Iwe Ọhụhị Imosiisi ana aa hị́ Ọyịvatụrọda 7:16 - IWE ỌNỊNỊ

¹⁶ “Re ka avaba anẹkụra ọnị Ẹnẹyịmavara Ohomorihi awụ nịnị ọ̀ọ sị ụkata wụ ka we vu ẹtẹ, wee vu wa ẹtẹ nịnị; à sị ụ vayị ẹnịnị. Àsị u hẹkẹ ori ẹnịnị, agụvị ka ọ va vị ẹngụkata odivi yị wụ nịnị.

Iwe Ọhụhị Imosiisi ana aa hị́ Ọyịvatụrọda 7:16 ပူးပေါင်းရင်းမြစ်များ

Ahẹ Ụgama 106:34

Aza ẹnẹẹ ẹ yị rẹ wụ̀ avaba aza ẹnị Ẹnẹyịmavara mẹ ọda yị wa ka ẹ̀ wụ.

Ahẹ Ụgama 106:36

Ẹ kụkụ aa mẹ ori aza ẹnẹẹ. Ọnọọ ộ vana kụ́ ẹngụkata tù wa ẹnẹmẹhị.

Ọyịkụra 23:33

Asị ụ zẹẹ ka ẹ ra ịnị ẹtẹ awụ nịnị ka ẹ va mẹ ka wa mẹ ịvị hi mi nịnị. Ẹ̀ ẹ ra pè wu nịnị dị ẹ yaa mẹ ori ẹnịnị nị, ọ sị wụ nịnị nyeeyi, dị ọ kụ́ ịrẹyị odivi tù wu nịnị.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ịrịka 33:55

Ama ẹnịnị ẹ̀ yị dụ aza ana ra hi ọ jịnẹ, ịhyọsịhyọsa vị aza ẹnẹẹ vaa kụ́ ẹngụkata tụ́ wa anka akọkọ òo che hi ọza eyi avọọ nị. Dị ẹ vị igegenechi aa tụ́ wa ẹngụ ọmọọma, dị e yee beri wa kụ́ pooro kẹnẹ.

1 Anịkọrịntị 15:33

Asị ụ zẹẹ ka è vene wu nịnị! Ogu odivi vị eneē du ebira ozozaa ha,

Iwe Ọhụhị Imosiisi ana aa hị́ Ọyịvatụrọda 13:8

Asị ụ zẹ ka o vene wụ. Asị ụ sị ụtọ pe ịrẹyị ẹnịnị vụrụ-vụrụ. Asị ụ vayị ẹnịnị, asị ụ sị wa tẹ̀.

Iwe Ọhụhị Imosiisi ana aa hị́ Ọyịvatụrọda 13:9

Wụ̀ wa! Vị ọnịpaapa ene vịdị ee ne wa ịrẹta, dị aza ana vọ ẹnẹ ẹ rẹ kụ ịrẹta hi wa.

Iwe Ọhụhị Imosiisi ana aa hị́ Ọyịvatụrọda 19:13

Asị ụ vayị anị. Dọ Isirẹrị tịtẹ hụụnị ụvọ ọwọza agụvị ẹkụra ọ nyị ẹngwọọrọ.

Iwe Ọhụhị Imosiisi ana aa hị́ Ọyịvatụrọda 19:21

Asị a vayị ọza. Ọza ọ̀ọ wụ̀ ọza, à rẹ wụ̀ ọnị. Ọza ọ̀ọ tụ̀ ọza eyi, à rẹ tù ọnị eyi. Ọza ò hu ọza anyị, à rẹ hu ọnị anyị. Ọza ọ̀ọ dà ọza ụvọ, à rẹ dà ọnị ụvọ. Ọza ọ̀ọ dà ọza ahụ, a rẹ dà ọnị ahụ.

Iwe Ọhụhị Imosiisi ana aa hị́ Ọyịvatụrọda 25:12

a sị ụ vayị anị nịnị. À dà a ụvọ kwooze.

Iwe Ọhụhị Imosiisi ana aa hị́ Ọyịvatụrọda 7:2

Ịjị Ẹnẹyịmavara Ohomorihi ẹnịnị ọ̀ọ sị anẹkụra ẹnẹẹ yị wa, dị ẹ nyị ẹbẹẹba ẹnịnị, ẹ wụ̀ avaba ẹnịnị ha bemi-bemi. Asị a nyị ọza ọnị ẹ vayị anị, dị asị a nyị oto ọnị ẹnịrị wa mẹ̀ yị ẹngụ.

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

Ijosuwa 11:20

Ẹnẹyịmavara ụvọta ọ mẹ ayị anẹkụra ana vọ katẹngụ ka ẹ gẹ ịrẹkụ tu Anisirẹrị agụvị a wụ̀ wa ha bemi-bemi, dị asị Ẹnẹyịmavara vayị ẹnịnị anka ọ̀ mẹ vịdị raà mẹ ọda yị Imosiisi.

Ọdọvịdị 2:12

Di e yi Ẹnẹyịmavara ana vị Ohomorihi ohiku ẹnịnị ana kụ wa jịnẹ hụrị Ijipiti tịtẹ, dị ẹ yaa saasa ori ene hi ịzọọ ọnị aza ana ra kara wa aa hẹkẹ nị. Ọsọnị o du Ẹnẹyịmavara ayị.

Ọdọvịdị 2:3

Avọọ, anggẹẹrị Ẹnẹyịmavara kà ọnị ẹ yị vaa dụ aza ene hi ịzọọ jịnẹ yị wa eyi ẹnịnị. Ori ọnị ẹ yaa hẹkẹ vị ene vee tura wa.

Ọdọvịdị 3:6

Ẹnịrị Anisirẹrị nịnị vị ana nyị ẹngụ vahi, dị Anisirẹrị nịnị aa hẹkẹ ori ẹnịnị nị.

Ọdọvịdị 8:27

Dị Igidiyọnị dọ avaba ịsụtọ ana sị igooru mẹ aanị, dị ọ sị mẹ awuru oweyi ọkụ ụvọ tụ ịza anaa hị́ ẹhwọọdụ nị. Ịjị ẹ sị ẹhwọọdụ ọnọọ mẹ dị ọ sị ọ tụ ẹkụra anị ịzị aa hị́ Ọpaara nị. Dị Anisirẹrị nịnị kụkụ nyima dị ẹ yaa hẹkẹ ẹ nị.