Iwe Ọhụhị Imosiisi ana aa hị́ Ọyịvatụrọda 7:1 - IWE ỌNỊNỊ

¹ “Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Iwe Ọhụhị Imosiisi ana aa hị́ Ọyịvatụrọda 7:1 ပူးပေါင်းရင်းမြစ်များ

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.

1 Ịtọpa 1:14

Ikenani ọ rẹ vị ohiku Anijebusi nịnị, Anaamori nịnị Anigirigasi nịnị nị.

2 Ịtọpa 8:7

 nyị anẹkụra ẹnyị ọnị ịrẹkụ ẹ̀ yị rị ene hi ẹtẹ Ikenani. Anẹkụra ẹnẹẹ ẹ vị Anihiti, Anamọrị, Aniperizi, Anihivi ọnịrị Anijebusi. Ẹnịnị ẹ yị vị Anisirẹrị.

Ẹzịra 9:1

Ẹmị Ẹzịra ka ịjị ẹ raà mẹ avaba ịsa ọnị mị kà, dị ọdọvịdị Aniju nịnị va sị ịrẹyị ọnya tụ́ mị ịrẹka nị. Ẹ ka Anisirẹrị ọrụrụ-ọrụrụ, nechire ohirẹsụ irehi Ohomorihi ẹnịrị Anireevi nịnị vị ana aa mẹ̀ ebira anka anẹkụra ana ra kara wa avọọ. Ẹ yaa hama wa mẹ̀ ebira odivi-odivi ọnị ẹ yaa mẹ̀. Anẹkụra ẹnẹẹ ẹ vị Anikenaani nịnị, Anihiti nịnị, Aniperizi nịnị, Anijebusi nịnị, Anamọnị nịnị ọnịrị Animowabi nịnị ọnịrị Anijipiti nịnị neberi Anamọnị nịnị.

Inehemaya 13:23

Ụmẹ ọnọọ gẹdẹ-gẹdẹ, mê re anọrụ Anijuda ana nyị anẹẹ Anasidodi, Anamọnị, ọnịrị Animowabi nịnị.

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Ọyịkụra 15:7

Wâ sị ụkata ọbanyị awụ hú ọnịvị awụ ẹtẹ Ịjị ụ kụ́ ayị ana ngụra dị ọnịvị awụ rịra va ha anka avị avọọ nị.

Ọyịkụra 23:28

Mị vaa tụ́ ampoo dọ ọvịdị awụ nịnị, dị ọ na dụ Anihivi ọnịrị Anikenaani ne beri Anihiti hụrẹ oze yị wụ nịnị.

Ọyịkụra 23:32

Asị ẹwụrị wa hị́ eku yị ẹngụ tụ́ ịnị ịsa ọnyọọnyị. Asị ụ na zẹẹ ori ẹnịnị ịzẹzẹ.

Ọyịkụra 23:33

Asị ụ zẹẹ ka ẹ ra ịnị ẹtẹ awụ nịnị ka ẹ va mẹ ka wa mẹ ịvị hi mi nịnị. Ẹ̀ ẹ ra pè wu nịnị dị ẹ yaa mẹ ori ẹnịnị nị, ọ sị wụ nịnị nyeeyi, dị ọ kụ́ ịrẹyị odivi tù wu nịnị.

Ọyịkụra 33:2

Ẹnẹyịmavara kà ọnị vaa tụ́ anggẹẹrị anị dị ọ̀ tụ́ ọvịdị ẹnịnị na. Ọ rẹ ka ọnị vaa dụ anẹkụra ẹnẹnị hụụnị ẹtẹ ọnọọ yị wa. Anẹkụra ẹnẹẹ ẹ vị Anikenaani, Anamọrị, Anihiti, Aniperizi, Anihivi ọnịrị Anijebusi.

Ọyịkụra 6:8

Dị ọ rẹ ka ẹtẹ ọnị ọnị kà a ka ẹ yị zụ nyị ka ọnị ọ̀ yị sị yị Abụrahamị ọnịrị Ayiziiki ne beri Ijekọvụ avọọ, ịzọọ ọnị aa kụ wa nọ nị. Ọ kà ọnị aa sị ẹtẹ ọnọọ yị wa dị ọ̀ vị ẹtẹ ẹnịnị. Ọ kà ọnị ọ vị Ẹnẹyịmavara nị.

Ireevi 14:34

Ịjị waa na sị ngụ ẹtẹ Ikanaani, ọnị ọnị ọnyọọnyị ịnị ẹtẹ ọnọọ ọ̀ọ chị́ uru nị.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ịrịka 14:31

Ẹnịnị ệ kà a ka ezi ẹnịnị vị ana a vaa za ọrịhị, ama ọnị vaa kụ wa na ngụ ẹtẹ ọnị e sị eyi wụ.

