Iwe Ọhụhị Imosiisi ana aa hị́ Ọyịvatụrọda 7:13 - IWE ỌNỊNỊ

¹³ O vee sì ịrẹyị awụ nịnị, dị ọ mẹ ka ò ze wụ nịnị. Ụ vaa ma ozi nịnị, dị ụ waa rụrụụ hu avọọ nịnị. Ọ va mẹ ka ò ze yị aarẹ awụ nịnị, dị akụ awụ nịnị, eche ọnịrị angwẹ orivi awụ nịnị aa mẹ; ọ vaa mẹ ka ò ze wu nịnị, dị ọ sị ịsụpa ọnịrị atẹmẹ tatarataa wụ nịnị. Ọ vaa mẹ avaba ize ẹnẹnịị yị wụ nịnị ịnị ẹtẹ oni o wo oto yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 7:13 ပူးပေါင်းရင်းမြစ်များ

Inehemaya 9:32

Kwogwo, Ẹwụ Ohomorihi ayị, Ẹwụ Ohomorihi ragada, anị vị Ochẹtẹẹngụ, ẹwụ ana ahịka ka ọkatịtẹ ọnị ụ mẹ mẹ vị ọnị ụ saasa, dụ uū sì ịrẹyị ọza pooro; navọ wa kana eyi we re ụya ọnị yaa rị aanị. Ụya ọbanyị ọ raà vẹ ẹyịrị ohinọyị ayị nịnị ịrẹsụ neberi ezi ohinọyị nịnị, ohirẹsụ irehi Ohomorihi nịnị, hi ọnịsẹ ayị nịnị ọnịrị ada ayị nịnị hụrẹ ụmẹ ọnị ohinọyị Anasiriya nịnị sị aa mẹ ẹvayaa yị avọọ huu va ngụ ọyaanị.

Ijoovu 1:10

Wee sere ọnịrị aza anị ne beri ogu ọnị ọ nyị. Dị ụ mẹ ka ẹhẹ anị oo zee yọ nị. Dị ọ ka Ẹnẹyịmavara ò re ogu ọnị Ijoovu nyị aanị.

Ijoovu 42:12

Dị Ẹnẹyịmavara mẹ ka o zee yị Ijoovu huni ộ mẹ̀ vịdị ya nị. Ijoovu ô varẹma nyị atẹmẹ ịrịka akawụ-akawụ oze ịhịmba (14,000), ịnyaakụmị ịrịka akawụ-akawụ oze ẹẹta (6,000) imaaru ịrịka akawụ (2,000) ọnịrị ịkẹrịkẹtẹ ịrịka akahị (1,000).

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ahẹ Ụgama 11:7

Ẹnẹyịmavara vị ana mẹ ịzẹyịza ô sì ka àa mẹ̀ ebira ene zoza Aza ana aa mẹ̀ ebira ana vọrọ vị ana vaa ra ịda anị.

Ahẹ Ụgama 127:3

Ezi vi ogu ẹnị Ẹnẹyịmavara sịị yị ọza. Ize obooro ẹnịnị vị nị.

Ahẹ Ụgama 146:8

Ẹnẹyịmavara ọọ̄ há eyi ọza ene gù eyi nị, dị ọ rẹẹ sị aza ana aa hyẹdụụ kwẹẹtẹ nị. Ẹnẹyịmavara oō sì ịrẹyị aza ana aa mẹ̀ ịsa ana vọrọ.

Ọyịkụra 23:25

Waa hẹkẹ ẹmị Ẹnẹyịmavara ana vị Ohomorihi awụ. Ịjọnọọ mị vaa mẹ ka wàa rị ịsa, wèe hú enyi, ò zee yị wụ. Mẹ yị vaa zẹẹ ka ụkụ ọ̀ za wụ nịnị.

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.

Ụhịrẹyị 15:9

Ẹnẹyịmavara ọ nyị ịhyẹrẹ ọza ana a mẹ̀ odivi ama o sì ịrẹyị ọza anaa mẹ̀ ịsa ana vọrọ.

Ireevi 26:9

Ọ kà ọnị vaa mẹ ọyịzaa yị wa, dị ẹ yaa rụrụụ hu avọọ. Ọnị vaa mẹ ana vị aanị ịnị ịrẹyị ọnị ọnịrị wa hị́ eku yị ẹngụ tụ.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Ịjọọnụ 14:21

Ọza ana àa dọ ọda amị, dị ọ saasa a nị, oni o sì ịrẹyị amị nị. Ada amị oni re vee sì ịrẹyị ọza ene èe sì ịrẹyị amị. Ẹmị re vee sì ịrẹyị ọza ọnọọ, dị mị rẹ sị ẹngụ amị zụ̀ ọ.”

Ịjọọnụ 15:10

Wàa sị eyi pe ọda amị nịnị, wẹ yị vaa vàa hụụnị ịrẹyị awụ nịnị oni mi sì. Avọọ émi mè re sị eyi pe ọda Ada amị, dị mẹ̀ yị và hụụnị ịrẹyị amị oni o sì nị.

Ịjọọnụ 16:27

Ada amị ọnị ụvọta ô sì ịrẹyị awụ nịnị, agụvị ka wê sì ịrẹyị amị nịnị, dị ụ rẹ dọ wụ́ nịnị ka ịdị Ohomorihi mị hụrẹ vẹ nị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 13:17

Asị a nyị ọza ana sị̀ hụụnị ogu ene chi hi aanị, agụvị Ẹnẹyịmavara ọ vaa hụụnị ọyịkụ anị, dị ọ vayị awụ nịnị. Ọ vaa vayị awụ nịnị, dị ọ mẹ ka wa rụrụ hu avọọ anka ọ mẹ hị́ eku yị ohiku awụ nịnị,

Iwe Ọhụhị Imosiisi ana aa hị́ Ọyịvatụrọda 28:1

Imosiisi ộ kà a yị Anisirẹrị nịnị ka, ọ̀ọ na vị ka wáa wụ́ chire Ẹnẹyịmavara Ohomorihi awụ nịnị, dị ụ sị ịzẹyịza aa saasa ọda anị ọnị maa sịị yị wụ nịnị ajịnị aanị nị, Ẹnẹyịmavara Ohomorihi awụ nịnị vaa mẹ ka we huna avaba anẹkụra ana vọ hi ẹhẹ.

Iwe Ọhụhị Imosiisi ana aa hị́ Ọyịvatụrọda 28:11

Ẹnẹyịmavara vaa mẹ ka wa ma ezi rụrụ nịnị, dị imaaru awụ nịnị rẹ rụrụ. Ịsị ịnị aarẹ awụ nịnị vaa mẹ ẹtẹẹtẹrẹ ịnị ẹtẹ ọnị ọ wo oto anị yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 30:5

Ẹnẹyịmavara vaa vavọọ mẹ agụvị dị ụnanka ẹnịnị ẹ dọ ẹtẹ ọnị ohiku ẹnịnị vịdị ra varẹma. Ọ vaa mẹ ka o zee yị wa, dị ẹ rụrụ hụụnị ohiku ẹnịnị mẹ vịdị ya.

Iwe Ọhụhị Imosiisi ana aa hị́ Ọyịvatụrọda 7:7

Ẹnẹyịmavara sì ịrẹyị wụ nịnị kẹnẹ, dị ọ nyị wụ ka wa vị aza anị nị. Ẹ yị vị agụvị ka ẹwụ nịnị ọ rụrụ hụụnị anẹkụra ana vọ nị. Ẹwụ nịnị ọ hyakụ weyi hu nị.