Iwe Ọhụhị Imosiisi ana aa hị́ Ọyịvatụrọda 7:5 - IWE ỌNỊNỊ

⁵ Èe tu ịzọọ, e wu ụta ori ẹnịnị ha, ẹ chaka ịrẹta ori ẹnịnị rugurugu va ha, ẹ dà ọchị ana a sị mẹ uyi yị ori Asẹra, dị ẹ rị wa ịra.

Iwe Ọhụhị Imosiisi ana aa hị́ Ọyịvatụrọda 7:5 ပူးပေါင်းရင်းမြစ်များ

2 Ohinọyị 10:26

dị ẹ kụ ọhẹ ẹnẹ ẹ mẹ hi ịzọọ yị Ịbaarị tụ ẹhẹ, dị ẹ rị wa ịra nị.

1 Ịtọpa 14:12

Ịjị Anihwirisiti nịnị ee zwè, ori ẹnịnị vị ẹnị ẹ vana hụrẹ ụvọ hị́ ẹtẹ, di Idevidi mẹ ọda ka à rị wa ịra, dị a rị wa ịra nị.

2 Ịtọpa 14:3

Ộ kụ́ avaba ụta ori ana a dà va ngụ ẹkụra ọnịrị avaba aha anaā ya hẹkẹ wa kwooze. Ộ chaka ịrẹta udi ori ẹnịnị va ha, di ộ dà avaba ọchị ene hi jẹẹ mẹ uyi ori ọnẹẹ anaā hị́ Asẹra.

Ọyịkụra 23:24

Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa.

Ọyịkụra 32:20

Dị ọ sị imaaru ẹnị ẹ mẹ dị ọ rị ọ ịra, dị kwọ̀ ọ nẹrẹ-nẹrẹ nị. Dị ọ sị ọ dị ọ và a hi ini enyi, dị ọ ka avaba Anisirẹrị e hú ọ nị.

Ọyịkụra 34:13

Wèe tù ịzọọ ụ chaka ụta ịzị ẹ yàa mẹ̀ ịsọvọ, rẹ za avaba ịrẹta ẹnị ẹ sị mẹ ori dị wa chaka wa. Â nyị ọchị ẹnị ẹ bẹ yị ori ẹnịnị ẹnị ẹẹ̄ hị́ Acherimi. Ọchị ọnọọ vi oni u wee che nịnị.

Ayịsaya 17:8

Aza ẹ yị kụkụ vaa sị ayị tụra ụta ori ẹnị ẹ sị ụvọ ẹnịnị mẹ. Ẹ yị rẹ kụkụ vaa sị ayị tụra ori Asẹra ene e hī ọchị ọgọdọọ yị́, ne beri ụta ẹnị ẹnị ụvọta hī dị ẹ yaa rị eturare ịra ịnị anị.

Ireevi 26:1

Ẹnẹyịmavara ộ kà a yị Anisirẹrị nịnị ka, à sị ẹnịnị mẹ ori nịnị yị ẹngụ ẹnịnị o. À sị ẹ sị ụmọmọ ịsa ọnyọọnyị jẹẹ, à sị ẹ́ sị ịrẹta mẹ ọhẹ jẹẹ, à vị ka ẹ̀ bẹ́ ịrẹta jẹẹ ịnị ẹtẹ ẹnịnị dị ẹẹ vàa ku ẹtẹẹ yị ọ o, agụvị ka ọnị ọ vị Ẹnẹyịmavara Ohomorihi ẹnịnị nị.

Ịrịka 33:52

ẹ dụ avaba aza ana ra ịzọọ jịnẹ eyi anị, dị gara avaba ịrẹta ẹnẹẹ̄ mẹ̀ ịsọvọ ịrẹsụ anị, dị wú avaba ụta ịsọvọ ẹnịnị.

Iwe Ọhụhị Imosiisi ana aa hị́ Ọyịvatụrọda 16:21

Wèe hì ụta ịsọvọ yị Ẹnẹyịmavara Ohomorihi awụ nịnị, wẹ yị nyayịnẹ hi ọchị jẹ akaha anị yị ori ọnẹẹ ana aā hị́ Asera.

Iwe Ọhụhị Imosiisi ana aa hị́ Ọyịvatụrọda 16:22

A sị ụ sị ịrẹta tụra ọhẹ jẹẹ dị wa jị ọ ori nịnị. Ẹnẹyịmavara Ohomorihi ộ nyị ịhyẹrẹ ẹngụ ịsa ẹnẹnị.

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

Iwe Ọhụhị Imosiisi ana aa hị́ Ọyịvatụrọda 9:21

Ịvị ọ vị ka Anisirẹrị nịnị ẹ sị enyusẹ mẹ imaaru dị ọ vị uyi ori ẹnịnị nị. Agụvị avọọ ọnị rị ọ ịra, dị ọnị mẹ ka aa kwọ ọ, dị a va atịtọ anị hi enyi ene sì vaa chi hụrẹ ịrẹsụ ataba nị.