Odeyi 13:19

Ohomorihi ộ wụ anẹkụra ịhịmba kwooze hụụnị ẹtẹ Ikanaani, dị ọ sị ẹtẹ ẹnịnị yị aza anị,

Iwe Ọhụhị Imosiisi ana aa hị́ Ọyịvatụrọda 11:29

Ịjị Ẹnẹyịmavara ọ̀ọ raa sị wa na ngụ ẹtẹ ọnị ẹ yaa ngụ ịnị anị na ra aanị, ẹ vaa mẹ̀ aduwa ọyịza ịrẹsụ ataba Igerizimi, dị ẹ tụ ozirenu ịrẹsụ ataba Ẹba.

Iwe Ọhụhị Imosiisi ana aa hị́ Ọyịvatụrọda 20:1

Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.

Iwe Ọhụhị Imosiisi ana aa hị́ Ọyịvatụrọda 20:16

Àa nyị ẹkụra ọnị ẹnịnị dọ ịnị ẹtẹ ọnị Ẹnẹyịmavara aa sị yị wa, ẹ wụ̀ avaba aza ene hi ịzọọ.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Iwe Ọhụhị Imosiisi ana aa hị́ Ọyịvatụrọda 31:3

Ama Ẹnẹyịmavara ana vị Ohomorihi ẹnịnị vaa dọ ọvịdị ẹnịnị jịnẹ tụ akẹnẹ. Dị ọnị ụvọta vu avaba anẹkụra ana ra hi ịzọọ ẹtẹ agụvị dị ọ dọ wa ẹtẹ yị Anisirẹrị nịnị. Ijosuwa ana vị ọdọvịdị ẹnịnị ọwọọwa vaa dọ ọvịdị ẹnịnị jịnẹ tụ akẹnẹ enyi anka Ẹnẹyịmavara mẹ kà a.

Iwe Ọhụhị Imosiisi ana aa hị́ Ọyịvatụrọda 4:38

Dị ọ dụ anẹkụra nịnị ana banyị dị ẹ nyị ụkata hu wa jịnẹ hụụnị ẹtẹ ẹnịnị agụvị ọnị ọ sị ẹtẹ ọnọọ ọnị ẹ yịị ra aanị yị wa nị.

Iwe Ọhụhị Imosiisi ana aa hị́ Ọyịvatụrọda 6:1

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa.

Iwe Ọhụhị Imosiisi ana aa hị́ Ọyịvatụrọda 6:10

“Ẹnẹyịmavara vaa sị ụ vẹ ịnị ẹtẹ ọnị ọ hị́ eku anị yị ohiku awụ nịnị Abụrahamị ọnịrị Ayiziiki ne beri Ijekọvụ. Ẹtẹ ọnọọ vaa nyị ẹkụra ẹbanyị-ẹbanyị ọnị we yị sị ụvọta awụ nịnị da.

Iwe Ọhụhị Imosiisi ana aa hị́ Ọyịvatụrọda 6:19

Eyi awụ Ẹnẹyịmavara aa dụ ọnịvị awụ anka ọ mẹ ka a.

Iwe Ọhụhị Imosiisi ana aa hị́ Ọyịvatụrọda 6:23

Ẹnẹyịmavara ọ kú wụ nịnị jịnẹ hụụ ịzọọ vaa ngụ ịzẹnị, ọnị ộ wo oto anị yị ohiku awụ nịnị nị.

Iwe Ọhụhị Imosiisi ana aa hị́ Ọyịvatụrọda 9:1

“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 9:3

Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ.

Iwe Ọhụhị Imosiisi ana aa hị́ Ọyịvatụrọda 9:4

Ịjị Ẹnẹyịmavara ọ vavọọ ra dụ wa jịnẹ hụụnị ẹtẹ ọnọọ, asị ọza ọnyọọnyị rò o ka ọnị ọ vavọọ ya nị, Ẹnẹyịmavara vị ana dụ wa jịnẹ kwooze yị wụ nịnị agụvị ebira odivi ẹnịnị.

Ijosuwa 11:3

Ọ hị́ Anikenaani eyi ẹnyị ọsa, Anamọrị, Anihiti, Aniperizi Anijebusi ịrẹsụ ataba, ọnịrị Anihivi akẹtẹ Ihamọnị ịnị ẹtẹ Imizipa.

Ijosuwa 24:11

Ụmẹ ọnọọ ẹnịnị jịnẹ okuha Ijodani na ngụ Ijeriko ịzọọ Anijeriko, Anamọrị, Aniperizi, Anikenaani, Anihiti, Anigirigasi Anihivi ọnịrị Anijebusi gẹ ịrẹkụ tu wa nị. Ama dị Ẹnẹyịmavara za ẹnịnị chire wa ụvọ nị.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.