Iwe Ọhụhị Imosiisi ana aa hị́ Ọyịvatụrọda 7:7 - IWE ỌNỊNỊ

⁷ Ẹnẹyịmavara sì ịrẹyị wụ nịnị kẹnẹ, dị ọ nyị wụ ka wa vị aza anị nị. Ẹ yị vị agụvị ka ẹwụ nịnị ọ rụrụ hụụnị anẹkụra ana vọ nị. Ẹwụ nịnị ọ hyakụ weyi hu nị.

Iwe Ọhụhị Imosiisi ana aa hị́ Ọyịvatụrọda 7:7 ပူးပေါင်းရင်းမြစ်များ

1 Ịtọpa 16:19

Anisirẹrị nịnị vịdị aa chee aanị, ẹ yị nyị ẹ yà, dị ahịka azọga ẹ vị̀ hi ịzọọ ụmẹ ọnọọ nị.

Ahẹ Ụgama 105:12

Anisirẹrị nịnị vịdị aa chee aanị, ẹ yị nyị ẹ yà,

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ezikẹẹrị 20:5

Ẹnẹyịmavara kà Ezikẹẹrị ọ̀ kà a yị wa ka, ụmẹ ọnị ọnị sị nyị Anisirẹrị nịnị, ọnị ộ kà ịrẹyị tịtẹ yị wa. Ọnị ộ sị ẹngụ anị zụ̀ wa ẹ́ mẹ yà ẹtẹ Ijipiti, dị ọnị kà a yị wa ka: Ọnị ọ̀ vị Ohomorihi awụ nịnị, Ẹnẹyịmavara nị.

Ezikẹẹrị 36:22

Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị.

Imatiwu 7:14

Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Aniroomi 11:6

Ayamva Ohomorihi kẹnẹ, ọ sị nyị aza ẹnẹẹ nị, ayị vị agụvị ụkọrọ ụvọ ẹnịnị. Àa vị agụvị ụkọrọ ụvọ ẹnịnịị yọ, ẹ yị kụkụ vị ayamva ọnọọ yaanị vị.

Aniroomi 9:18

Agụvị avọọ, ọza oni Ohomorihi òo sì, dị ọ vayị anị. Ọza oni òo re sì, dị ọ mẹ ka ọ̀ nyị ayị ọkatẹngụ.

Aniroomi 9:21

Aanị ka ọnụnọkọ, ọ̀ọ dà ụvụ, ọ yị zụ sị oze ọnya jị ụnọkọ anaa vaa sị mẹ̀ ịsa ẹtẹẹtẹrẹ, dị ọ sị ọsa jị ụnọkọ anaa vaa sị mẹ avaba ịsa kẹnẹ?

Iwe Ọhụhị Imosiisi ana aa hị́ Ọyịvatụrọda 1:10

Ẹnẹyịmavara ana vị Ohomorihi ẹnịnị, ộ raa mẹ̀ wa rụrụ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

1 Ịjọọnụ 4:10

Ịsị aā hị́ ịrẹyị ọza oyisì yị: Ẹ́ yị vị ka vị ẹyị sì ịrẹyị Ohomorihi nị, ama Ohomorihi o sì ịrẹyị ayị nị, dị ọ tụ́ Ozi anị vẹ ẹhẹ ka ọ̀ va sị ẹngụ anị mẹ̀ ịsọvọ, dị à zụ vagu yị ịnị ịvị ayị nị.