ka ẹ rị a vị eche ana vọrọ ka e hu, ama Ẹnẹyịmavara ộ ọnẹẹ avaba ịsa ọnị ẹ yee si yị wa agụvị dị ẹ kọsẹ ka Ẹnẹyịmavara ọ vị Ohomorihi ẹnịnị nị.

Iwe Ọhụhị Imosiisi ana aa hị́ Ọyịvatụrọda 32:47

Ọda ẹnịnị ẹ yị vị ịrẹyị aahị ọ vị. Ọnị ọ vị ụkata ẹnẹ ẹ vaa sị ra ẹhẹ ẹnịnị nị. Ọnị ọ zụ mẹ ka e ku orubo ịnị ẹtẹ ọnị ẹ vaa jịnẹ Okuha Ịjọdanị na dọ aanị nị.

Iwe Ọhụhị Imosiisi ana aa hị́ Ọyịvatụrọda 9:9

Imosiisi ka ọnị ộ hịrẹ nọ ịrẹsụ ataba ka ọnị na dọ ọparị ịrẹta ana a chẹrẹ oto ọnị Ẹnẹyịmavara wo yị ẹnịnị tụ ịnị anị. Ọnị ộ ya ịzọọ ọọdụ ọnịrị ịrahụ ẹbẹẹva, mẹ yị rị ịsa, me yi hú ịsa ọnyọọnyị.