Iwe Ọhụhị Imosiisi ana aa hị́ Ọyịvatụrọda 8:18 - IWE ỌNỊNỊ

¹⁸ Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.

Iwe Ọhụhị Imosiisi ana aa hị́ Ọyịvatụrọda 8:18 ပူးပေါင်းရင်းမြစ်များ

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Iwe Ọhụhị Imosiisi ana aa hị́ Ọyịvatụrọda 7:8

Ama Ẹnẹyịmavara o sì ịrẹyị awụ nịnị, dị o si ka ọnị ọ sị ahụ ku ịrẹyị ọnị ọ hị́ eku anị yị ohiku awụ nịnị nị. Agụvị avọọ ọ sị ụkata anị dọ wụ nịnị ha, dị ọ tụ̀ wụ nịnị hụụnị udi ọrịhị ọnị ohinọyị Ijipiti sị wụ nịnị tụ.

Iwe Ọhụhị Imosiisi ana aa hị́ Ọyịvatụrọda 7:12

“Wàa wụ ọda ẹnẹnị nịnị, dị ụ sị ịzẹyịza aa saasa wa nịnị nị, ịjọnọọ, Ẹnẹyịmavara, Ohomorihi awụ nịnị vaa jẹẹ ịrẹsụ oto oni o wo yị wụ nịnị. O vee sì ịrẹyị awụ nịnị pooro anka ọ́ mẹ̀ wo oto yi ohiku awụ nịnị.

Ahẹ Ụgama 144:1

Ẹnẹyịmavara ene ee sere mị ka asị a nyị ịsị ẹ zụ kanyị mị maa kụ́ wụ avọ. Ọnị ọ kọ mị, di o re tenyi mi ẹngụ ka ma zụ kụ̀ ịrẹkụ nị.

Iwe Ọhụhị Imosiisi ana aa hị́ Ọyịvatụrọda 26:10

Agụvị avọọ mị sị ịsa ịnị aarẹ ịpaapa ọnị Ẹnẹyịmavara sị yị mị va yọ aanị nị. Wàa vavọọ sị ka a, dị ụ sị uji tịtẹ ọvịdị Ẹnẹyịmavara dị ụ hẹkẹ ẹ nịnị.

Ọdọvịdị 7:2

Ẹnẹyịmavara ộ kà yị Igidiyọnị ka isoja anị ẹ sị rụrụ. Ọ kà a ẹ yị vị ụrụrụ ẹnịnị ọnị vaa sị sị Animidiya nịnị chire wa ụvọ. Ẹ yị vị avọọ, Anisirẹrị nịnị ve ro ka ẹnị nyị ụkata ọnị ẹnị sị dọ ẹngụ ẹnịnị ha nị.

1 Ịsamụwẹrị 2:7

Ẹnẹyịmavara ọ zụ mẹ ka aza ẹnyị ẹ̀ vị onosiye, dị ọsa ẹ̀ vị ọzọbanyị nị. Ọnị ọ kà aza ẹnyịị chi, dị ọ kà ọsa hịrẹ nị.

2 Ịtọpa 25:9

Ịzẹyịza, dị Amaziya họ̀ ọza Ohomorihi ọnọọ ka sị ọnị ọọ mẹ ịnị ẹkẹhị ọnị ọnị sị yị wa aanị? Dị ọ va ohi yọ ka, Ẹnẹyịmavara ọ zụ mẹ ene huna avọọ yọ.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ịrẹyị Ọzwọzịsa 12:1

Tamayị ọza ana tụ wụ vẹ ẹhẹ ịnị ụmẹ ozweyi awụ, dị unobo ọ̀ vaa vẹ, ụmẹ ọnị ụ kụkụ vaa kà a ka ẹhẹ ọ sị du wu eyi.

Oyinyima 32:14

Ộ kụ́ ọnyẹvụ ịrẹka beri ịdẹ oohu, dị ọ rẹ kụ atẹmẹ ịrẹka beri ịdẹba oohu nị.

Iwe Ọhụhị Imosiisi ana aa hị́ Ọyịvatụrọda 6:11

Irehi awụ nịnị vee hi yị ịsa irenyi-irenyi ọnị ikangga ọnị wẹ yị chị. Ụbazị awụ vee hi yị ọchị ịvayịnị ọnịrị orivi ọnị ẹ yị chire.

Iwe Ọhụhị Imosiisi ana aa hị́ Ọyịvatụrọda 8:1

“Re ka wa sị ụvọ za avaba ọda anaa ka yị wụ aanị agụvị dị wa zụ ra, dị waa rụrụ hu avọọ, dị wa na dọ ẹtẹ ọnị Ẹnẹyịmavara raa hị́ eku anị ka ọnị ọ sị yị ohiku ẹnịnị.

Ọdọvịdị 3:7

Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.

1 Ịtọpa 29:12

Ẹwaā si ogu ọnịrị ụbanyịị yị ọza nị. Ẹwaa mẹ ohinọyịị yị avaba aza nị. Ẹwa nyị avaba ụkata nị, dị ụụ̄ mẹ ka ọza ọ̀ nyị ụkata dị ọ̀ ngụrẹyị nị.

Ijeremaya 23:27

Ọ kà ụra ẹnẹ ẹ ka ẹnị ệ ra ẹnẹ maanị aa kà aanị, vị ẹnị eyee sì ka ẹnị ẹ̀ sị mẹ ka aza anị è hí ayị anị, anka ohiku ẹnịnị me hi ayị anị di ẹ naa hẹkẹ Ịbaarị avọọ.