Iwe Ọhụhị Imosiisi ana aa hị́ Ọyịvatụrọda 7:8 - IWE ỌNỊNỊ

⁸ Ama Ẹnẹyịmavara o sì ịrẹyị awụ nịnị, dị o si ka ọnị ọ sị ahụ ku ịrẹyị ọnị ọ hị́ eku anị yị ohiku awụ nịnị nị. Agụvị avọọ ọ sị ụkata anị dọ wụ nịnị ha, dị ọ tụ̀ wụ nịnị hụụnị udi ọrịhị ọnị ohinọyị Ijipiti sị wụ nịnị tụ.

Iwe Ọhụhị Imosiisi ana aa hị́ Ọyịvatụrọda 7:8 ပူးပေါင်းရင်းမြစ်များ

Oyinyima 19:16

Dị Ịrọọtị aa yịị mẹ vẹrị-vẹrị nị. Ama Ẹnẹyịmavara ộ vayị anị, dị anggẹẹrị ẹnẹẹ jị ụvọ chire ọnịrị ose anị ne beri ezi anẹẹ anị ẹẹva, dị ọ kụ́ wa jịnẹ hụụnị ẹkụra ọnọọ nị.

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

2 Ịsamụwẹrị 22:20

Ọ yị navọ ka ịsa odivi ọ̀ mẹ mị. Ọ dọ mị tụ́ agụvị ka ô sì mị.

1 Ohinọyị 10:9

Ò zee yi Ẹnẹyịmavara ana vị Ohomorihi awụ ana maanị sì wu. Ọ sị wụ ka wa vị ohinọyị Anisirẹrị, agụvị ka ô sì ịrẹyị Anisirẹrị pooro zịna-zịna. Ộ sị wụ rị ohinọyị ka waa mẹ̀ ọkarẹyị, dị wa rẹẹ mẹ̀ ịsa ana vọrọ.”

1 Ịtọpa 16:16

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

2 Ịtọpa 9:8

Ọ kà ọnị ọ́ kụ́ Ẹnẹyịmavara Ohomorihi anị avọ agụvị ka ọ raà sị zụ ayị anị mẹmẹ hine tù ọnị, dị ọ mẹ̀ ọnị ohinọyị ka ọnị sị ịrẹha mẹ̀ ịjọva tụra aza anị ịrẹsụ. Ka Ẹnẹyịmavara o sị ịrẹyị aza Isirẹrị, dị ọ sị ka ọnị o sere wa pooro zịna-zịna, dị ọ nyị Isoromọnị agụvị ọ sị ụkọ za ọda dị ọ mẹ ịzẹyịza.

Ahẹ Ụgama 105:42

Ohomorihi ộ vavọọ mẹ agụvị ka ộ tamayị ịrẹyị ọnị ọ kà yị Abụrahamị ozi ahụ anị ka ọnị vaa mẹ.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ahẹ Ụgama 44:4

Ẹwa vị́ Ohinọyị amị dị ụ rẹ vị Ohomorihi amị nị Ẹwa kà a ka aza awụ e vee huna ọnịvị ẹnịnị nị.

Ọyịkụra 13:14

Ọ kà ịnị ụmẹ ana aa vẹ, ezi ẹnịnị ẹ̀ẹ họ̀ ka sẹ vị iruvo ịsị ẹ yaa mẹ aanị dị ẹ̀ kà a yị wa. Ọ kà ẹ̀ kà a ka ụkata-ụkata Ẹnẹyịmavara sị kụ́ wa jịnẹ hụrẹ Ijipiti, ka asị ẹ kụkụ vị ọrịhị tụ́ ịzọọ nị.

Ọyịkụra 13:3

Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù.

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ayịsaya 43:4

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ijeremaya 31:3

Ẹnẹyịmavara kà ọnị ộ hụrẹ aha ẹnẹẹnẹ ve tu wa, dị ọnị ka, ẹwụ nịnị Anisirẹrị, vị ọnịị sì ịrẹyị awụ nịnị pooro kẹnẹ nị ọ. Avọọ ọnị maanị aa yịị sị zụ wụ nịnị ka ọnị oo sì ịrẹyị awụ nịnị pooro nị.

Ezikẹẹrị 36:22

Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị.

Imika 6:4

Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Imatiwu 11:26

Ọga, avọọ gẹdẹ-gẹdẹ o mè zé wu eyi nị.

Iruuku 1:55

anka ọ mẹ̀ kà a yị ohiku ayị nịnị, ana vị Abụrahamị, ọnịrị ezi anị ka ọnị vaa vayị ẹnịnị pooro zịna-zịna.”

Aniroomi 11:28

Aniju nịnị ẹyị dọ enube ọyịza, agụvị avọọ ẹnịnị ẹ sị vara ọnịvị Ohomorihi, dị ọnọọ vị ọgụ yị ẹwụ nịnị nị. Ama agụvị ka Ohomorihi ọ sị wa nyị, ẹnịnị yị vị ọta Ohomorihi agụvị ịrẹyị ohiku ẹnịnị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 10:15

Ọ nyayịnẹ sì ịrẹyị ohiku ẹnịnị, dị ọ nyị wa dị ọ navọ avaba Anẹkụra nịnị ana vọ nị. Avọọ ọ mẹ yị nyị wa pooro ve tu ajịnị nị.

Iwe Ọhụhị Imosiisi ana aa hị́ Ọyịvatụrọda 23:6

A sị ụ mẹ̀ ịsa ọnyọọnyị ana vaa gụ wa ụvọ, à vị ịsị ẹ vaa mẹ ka ò ze yị wa pooro ịnị ẹhẹ awụ nịnị.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Iwe Ọhụhị Imosiisi ana aa hị́ Ọyịvatụrọda 5:6

Ẹnẹyịmavara kà ọnị ọ vị Ohomorihi ẹnịnị ana tù wa hụrẹ Ijipiti ịzị ẹ vịdị vị ọrịhị tụ́ nị.

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.