Iwe Ọhụhị Imosiisi ana aa hị́ Ọyịvatụrọda 7:6 - IWE ỌNỊNỊ

⁶ “Wa vavọọ mẹ̀ ẹ agụvị ka wa sị vị Ẹnẹyịmavara ana vị Ohomorihi awụ nịnị. Ọnị ọ nyị wụ nịnị ka wa vị anị hụụnị akakana aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 7:6 ပူးပေါင်းရင်းမြစ်များ

1 Ohinọyị 3:8

Ẹmị ozi ahụ awụ vị ana yà ini akakana aza awụ ọnị ụ nyị ka ẹ̀ vị awụ. Aza ẹ rụrụ ẹ vị nị. Ọza ọ yị hyakụ zụ za wa ịrịka ẹ mẹ rụrụ pooro.

Ẹzịra 9:2

Aza ẹnyị ịnị anọrụ Anisirẹrị ệ nyị ọnẹẹ Anikinami, dị ẹ navọ ezi ẹnịnị ka ẹnị ẹ rẹ na nyị anẹẹ Anikinami nị. Ọdọvịdị ọnịrị azọkụ Anisirẹrị ẹ vị ọnyị ịnị ebira ụhị ọnọọ nị. Aza Ohomorihi ẹ sị va hụra Anikinami nịnị.

Ahẹ Ụgama 114:2

Ijuda ẹnị vị aza Ohomorihi, di Anisirẹrị vị aza ọnị ori ohinọyị tụra ịjọnọọ nị.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 50:5

Ọ kà à kụ́ aza anị yị ọnị aza ana raà sị ẹngụ ẹnịnị tụ́ irenyi yị Ohomorihi Aza ẹnẹẹ vị ẹnị ẹnịrị Ohomorihi kà ịrẹyị tịtẹ Ịjị ẹ sị ịrẹyị ọnọọ kà, dị ẹ mẹ̀ ịsọvọ anị nị.

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ayịsaya 41:8

Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

Ayịsaya 41:9

Ẹnẹyịmavara kà ọnị ộ kụ wụ nịnị hụrị avaba ẹhẹ, dị ọnị hị́ wụ nịnị hụrị aha onoze nị, dị ọnị kà a yị wụ ka ezi ahụ anị ụ vị nị. Ọnị ọ nyị̀ wa nị. Ọnị ẹ yị hụrẹ wa ụvọ.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ayịsaya 62:12

A vaa hị́ wụ nịnị “aza ọnịnị Ohomorihi”, aza ọnị Ẹnẹyịmavara sị dọ ha Ijerusarẹmị vị ana vaa hị́ ẹkụra ọbanyị ọnị Ohomorihi sị ịrẹyị anị. Ẹkụra ọbanyị ọnị Ohomorihi ọ yị hụrẹ ụvọ.

Ijeremaya 2:3

Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.

Ezikẹẹrị 20:5

Ẹnẹyịmavara kà Ezikẹẹrị ọ̀ kà a yị wa ka, ụmẹ ọnị ọnị sị nyị Anisirẹrị nịnị, ọnị ộ kà ịrẹyị tịtẹ yị wa. Ọnị ộ sị ẹngụ anị zụ̀ wa ẹ́ mẹ yà ẹtẹ Ijipiti, dị ọnị kà a yị wa ka: Ọnị ọ̀ vị Ohomorihi awụ nịnị, Ẹnẹyịmavara nị.

Ireevi 20:24

Ama ọnị ọ sị kà yị Anisirẹrị nịnị ka, ẹnị ẹ vanaa nyị ẹtẹ anẹkụra ẹnẹẹ nị. Ọnị vaa sị mẹ oguu yị wa. Ẹtẹ ọnọọ vị ẹtẹ ịzị Imiriiki ọnịrị ẹhụ gwẹtẹ kẹnẹ. Ọnị ọ vị Ẹnẹyịmavara Ohomorihi ẹnịnị ana nyị wa tụ irenyi yị aza ana vọ nị.

Ireevi 20:26

Ọ kà ẹnịnị ẹ̀ sị ẹngụ ẹnịnị tu irenyi yị ọnị, agụvị ka ọnị Ẹnẹyịmavara vị ana sị ẹngụ anị tụ irenyi. Ọnị ọ sị wa nyị tụ irenyi yị aza ana vọ, ka ẹnịnị ẹ̀ vị aanị.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Ịmarakayị 3:17

Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ.

Odeyi 13:17

Ohomorihi Anisirẹrị ẹnẹnị ộ nyị ada ayị nịnị, dị ọ vara wa anẹkụra ọbanyị, ẹ mẹ̀ yị vị ọzọga tụ́ ịnị ẹtẹ Anijipiti nịnị nị. Ini oze ụkata Ohomorihi ộ kụ́ wa hụụnị ẹtẹ Ijipiti.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 14:21

Asị ụ rị uye ene su, ama wa zụ navọ ka anikinami ana ra va hura wụ nịnị ẹ rị ọ. Òo ze u eyi wa zụ na yị azọga. Ẹwụ nịnị vị́ Ẹnẹyịmavara Ohomorihi awụ nịnị. Aanị ụ vị nịnị.

Iwe Ọhụhị Imosiisi ana aa hị́ Ọyịvatụrọda 26:18

Ajịnị Ẹnẹyịmavara ọ raà dọ wụ nịnị ka ụ vị aza anị anka ọ me wo oto yị wụ nịnị. Ộ mẹ ọda ka wa saasa avaba ịrẹyị anị.

Iwe Ọhụhị Imosiisi ana aa hị́ Ọyịvatụrọda 26:19

Ọ vaa mẹ̀ wụ nịnị banyị hụụnị Anẹkụra ọnyọọnyị ọnị ộ tụ́. Ụ vaa sị ụga ọnịrị ụbanyị yị ịrẹha anị. Aza anị ụ vaa vị anka ô me wo oto nị.

Iwe Ọhụhị Imosiisi ana aa hị́ Ọyịvatụrọda 28:9

Wàa wụ́ chire Ẹnẹyịmavara Ohomorihi awụ nịnị, dị ụ waa mẹ avaba ịsa ọnị ọ mẹ ọda anị yị wụ nịnị nị, ọ vaa mẹ wụ nịnị aza anị, anka ọ mẹ̀ vịdị kà a.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

2Ipita 2:5

Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.